Odisha Train Accident : భారతీయ రైల్వే చరిత్రలోనే అత్యంత ఘోర ప్రమాదంగా “ఒడిశా రైలు ప్రమాదం”.. ఎక్స్ గ్రేషియా ప్రకటన.. ప్రముఖుల స్పందన ??

ఒడిశా రాష్ట్రంలో జరిగిన రైలు ప్రమాదం దేశ వ్యాప్తంగా ప్రజలను తీవ్రంగా కలచివేసింది. తాజాగా అందుతున్న సమాచారం మేరకు ఈ ప్రమాదంలో మృతి చెందిన వారి సంఖ్య 237 కు చేరగా.. 900 మంది వరకు తీవ్రంగా గాయపడ్డారని తెలుస్తుంది. ప్రమాదం రాత్రివేళ జరగడంతో సహాయక చర్యలకు ఆటంకం ఏర్పడింది.

Odisha Train Accident : ఒడిశా రాష్ట్రంలో జరిగిన రైలు ప్రమాదం దేశ వ్యాప్తంగా ప్రజలను తీవ్రంగా కలచివేసింది. తాజాగా అందుతున్న సమాచారం మేరకు ఈ ప్రమాదంలో మృతి చెందిన వారి సంఖ్య 237 కు చేరగా.. 900 మంది వరకు తీవ్రంగా గాయపడ్డారని తెలుస్తుంది. ప్రమాదం రాత్రివేళ జరగడంతో సహాయక చర్యలకు ఆటంకం ఏర్పడింది. అయినా కానీ ఎన్‌డీఆర్ఎఫ్, ఎస్డీఆర్ఎఫ్, అగ్నిమాపక శాఖ సహా రైల్వే సిబ్బంది తీవ్రంగా శ్రమిస్తూ సహాయక చర్యల్లో పాల్గొంటున్నారు. మృతుల సంఖ్య ఇంకా పెరిగే అవకాశం ఉంది. భారతీయ రైల్వే చరిత్రలోనే దీనిని అత్యంత విషాదకర ఘటనగా పేర్కొంటున్నారు. కాగా ఈ మేరకు ఈ ఘోర రైలు ప్రమాద ఘటనపై కేంద్రం తీవ్ర విచారం వ్యక్తం చేసింది. మృతుల కుటుంబాలకు ఎక్స్ గ్రేషియా ప్రకటించింది.

మృతుల కుటుంబాలకు రూ.10 లక్షలు చొప్పున ఎక్స్ గ్రేషియా అనౌన్స్ చేసింది కేంద్రం. ఇక తీవ్రంగా గాయపడిన వారికి రూ.2లక్షల, గాయపడిన వారికి రూ.50వేలు ఎక్స్ గ్రేషియా ప్రకటించింది. ఇక ఇప్పటికే కేంద్ర రైల్వే మంత్రి అశ్విని వైష్ణవ్ ఘటనా స్థలానికి చేరుకొని మాట్లాడుతూ.. ఇది చాలా పెద్ద విషాదం. అన్ని విభాగాల బృందాలు సహాయక చర్యల్లో నిమగ్నమై ఉన్నాయి. ఎక్కడ ఉత్తమ సౌకర్యాలు ఉంటే అక్కడ ఆరోగ్య చికిత్స జరుగుతుంది. ఉన్నత స్థాయి కమిటీని కూడా ఏర్పాటు చేశామని, ఈ ప్రమాదంపై నిర్ణయం తీసుకుంటామని, మొత్తం ఘటన ఎలా జరిగిందో తెలుసుకుంటాం. ప్రస్తుతం అందరి దృష్టీ రెస్క్యూపైనే ఉంది అని తెలిపారు. అదే విధంగా పలువురు ప్రముఖులు, పలు రాష్ట్రాల సీఎంలు ఈ ఘటనపై స్పందించారు.