Netflix down: నిలిచిపోయిన నెట్ ఫ్లిక్స్ ప్రసారాలు

ప్రముఖ ఓటీటీ ప్లాట్‌ఫాం నెట్‌ఫ్లిక్స్‌ ప్రసారాలకు అంతరాయం ఏర్పడింది. కొంత మంది సబ్‌ స్క్రైబర్స్ కు ఆదివారం సేవలు నిలిచిపోయాయి.

Netflix down: ప్రముఖ ఓటీటీ ప్లాట్‌ఫాం నెట్‌ఫ్లిక్స్‌ ప్రసారాలకు అంతరాయం ఏర్పడింది. కొంత మంది సబ్‌ స్క్రైబర్స్ కు ఆదివారం సేవలు నిలిచిపోయాయి. ఔటేజ్ ట్రాకింగ్ వెబ్‌సైట్ డౌన్ డిటక్టర్ ఈ విషయాన్ని వెల్లడించింది. సాయంత్రం యునైటెడ్ స్టేట్స్ లో 11 వేల కంటే ఎక్కువ మంది యూజర్లకు నెట్ ఫ్లిక్స్ ప్రసారాల్లో అంతరాయం ఏర్పడింది.

గంటకు పైగా అంతరాయం(Netflix down)

భారత కాలమాన ప్రకారం.. ఆదివారం ఉదయం 5 గంటలకు నిలిచిపోయిన నెట్ ఫ్లిక్స్ సేవలు 6.49 గంటలకు తిరిగి వచ్చాయి. దీంతో ‘లవ్ ఈజ్ బ్లైండ్: ది లైవ్ రీయూనియన్’ అనే కార్యక్రమం స్ట్రీమింగ్‌ ఆలస్యం అయింది. వెనెస్, నిక్ లాచీ హోస్ట్ చేసిన ఈ కార్యక్రమం లాస్ ఏంజెల్స్ నుంచి సాయంత్రం 5 గంటలకు ( భారత టైం ప్రకారం ఉదయం 5:30) మొదలు కావాల్సి ఉంది. ఈ షో కోసం సబ్‌ స్క్రైబర్స్ లు 10 నిమిషాల ముందే నుంచి వేచి ఉన్నారు. ఇంతలో నెట్ ఫ్లిక్స్ సేవల్లో అంతరాయం తలెత్తడంతో ఒక గంటకు పైగా యూజర్లు వేచి ఉండాల్సి వచ్చింది.

To everyone who stayed up late, woke up early, gave up their Sunday afternoon… we are incredibly sorry that the Love is Blind Live Reunion did not turn out as we had planned. We’re filming it now and we’ll have it on Netflix as soon as humanly possible. Again, thank you and…

— Netflix (@netflix) April 17, 2023

ఆలస్యంగా మేల్కొన్న నెట్ ఫ్లిక్స్

ఈ కార్యక్రమ ప్రసారం చివరకు సాయంత్రం 6:16 గంటలకు ప్రారంభమైంది. అయితే ఆలస్యంగా మేల్కొన్న నెట్‌ఫ్లిక్స్‌.. యూజర్లకు క్షమాపణలు చెప్పింది. లవ్ ఈజ్ బ్లైండ్ లైవ్ రీయూనియన్ షో స్ట్రీమింగ్‌ ఆలస్యమైనందుకు చింతిస్తున్నామంటూ సాయంత్రం 6:29 గంటలకు ట్వీట్ తో స్పందించింది.