High Court : తెలంగాణ, ఏపీ హైకోర్టు న్యాయమూర్తుల బదిలీ : కొలీజియం నిర్ణయం

High Court : తెలుగు రాష్ట్రాల హైకోర్టు న్యాయమూర్తుల బదిలీ జరిగాయి. 7గురు హైకోర్టు న్యాయమూర్తులను బదిలీలు జరిగాయి. ఈ మేరకు సోమవారం ఉత్తర్వులు జారీ అయ్యాయి. న్యాయమూర్తులను బదిలీ చేస్తూ సుప్రీంకోర్టు కొలీజియం నిర్ణయం తీసుకుంది. కర్ణాటక హైకోర్టుకు చెందిన 4గురు న్యాయమూర్తులు ఉన్నారు. తెలంగాణ హైకోర్టుకు చెందిన ఇద్దరు న్యాయమూర్తులు ఉన్నారు. ఏపీకి చెందిన న్యాయమూర్తి ఒకరు ఉన్నారు. ఈ మేరకు సుప్రీం ప్రధాన న్యాయమూర్తి జస్టిస్ సంజీవ్ ఖన్నా నేతృత్వంలోని కొలీజియం ఆమోదం తెలిపింది. ఈ నెల 15వ తేదీ నుంచి 19వ తేదీ వరకు జరిగిన కొలీజియం సమావేశాల్లో నిర్ణయం తీసుకుంది.

జస్టిస్ హేమంత్ చందన్​గౌడర్ కర్ణాటక హైకోర్టు నుంచి మద్రాస్‌కు బదిలీ కోరగా, కొలీజియం ఆమోదం తెలిపింది. న్యాయమూర్తి జస్టిస్ కృష్ణన్​ నటరాజన్ కేరళకు కోరగా, ఓకే చెప్పింది. జస్టిస్ నెరనహళ్లి శ్రీనివాస్ సంజయ్ గౌడను గుజరాత్‌‌కు బదిలీ చేసింది. జస్టిస్ దీక్షిత్ కృష్ణ శ్రీపాద్​ను ఒడిశా హైకోర్టుకు బదిలీ చేసింది. వీరితోపాటు తెలంగాణ హైకోర్టు న్యాయమూర్తులు జస్టిస్ పి. శ్రీసుధను కర్ణాటకకు బదిలీ చేసింది. జస్టిస్ కాసోజు సురేందర్​ను మద్రాసు హైకోర్టుకు బదిలీ చేసింది. ఏపీ హైకోర్టు న్యాయమూర్తి జస్టిస్ కుంభజడల మన్మధరావును కర్ణాటకకు బదిలీ చేస్తూ నిర్ణయం తీసుకుంది.