Sugar Level: డయాబెటిస్ కంట్రోల్ అవ్వాలంటే..?

Sugar Level:  రక్తంలో చక్కెర స్థాయి ఎక్కువగా ఉంటే.. మీరు ప్రీ-డయాబెటిస్ , డయాబెటిస్‌తో బాధపడుతున్నట్లు అర్థం చేసుకోవాలి. 2022 సంవత్సరం నాటికి ప్రపంచవ్యాప్తంగా 830 మిలియన్ల మంది మధుమేహం బారిన పడ్డారు. 1990 సంవత్సరంలో.. ఈ సంఖ్య 200 మిలియన్లు మాత్రమే ఉండేది. కానీ ప్రస్తుతం మారుతున్న లైఫ్ స్టైల్ కారణంగా చాలా మంది డయాబెటిస్ బారిన పడుతున్నారు.

ఇదిలా ఉంటే శరీరంలో చక్కెర స్థాయిని నియంత్రించడం అంత తేలికైన పని కాదు. చక్కెర, స్వీట్లు మానేసినప్పటికీ.. షగర్ లెవల్స్ నియంత్రణలోకి రావు. మీరు కూడా ఇలాంటి పరిస్థితిని ఎదుర్కొంటున్నట్లయితే.. ఇందుకు గల ప్రధాన కారణాలు , నివారణ మార్గాలను గురించి ముందుగా తెలుసుకోవాలి.

డయాబెటిస్ ఒక ప్రపంచ సమస్య:

రక్తంలో చక్కెర స్థాయి ఎక్కువగా ఉంటే.. మీరు ప్రీ-డయాబెటిస్ , డయాబెటిస్ బారినపడే అవకాశాలు ఎక్కువగా ఉంటాయి. ఆందోళనకరమైన విషయం ఏమిటంటే.. ప్రస్తుతం ప్రతి 10 మంది షుగర్ పేషెంట్లలో 4 గురికి డయాబెటిస్‌ ఉన్నట్లు తెలియదు.

చక్కెర తింటే షుగర్ లెవల్స్ పెరుగుతాయా ?
ఒక్క రోజు రాత్రి సరిగ్గా నిద్రపోకపోతే తరువాత రోజు ఇన్సులిన్ నిరోధకత పెరుగుతుందని చాలా కొద్ది మందికి మాత్రమే తెలుసు. ఒత్తిడి పెరగడం వల్ల , మీ శరీరంలో కార్టిసాల్ హార్మోన్ స్థాయి పెరగడం ప్రారంభమవుతుంది. ఈ ఒత్తిడి హార్మోన్ మీ రక్తంలో చక్కెర స్థాయిని పెంచుతుంది.

దీంతో పాటు.. రక్తంలో చక్కెర స్థాయిలను నియంత్రించడంలో గట్ మైక్రోబయోమ్ ముఖ్యమైన పాత్ర పోషిస్తుంది. ఇది ఇన్సులిన్ సెన్సిటివిటీని నేరుగా ప్రభావితం చేస్తుంది. మీరు పోషకాహారంతో పాటు.. ఫైబర్ అధికంగా ఉండే ఆహారాన్ని తిన్నప్పుడు, గట్ బాక్టీరియా వాటిని కొవ్వు ఆమ్లాలుగా విచ్ఛిన్నం చేస్తుంది. దీని ద్వారా ఇన్సులిన్ సున్నితత్వాన్ని నియంత్రించవచ్చు. ఇది వాపును తగ్గించడంలో కూడా సహాయపడుతుంది. కానీ మీరు పోషకాహారం తిననప్పుడు.. గట్ మైక్రోబయోమ్ సరిగా పనిచేయదు . ఇన్సులిన్ స్థాయిలు హెచ్చుతగ్గులకు గురవుతాయి. ఇలాంటి సమయంలో చక్కెర తినకుండానే మీ రక్తంలో చక్కెర స్థాయి పెరగడం ప్రారంభమవుతుంది.

షుగర్ లెవల్స్ ఎలా నియంత్రించాలి ?

1. ఒత్తిడి నిర్వహణ: ఒత్తిడి కంట్రోల్ లో ఉంచుకుంటే.. మీరు మీ రక్తంలో చక్కెర స్థాయిని నియంత్రించవచ్చు. ఇందుకోసం శ్వాస సంబంధిత వ్యాయామాలు చేయండి. మీరు ధ్యానం, వాకింగ్ చేయడం వల్ల అద్భుత ప్రయోజనాలను పొందుతారు.

2. తగినంత నిద్ర పొందండి: మీరు బాగా నిద్రపోవడం ద్వారా రక్తంలో చక్కెర స్థాయిని కూడా తగ్గించుకోవచ్చు. రాత్రి 7 నుండి 9 గంటల పాటు గాఢమైన, మంచి, తగినంత నిద్ర ఉండేలా చూసుకోండి. ఇది ఇన్సులిన్ సెన్సిటివిటీని సరిగ్గా ఉంచుతుంది.

3. కండరాల నిర్మాణంపై దృష్టి: మీ బలాన్ని , కండరాల నిర్మాణాన్ని పెంచుకోవడంపై పూర్తిగా దృష్టి పెట్టండి. దీంతో మీ శరీరం గ్లూకోజ్‌ను సరిగ్గా ఉపయోగించడం నేర్చుకుంటుంది.

4. సమతుల్య ఆహారం తప్పనిసరి: పోషకాహారం తీసుకోండి. ఆహారంలో ప్రోటీన్, ఫైబర్ , ఆరోగ్యకరమైన కొవ్వులు ఉండేలా చూసుకోండి. దీని వల్ల రక్తంలో చక్కెర స్థాయి అకస్మాత్తుగా పెరగకుండా ఉంటుంది.

5. ఈ పద్ధతిని ప్రయత్నించండి: కనీసం 10 నిమిషాలు భోజనం తర్వాత నడవండి. ఇది మీ రక్తంలో చక్కెర స్థాయిని తగ్గించడంలో సహాయపడుతుంది.