India vs England: నేడే భారత్ వర్సెస్ ఇంగ్లాండ్ మూడో టీ20 మ్యాచ్.. సిరీస్‌పై భారత్ కన్ను!

India vs England Third T20 Match: భారత్, ఇంగ్లాండ్ జట్ట మధ్య నేడు మూడో టీ20 మ్యాచ్ జరగనుంది. రాజ్‌కోట్ వేదికగా నిరంజన్ షా స్టేడియంలో రాత్రి 7 గంటలకు మ్యాచ్ ప్రారంభం కానుంది. మొత్తం ఐదు మ్యాచ్‌ల సిరీస్‌లో భాగంగా భారత్ ఇప్పటికే రెండు మ్యాచ్‌ల్లో సత్తా చాటి 2-0తో ఆధిక్యంలో ఉంది. ఈ మ్యాచ్‌లో ఎలాగైనా గెలిచి సిరీస్ కైవసం చేసుకోవాలని టీమిండియా భావిస్తోంది. మరోవైపు ఇంగ్లాండ్ జట్టు ఈ మ్యాచ్ గెలిచి సిరీస్ ఆశలు సజీవంగా ఉండేందుకు పట్టుదలతో కనిపిస్తోంది. అయితే ఈ మ్యాచ్‌లో టాస్ కీలకం కానుంది.

రాజ్‌కోట్‌లో పిచ్ బ్యాటింగ్‌కు అనుకూలంగా ఉండగా.. టాస్ గెలిచే జట్టు భారీగా పరుగులు చేసే అవకాశం ఉంది. స్పిన్నర్లకు సహకారం లభిస్తుంది. టాస్ గెలిచిన జట్టు బ్యాటింగ్ ఎంచుకునే అవకాశం ఉంది. కాగా, అంతకుముందు రాజ్‌కోట్‌లో ఆడిన 5 మ్యాచ్‌ల్లో భారత్ నాలుగు గెలవగా.. 2017లో న్యూజిలాండ్ చేతిలో ఓటమి చెందింది.

భారత్:
సంజూ శాంసన్, అభిషేక్ శర్మ, సూర్యకుమార్ యాదవ్(కెప్టెన్), తిలక్ వర్మ, హార్దిక్ పాండ్యా, శివమ్ దూబే, వాషింగ్టన్ సుందర్, అక్షర్ పటేట్, మహ్మద్ షమీ, అర్ష్‌దీప్ సింగ్, వరుణ్ చక్రవర్తి.

ఇంగ్లాండ్:
బెన్ డకెట్, ఫిల్ సాల్ట్(కెప్టెన్), హ్యారీ బ్రూక్, జోస్ బట్లర్, లివింగ్ స్టోన్, జామీ స్మిత్, జామీ ఓవర్టన్, జోఫ్రా ఆర్చర్, బ్రైడన్ కార్సే, ఆదిల్ రషీద్, మార్క్ వుడ్.