Fruits For High BP: హైబీపీ ఉన్న వారు తప్పకుండా.. తినాల్సిన ఫ్రూట్స్ ఏంటో తెలుసా ?

Fruits For High BP: ఈ రోజుల్లో చాలా మంది అధిక రక్తపోటు సమస్యతో ఇబ్బంది పడుతున్నారు. ఈ సమస్యతో బాధపడేవారి ధమనులలో రక్తపోటు పెరుగుతుంది. దీని కారణంగా గుండె సాధారణం కంటే ఎక్కువగా పని చేయాల్సి వస్తుంది. ఈ సమస్య ఎక్కువగా వేయించిన, నూనె పదార్థాలు ఎక్కువగా తినడం వల్ల, శారీరక శ్రమ లేకపోవడం వల్ల వస్తుంది. మీరు కూడా అధిక రక్తపోటుతో బాధపడుతుంటే.. కొన్ని రకాల పండ్లను మీ ఆహారంలో భాగంగా చేర్చుకోవడం మర్చిపోవద్దు.

కివీ: హైబీపీ ఉన్న వారు కివీ పండ్లను వారి ఆహారంలో తప్పకుండా చేర్చుకోవాలి. కివీ ఫ్రూట్ రక్తపోటును నియంత్రించడంలో చాలా సహాయపడుతుంది. వీటిలో మెగ్నీషియం, పొటాషియం కూడా పుష్కలంగా ఉంటాయి. ఫలితంగా ఇవి రక్తపోటును నియంత్రించడానికి ఉపయోగపడతాయి. కివీ జ్యూస్ తయారు చేసి రోజూ తాగడం వల్ల కూడా గుండెపోటు, బ్రెయిన్ స్ట్రోక్ వచ్చే ప్రమాదం కూడా తగ్గుతుంది.

పుచ్చకాయ: పుచ్చకాయలో అమైనో ఆమ్లాలు, పొటాషియం, విటమిన్ సి, విటమిన్ ఎ, లైకోపీన్ వంటివి ఎక్కువగా ఉండటం వల్ల రక్తపోటు రోగులకు కూడా ఇది చాలా ప్రయోజనకరంగా ఉంటుంది. ఇవన్నీ రక్తపోటు స్థాయిలను నిర్వహించడంలో సహాయపడతాయి. దీంతో పాటు.. ప్రతిరోజూ వ్యాయామం చేయడం వల్ల మీరు ఆరోగ్యంగా కూడా ఉంటారు. ఈ పండు రుచితో పాటు ఆరోగ్యాన్ని కూడా ఇస్తుంది. దీని తరచుగా తినడం వల్ల రక్తపోటును కూడా నియంత్రిస్తుంది.

అరటిపండు: అరటిపండులో పొటాషియం పుష్కలంగా ఉంటుంది. దీనిలో సోడియం పరిమాణం కూడా చాలా తక్కువగా ఉంటుంది. ఇలాంటి పరిస్థితిలో.. అరటిపండు అధిక రక్తపోటు, గుండె జబ్బులు , స్ట్రోక్ ప్రమాదాన్ని తగ్గిస్తుంది. హైబీపీ ఉన్న వారికి అరటిపండు ఆరోగ్యకరమైన ఎంపికగా నిరూపించబడుతుంది. అదనంగా.. అరటిపండు జీర్ణక్రియను ప్రోత్సహించడం ద్వారా బరువు తగ్గడానికి కూడా సహాయపడుతుంది.

బెర్రీలు: రక్తపోటు సమస్యలను అధిగమించడానికి.. మీరు మీ ఆహారంలో బెర్రీలను కూడా చేర్చుకోవచ్చు. ఇది గుండె సమస్యల నుండి ఉపశమనం కలిగించే సూపర్‌ఫుడ్‌గా పనిచేస్తుంది. ఇందులో పొటాషియం , యాంటీఆక్సిడెంట్లు పుష్కలంగా ఉంటాయి. ఇది రక్తాన్ని పంపింగ్ చేయడంలో సహాయపడుతుంది. ఇదే కాకుండా ఇందులో ఆంథోసైనిన్ అనే మూలకం ఉంటుంది. అందుకే ఇది ధమనులను వెడల్పుగా, సరళంగా ఉంచడంలో మీకు సహాయపడుతుంది. మీరు అధిక రక్తపోటుతో బాధపడుతుంటే.. బెర్రీలు మీకు మంచి ఎంపిక .

నారింజ: నారింజ పండ్లలో యాంటీఆక్సిడెంట్లు పుష్కలంగా ఉంటాయి. వీటిని తినడం ద్వారా రక్తపోటును నియంత్రించవచ్చు. దీంతో పాటు.. నారింజలో ఫైబర్ , విటమిన్ సి కూడా ఉంటాయి. ఇవి ఆరోగ్యానికి అనేక విధాలుగా మేలు చేస్తాయి.

అవకాడో: అధిక రక్తపోటు ఉన్న వారికి అవకాడో చాలా బాగా ఉపయోగపడుతుంది. ఈ పండు తినడం వల్ల రక్తపోటు సాధారణంగా ఉండటమే కాకుండా శరీరంలోని కొలెస్ట్రాల్ స్థాయి కూడా తగ్గుతుంది. అవకాడోలో పొటాషియం, ఫోలేట్ అధిక మొత్తంలో లభిస్తాయి. ఈ రెండూ గుండెకు మేలు చేస్తాయి. అంతే కాకుండా అధిక రక్తపోటును తగ్గించడంలో కూడా చాలా బాగా ఉపయోగపడతాయి.