DRDO Jobs: 181 సైంటిస్ట్ ఉద్యోగాలకు డీఆర్డీవో నోటిఫికేషన్.. అర్హత, జీతం ఎంతంటే?

రక్షణ పరిశోధన మరియు అభివృద్ధి సంస్థ(డీఆర్డీవో) లో ఉద్యోగాలకు నోటిఫికేషన్‌ విడుదలైంది. 181 సైంటిస్ట్‌ (b) ఉద్యోగాలను భర్తీ చేసేందుకు ఆన్‌లైన్‌లో దరఖాస్తులు ఆహ్వానిస్తోంది డీఆర్డీవో. సైన్సులో ఇంజినీరింగ్‌, పోస్టు గ్రాడ్యుయేషన్‌ చేసిన అభ్యర్థులను ఈ పోస్టులకు అర్హులుగా డీఆర్డీవో పేర్కొంది.

DRDO Jobs: రక్షణ పరిశోధన మరియు అభివృద్ధి సంస్థ(డీఆర్డీవో) లో ఉద్యోగాలకు నోటిఫికేషన్‌ విడుదలైంది. 181 సైంటిస్ట్‌ (b) ఉద్యోగాలను భర్తీ చేసేందుకు ఆన్‌లైన్‌లో దరఖాస్తులు ఆహ్వానిస్తోంది డీఆర్డీవో. సైన్సులో ఇంజినీరింగ్‌, పోస్టు గ్రాడ్యుయేషన్‌ చేసిన అభ్యర్థులను ఈ పోస్టులకు అర్హులుగా డీఆర్డీవో పేర్కొంది. ఆసక్తి కలిగిన వాళ్లు https://rac.gov.in వెబ్‌సైట్‌లో రిజిస్ట్రేషన్‌ లింక్‌ జనరేట్‌ అయిన నాటి నుంచి 21 రోజుల వరకు దరఖాస్తు చేసుకొనేందుకు అవకాశం ఉంటుందని రిక్రూట్‌మెంట్‌ అండ్‌ అసెస్‌మెంట్ సెంటర్‌ వెల్లడించింది.

నోటిఫికేషన్ కోసం ఇక్కడ క్లిక్ చేయండి

నోటిఫికేషన్‌ వివరాలు(DRDO Jobs)

ఆయా పోస్టులను బట్టి ఎలక్ట్రానిక్స్‌ అండ్ కమ్యూనికేషన్స్‌/ మెకానికల్‌/ కంప్యూటర్‌సైన్స్‌/ ఎలక్ట్రికల్‌/ మెటీరియల్‌ సైన్స్‌/ కెమికల్‌ ఇంజినీరింగ్‌ ఏరోనాటికల్‌/ ఏరోస్పేస్‌/ సివిల్‌ ఇంజినీరింగ్‌లో బీటెక్‌ ఫస్ట్ క్లాస్ లో పాసై ఉండాలి. అదే విధంగా వీటిలో కొన్ని ఉద్యోగాలకు ఎమ్మెస్సీ ఫిజిక్స్‌/ కెమిస్ట్రీ/ మేథమెటిక్స్‌లో ఫస్ట్‌ క్లాస్‌లో పాసైన వారిని కూడా ఎంపిక చేస్తారు. దీంతో పాటు గేట్‌ స్కోరును కీలకంగా పరిగణిస్తారు.

ఆఖరి సంవత్సరం చదువుతున్న అభ్యర్థులు కూడా దరఖాస్తు చేసుకోవచ్చు. కాకపోతే ఆగస్టు 31 నాటికి వాళ్లు తమ డిగ్రీ/ ప్రొవిజనల్‌ డిగ్రీ సర్టిఫికెట్లు సమర్పించాల్సి ఉంటుంది. మొత్తం 181 పోస్టుల్లో దివ్యాంగులకు 7 పోస్టులను రిజర్వు చేశారు.

ఈ పోస్టులకు భారత పౌరులు మాత్రమే దరఖాస్తు చేసుకోవడానికి అర్హులు. ఉద్యోగానికి ఎంపికైన తర్వాత మెట్రో నగరాల్లో నెలకు దాదాపు రూ. లక్ష వరకు జీతం అందజేస్తారు.

అర్హులైన అభ్యర్థులు సాధించిన గేట్‌ స్కోరు ఆధారంగా 1:10 నిష్పత్తిలో షార్ట్‌లిస్ట్‌ చేస్తారు. ఆ తర్వాత ఇంటర్వ్యూలు ఉంటాయి.

ఈ పోస్టులకు దరఖాస్తు చేసుకోవాలంటే అన్‌రిజర్వ్‌డ్‌ కేటగిరీ అభ్యర్థులకు 28 ఏళ్లు మించరాదు. ఓబీసీలకు 31 ఏళ్లు, ఎస్సీ/ఎస్టీ అభ్యర్థులైతే 33 ఏళ్లు మించరాదు.