Indore: ఇండోర్‌లో కాలేజీ ప్రిన్సిపాల్ పై పెట్రోల్ పోసి నిప్పంటించిన మాజీ విద్యార్థి

ఇండోర్‌లోని బీఎం కాలేజీకి చెందిన ఓ మాజీ విద్యార్థి సోమవారం తన కాలేజీ ప్రిన్సిపాల్‌పై పెట్రోల్‌ పోసి నిప్పంటించాడు. అశుతోష్ శ్రీవాస్తవ అనే మాజీ విద్యార్థి తన మార్కుషీట్ రావడం ఆలస్యం కావడంతో మనస్తాపం చెంది ఇంటికి తిరిగి వస్తుండగా ప్రిన్సిపాల్‌పై దాడి చేశాడు.

Indore:ఇండోర్‌లోని బీఎం కాలేజీకి చెందిన ఓ మాజీ విద్యార్థి సోమవారం తన కాలేజీ ప్రిన్సిపాల్‌పై పెట్రోల్‌ పోసి నిప్పంటించాడు. అశుతోష్ శ్రీవాస్తవ అనే మాజీ విద్యార్థి తన మార్కుషీట్ రావడం ఆలస్యం కావడంతో మనస్తాపం చెంది ఇంటికి తిరిగి వస్తుండగా ప్రిన్సిపాల్‌పై దాడి చేశాడు.

ఇండోర్ పోలీస్ సూపరింటెండెంట్ భగవత్ సింగ్ విర్దే మాట్లాడుతూ, కళాశాల ప్రిన్సిపాల్, 54 ఏళ్ల విముక్త శర్మ 90 శాతం కాలిన గాయాలతో బాధపడుతున్నారని, ప్రస్తుతం ఆమె స్టేట్‌మెంట్ ఇచ్చే పరిస్థితిలో లేరని చెప్పారు.నిందితుడికి  కూడా చేతులు, ఛాతీపై కాలిన గాయాలయ్యాయి. తరువాత అతను ఆత్మహత్యకు ప్రయత్నించగా  వాచ్ మెన్ అడ్డుకున్నాడు.వాచ్‌మెన్ అతన్ని పోలీస్ స్టేషన్‌కు తీసుకెళ్లాడు, అక్కడ అతను తన నేరాన్ని అంగీకరించాడు. మరియు ప్రిన్సిపాల్‌తో కలత చెందాడని చెప్పాడు.

గతంలో ప్రిన్సిపాల్ పై దాడిచేసిన శ్రీవాస్తవ..(Indore)

అతడు మహిళా ప్రిన్సిపాల్ ఇంటికి తిరిగి వస్తుండగా ఆమెపై దాడి చేశాడు. గతంలో కూడా అతను ప్రిన్సిపాల్‌ని వేధించాడు. దీనిపై ప్రిన్సిపాల్ పోలీస్ స్టేషన్‌లో ఫిర్యాదు చేసినా చిన్న సమస్యగా భావించి చర్యలు తీసుకోలేదు.వాస్తవానికి, అతను గతంలో ఒక కళాశాల ప్రొఫెసర్‌పై కత్తితో దాడి చేశాడు, దీని కోసం అతను గతంలో అరెస్టయ్యాడు పోలీసులు నిందితుడిని అదుపులోకి తీసుకున్నారు. ప్రిన్సిపాల్ పరిస్థితి విషమంగా ఉంది.

సహజీవనం చేస్తున్న మహిళకు నిప్పంటించిన వ్యక్తి..

వాయువ్య ఢిల్లీలోని అమన్‌విహార్‌లో డ్రగ్స్‌పై వివాదం తలెత్తడంతో 28 ఏళ్ల మహిళకు సహజీవనం చేస్తున్న వ్యక్తి నిప్పంటించాడు.ఫిబ్రవరి 11న, కాలిన గాయాలతో ఉన్న మహిళను ఎస్‌జిఎం ఆసుపత్రిలో చేర్చినట్లు పోలీసులకు సమాచారం అందింది. పోలీసులు మహిళ స్టేట్‌మెంట్‌ను రికార్డ్ చేయలేని పరిస్దితిలో ఉందని తెలిపారు. ఆమెను వాయువ్య ఢిల్లీలోని బల్బీర్ విహార్ నివాసి, పాదరక్షల ఫ్యాక్టరీలో కార్మికురాలిగా గుర్తించారు. తదుపరి చికిత్స కోసం ఆమెను సఫ్దర్‌జంగ్ ఆసుపత్రికి, ఆపై ఎయిమ్స్ ట్రామా సెంటర్‌కు తరలించినట్లు వారు తెలిపారు.

బాధితురాలు తన భర్తను విడిచిపెట్టి, నిందితుడు మోహిత్‌తో గత ఆరేళ్లుగా నివసిస్తున్నట్లు దర్యాప్తులో తేలిందని సీనియర్ పోలీసు అధికారి తెలిపారు.ఆమెకు ఇద్దరు పిల్లలు ఉన్నారు-
.సోమవారం ఆమె ఆసుపత్రిలో మరణించిందని, పోస్ట్‌మార్టం నిర్వహించినట్లు అధికారి తెలిపారు.