live tv
HOT
NOWHOT
NOW
ప్రధాన మంత్రి నరేంద్ర మోదీ నేతృత్వంలో జరిగిన కేంద్ర మంత్రివర్గ సమావేశంలో రైతుల కోసం కీలక నిర్ణయాలు తీసుకున్నారు. 2023-24 మార్కెటింగ్ సీజన్‌ కోసం ఖరీఫ్ పంటల కనీస మద్దతు ధరను పెంచారు. వరి క్వింటాలుకు 143 రూపాయల చొప్పున, మూంగ్ దాల్ ( పెసర పప్పు ) క్వింటాలుకు 803 చొప్పున, రాగులు క్వింటాలుకు 268 చొప్పున పెంచారు.
కేంద్ర క్రీడల మంత్రి అనురాగ్ ఠాకూర్ బుధవారం న్యూ ఢిల్లీలోని తన నివాసంలో రెజ్లర్లతో సమావేశమైన తర్వాత రెజ్లింగ్ ఫెడరేషన్ ఆఫ్ ఇండియా ఎన్నికలను జూన్ 30 లోపు నిర్వహిస్తామని రెజ్లర్లకు హామీ ఇచ్చారు. బ్రిజ్ భూషణ్ శరణ్ సింగ్‌పై లైంగిక వేధింపుల ఆరోపణలపై పోలీసు విచారణ జూన్ 15 నాటికి పూర్తవుతుందని, దర్యాప్తు స్థితి గురించి రెజ్లర్లకు తెలియజేస్తామని వారికి చెప్పారు.
మణిపూర్‌లోని పశ్చిమ ఇంఫాల్ జిల్లాలో ముగ్గురు వ్యక్తులతో కూడిన అంబులెన్స్‌ను ఒక గుంపు దారిలో పెట్టి తగలబెట్టడంతో గాయపడిన ఎనిమిదేళ్ల బాలుడు అతని తల్లి మరియు మరొక బంధువుతో సహా మరణించాడని అధికారులు తెలిపారు.
ఢిల్లీ ముఖ్యమంత్రి అరవింద్ కేజ్రీవాల్ బుధవారం డాక్టర్ బి.ఆర్ అంబేద్కర్ స్కూల్ ఆఫ్ స్పెషలైజ్డ్ ఎక్సలెన్స్‌ప్రారంభోత్సవం సందర్భంగా ఉద్వేగానికి లోనయ్యారు. ఢిల్లీ ప్రభుత్వ విద్యారంగంలో సమూల సంస్కరణలు చేసిన ప్రియమైన స్నేహితుడు మనీష్ సిసోడియాను గుర్తు చేసుకున్నారు.
కుక్కల వాణిజ్య దిగుమతి, వ్యాపారం మరియు విక్రయాలను నిషేధిస్తూ, అలాగే రెస్టారెంట్లలో కుక్క మాంసాన్ని వాణిజ్యపరంగా విక్రయించడాన్ని నిషేధిస్తూ నాగాలాండ్ ప్రభుత్వం జారీ చేసిన ఉత్తర్వులను గౌహతి హైకోర్టు కొహిమా బెంచ్ కొట్టివేసింది.
మహారాష్ట్రలోని కొల్హాపూర్‌లో బుధవారం రెండు వర్గాల మధ్య చెలరేగిన ఘర్షణలకు నిరసనగా పెద్ద సంఖ్యలో ప్రజలు వీధుల్లోకి రావడంతో కర్ఫ్యూ విధించారు. గుంపును చెదరగొట్టేందుకు పోలీసులు లాఠీచార్జి చేశారు.
టీచర్ల రిక్రూట్‌మెంట్ స్కామ్‌పై దర్యాప్తునకు సంబంధించి సెంట్రల్ బ్యూరో ఆఫ్ ఇన్వెస్టిగేషన్ (సీబీఐ) పశ్చిమ బెంగాల్‌లోని పలు ప్రాంతాల్లో బుధవారం సోదాలు నిర్వహించింది.. రాష్ట్రంలోని మునిసిపల్ కార్పొరేషన్లు సీబీఐ నిఘాలో ఉన్నాయి.
: రాష్ట్రంలో గత బీజేపీ ప్రభుత్వం విధించిన గోవధ, పాఠశాలల్లో హిజాబ్ ధరించడంపై నిషేధాన్ని రద్దు చేసే అంశాన్ని రాష్ట్ర ప్రభుత్వం పరిశీలిస్తుందని , కర్ణాటక మంత్రి ప్రియాంక్ ఖర్గే తెలిపారు. ఒక ప్రైవేట్ న్యూస్ ఛానెల్‌తో ప్రియాంక్ ఖర్గే మాట్లాడుతూ గోహత్య లేదా హిజాబ్ మాత్రమే కాదు, బిజెపి ప్రభుత్వం విధించే ఏ నియమమైనా తిరోగమనంగా మరియు రాష్ట్ర ఆర్థిక మరియు సామాజిక వృద్ధికి వ్యతిరేకంగా ఉంటే అది పోతుందని అన్నారు.
:మణిపూర్‌లోని కుకీ గిరిజన సంఘం సభ్యులు ఈరోజు న్యూఢిల్లీలోని కేంద్ర హోంమంత్రి అమిత్ షా నివాసం ముందు నిరసన చేపట్టారు. ఈ ఉదయం ఆందోళనకారులు షా నివాసానికి చేరుకుని ఆయనను కలవాలని డిమాండ్ చేశారని ఢిల్లీ పోలీసులు తెలిపారు. హోంమంత్రి నివాసం వెలుపల పోలీసులు భద్రతను పెంచారు. కొద్దిమంది నిరసనకారులను షాను కలిసేందుకు అనుమతించారని సమాచారం.
జార్హండ్ లో న్యూఢిల్లీ-భువనేశ్వర్ రాజధాని ఎక్స్‌ప్రెస్ కు పెద్ద ప్రమాదం తప్పింది. మంగళవారం సాయంత్రం సంతాల్దిహ్ రైల్వే క్రాసింగ్ నుండి వెళుతున్నప్పుడు భోజుడి స్టేషన్ సమీపంలో ట్రాక్టర్ రైల్వే ట్రాక్ మరియు గేట్ మధ్య ఇరుక్కుపోయింది. దీనిని గమనించిన రైలు డ్రైవర్ బ్రేకులు వేయడంతో రైలు ఆగిపోయి పెద్ద ప్రమాదం తప్పింది.
Download app