Pushpa 2 OTT: ఓటీటీకి వచ్చేసిన పుష్ప 2 – రీలోడెడ్‌ వెర్షన్‌తో పాటు ఆడియన్స్‌కి మరో సర్‌ప్రైజ్‌..

Pushpa 2 OTT Streaming: ‘పుష్ప 2’ మూవీ ఓటీటీకి వచ్చేసింది. ఈ మూవీ ఓటీటీ రిలీజ్‌ రెండు నెలలుగా ఎదురుచూస్తున్న ఫ్యాన్స్‌కి ఓ సర్‌ప్రైజ్‌ ఇచ్చింది. రిలీజ్‌ డేట్‌ ప్రకటించకుండానే కమ్మింగ్‌ సూన్‌ అంటూ ఈ రోజు అర్థరాత్రి నుంచి స్ట్రీమింగ్‌కి వచ్చేసింది. రీలోడెడ్‌ వెర్షన్‌తో పాటు ఆడియన్స్‌ మరో సర్‌ప్రైజ్‌ని కూడా వదిలారు. మరి సర్‌ప్రైజ్‌ ఏంటో ఇక్కడి చూడండి. కాగా ప్రస్తుతం పుష్ప 2 తెలుగుతో పాటు తమిళ్‌, మలయాళం, హిందీ, కన్నడ భాషల్లో స్ట్రీమింగ్‌ అవుతుంది. గతేడాది డిసెంబర్‌ 5న భారీ అంచనాల మధ్య ‘పుష్ప 2’ థియేటరల్లో రిలీజైంది.

ప్రీమియర్స్‌తోనే బ్లాక్‌బస్టర్‌ హిట్‌ తెచ్చుకున్న ఈ చిత్రం బాక్సాఫీసు వద్ద కాసుల వర్షం కురిపిస్తోంది. అంతేకాదు విడుదలైన చోట్ల రికార్డ్స్‌ క్రియేట్‌ చేస్తుంది. ఇప్పటి వరకు పుష్ప 2 మొత్తం రూ. 1850పైగా కోట్ల వసూళ్లతో ఇండియాలోనే హయ్యేస్ట్‌ గ్రాస్‌ చేసిన రెండవ చిత్రంగా రికార్డుకు ఎక్కింది. ఇక హిందీలో అత్యధిక వసూళ్లు సాధించిన చిత్రంగా ‘పుష్ప 2’ టాప్‌లో ఉంది. బాలీవుడ్‌ సినిమాలను సైతం వెనక్కి నెట్టి రూ. 800 కోట్లకు పైగా నెట్‌ వసూళ్లు చేసిన సినిమా పుష్ప 2 హిందీ బాక్సాఫీస్‌ను రూల్‌ చేసింది.

విడుదలైనప్పటి నుంచి రికార్డు మీద రికార్డులు కొల్లగొడుతున్న ‘పుష్ప 2’ రీలోడెడ్‌ వెర్షన్‌ అంటూ ఇటీవల అదనంగా 20 నిమిషాలు జోడించి మళ్లీ థియేటర్లలో తీసుకువచ్చింది. ఈ రీలోడెడ్‌ వెర్షన్‌కి కూడా మంచి రెస్పాన్స్‌ వస్తోంది. థియేటర్లోకి రాగానే.. ఆ వెంటనే దాన్నే ఓటీటీలోకి తీసుకువచ్చింది. అయితే కేవలం రీలోడెడ్‌ వెర్షన్‌ మాత్రమే కాకుండ బోనస్‌గా మరో 4 నిమిషాల సీన్లను అదనంగా యాడ్‌ చేశారు. మొత్తం ఓటీటీలో పుష్ప 2 3:44 గంటల రన్‌ టైంతో స్ట్రీమింగ్‌ అవుతోంది. ఇక ఆలస్యంగా చేయకుండ రీలోడెడ్‌ వెర్షన్‌ చూడని వారు ఓటీటీలో పుష్పగాడి జాతర చూసి ఎంజాయ్‌ చేయండి.