Last Updated:

XTURISMO hoverbike: గాల్లో ఎగిరే బైక్‌ వచ్చేసింది.. ధర రూ. 6 కోట్లు

జపనీస్ స్టార్టప్ AERWINS టెక్నాలజీస్ తయారు చేసిన ఫ్లయింగ్ బైక్ గురువారం డెట్రాయిట్ ఆటో షోలో యునైటెడ్ స్టేట్స్‌లో ప్రారంభమైంది. ప్రపంచంలోనే మొట్టమొదటి ఎగిరే బైక్‌గా పేర్కొనబడిన హోవర్‌బైక్ ప్రముఖ స్టార్ వార్స్ బైక్‌ల పోలికలను కలిగి ఉంది.

XTURISMO hoverbike: గాల్లో ఎగిరే బైక్‌ వచ్చేసింది.. ధర రూ. 6 కోట్లు

United States: జపనీస్ స్టార్టప్ AERWINS టెక్నాలజీస్ తయారు చేసిన ఫ్లయింగ్ బైక్ గురువారం డెట్రాయిట్ ఆటో షోలో యునైటెడ్ స్టేట్స్‌లో ప్రారంభమైంది. ప్రపంచంలోనే మొట్టమొదటి ఎగిరే బైక్‌గా పేర్కొనబడిన హోవర్‌బైక్ ప్రముఖ స్టార్ వార్స్ బైక్‌ల పోలికలను కలిగి ఉంది. తయారీదారులు వచ్చే ఏడాది మోడల్‌ను విడుదల చేయడానికి ప్లాన్ చేస్తున్నారు. ఎగిరే బైక్‌కు ఎక్స్‌ట్యూరిస్మో(XTURISMO) హోవర్‌బైక్ అని పేరు పెట్టారు.

XTURISMO హోవర్‌బైక్ గరిష్టంగా గంటకు 62 మైళ్ల వేగంతో 40 నిమిషాల పాటు ప్రయాణించగలదు. జపాన్‌లో, ఫ్లయింగ్ బైక్ ఇప్పటికే అమ్మకానికి ఉంది. AERWINS వ్యవస్థాపకుడు మరియు సీఈవో అయిన కోమట్సు చెప్పిన దాని ప్రకారం కంపెనీ వచ్చే ఏడాది యూఎస్ లో చిన్న వెర్షన్‌ను విక్రయించాలని యోచిస్తోంది.

ఈ హోవర్‌బైక్ ధర $777,000 (రూ.6 కోట్ల కంటే ఎక్కువ). అయితే కంపెనీ ఒక చిన్న, ఎలక్ట్రిక్ మోడల్ కోసం ధరను $ 50,000 తగ్గించడానికి ప్రయత్నిస్తోంది. దీనికి మరో రెండుమూడేళ్లు పడుతుంది. 2025 నాటికి సిద్ధమవుతుంది.

follow us

సంబంధిత వార్తలు