Land for jobs scam investigation: ఉద్యోగాల కోసం భూ కుంభకోణం విచారణ.. సీబీఐ, ఈడీ ఎదుట హాజరయిన తేజస్వి యాదవ్, మీసా భారతి

ఉద్యోగాల కోసం భూ కుంభకోణంలో విచారణలో భాగంగా బీహార్ ఉప ముఖ్యమంత్రి తేజస్వి యాదవ్ నేడు ఢిల్లీ సీబీఐ కార్యాలయం,అతని సోదరి మీసా భారతి ఎన్‌ఫోర్స్‌మెంట్ డైరెక్టరేట్ ఎదుట హాజరయ్యారు. మేము ఎల్లప్పుడూ ఏజెన్సీలతో సహకరిస్తాము

Land for jobs scam investigation: ఉద్యోగాల కోసం భూ కుంభకోణంలో విచారణలో భాగంగా బీహార్ ఉప ముఖ్యమంత్రి తేజస్వి యాదవ్ నేడు ఢిల్లీ సీబీఐ కార్యాలయం,అతని సోదరి మీసా భారతి ఎన్‌ఫోర్స్‌మెంట్ డైరెక్టరేట్ ఎదుట హాజరయ్యారు. మేము ఎల్లప్పుడూ ఏజెన్సీలతో సహకరిస్తాము, అయితే దేశంలో పరిస్థితి చాలా కష్టంగా మారింది. మేము ఇప్పుడు దీనికి వ్యతిరేకంగా పోరాడాలని నిర్ణయించుకున్నాము. మేము గెలుస్తాము అని తేజస్వి యాదవ్ అన్నారు.

తేజస్వి యాదవ్ పిటిషన్ కొట్టేసిన హైకోర్టు..(Land for jobs scam investigation)

అంతకుముందు సమాజ్‌వాదీ పార్టీ అధినేత అఖిలేష్ యాదవ్ మీసా భారతి ఇంటికి వెళ్లారు. ప్రాంతీయ పార్టీల పరువు తీసేందుకు ఈడీ, సీబీఐ, ఆదాయపు పన్ను శాఖలను బీజేపీ దుర్వినియోగం చేసిందని అఖిలేష్ అన్నారు. తమ హయాంలో కాంగ్రెస్ కూడా అదే పని చేసిందని తెలిపారు.సీబీఐ తనకు జారీ చేసిన సమన్లను రద్దు చేయాలంటూ తేజస్వీ యాదవ్‌పై వేసిన పిటిషన్‌ను హైకోర్టు కొట్టివేసింది.అయితే తేజస్వి యాదవ్‌ను ఈ నెలలో అరెస్టు చేయబోమని సీబీఐ తరపు న్యాయవాది కోర్టుకు హామీ ఇచ్చారు.మార్చి 4, 11 తేదీల్లో విచారణకు హాజరుకాకపోవడంతో మార్చి 14న విచారణకు హాజరుకావాలని యాదవ్‌కు నోటీసులు జారీ చేసినట్లు సీబీఐ గతంలో పేర్కొంది. మూడో నోటీసుపై కూడా ఆయన విచారణకు హాజరుకాలేదు.

మార్చి 7న ఈ కేసుకు సంబంధించి ఆర్‌జేడీ అధినేత, తేజస్వి తండ్రి లాలూ యాదవ్‌ను సీబీఐ ప్రశ్నించడంతో ఈ కేసుకు సంబంధించి విచారణ మరలా ప్రారంభమయింది. ఒకరోజు ముందు లాలూ భార్య, బీహార్ మాజీ సీఎం రబ్రీ దేవిని కేంద్ర ఏజెన్సీ పాట్నా నివాసంలో ప్రశ్నించింది. తరువాత మార్చి 10 న తేజస్వి యాదవ్ ఢిల్లీ నివాసంలో సోదాలు నిర్వహించింది. లాలూ యాదవ్ ముగ్గురు కుమార్తెలు మరియు ఇతర ఆర్జేడీ నాయకుల ప్రాంగణాలతో సహా ఢిల్లీ, జాతీయ రాజధాని ప్రాంతం మరియు బీహార్‌లోని అనేక ఇతర ప్రదేశాలపై కూడా ఈడీ దాడులు చేసింది.