Uma Bharati: రాముడు మరియు హనుమంతునిపై బీజేపీకి కాపీరైట్ లేదు.. బీజేపీ నేత ఉమాభారతి

రాముడు మరియు హనుమంతునిపై ఉన్న భక్తిపై బీజేపీకి కాపీరైట్ లేదని బీజేపీ నేత ఉమాభారతి అన్నారు. హనుమాన్ ఆలయాన్ని నిర్మిస్తామని కాంగ్రెస్ నేత

Uma Bharati: రాముడు మరియు హనుమంతునిపై ఉన్న భక్తిపై బీజేపీకి కాపీరైట్ లేదని బీజేపీ నేత ఉమాభారతి అన్నారు. రాష్ట్రంలో హనుమాన్ ఆలయాన్ని నిర్మిస్తామని కాంగ్రెస్ నేత, మాజీ ఎంపీ సీఎం కమల్ నాథ్ చేసిన వాగ్దానంపై ఆమె ప్రశ్నించగా రాముడు మరియు హనుమంతునిపై భక్తి బీజేపీకి కాపీరైట్ లేదని ఆమె వ్యాఖ్యానించారు.

ఉమాభారతి మధ్యప్రదేశ్‌లో బీజేపీ సీనియర్ నేతల్లో ఒకరు. గత కొంతకాలంగా పార్టీ ఆమెను పక్కన పెట్టినందుకు అసంతృప్తిగా ఉన్నారని సమాచారం. డిసెంబర్ 25న భోపాల్‌లో జరిగిన సమావేశంలో ఆమె ప్రసంగిస్తూ, లోధి కమ్యూనిటీకి తమ స్వంత ప్రయోజనాలను పరిగణనలోకి తీసుకొని ఏ పార్టీకయినా ఓటు వేయడానికి స్వేచ్ఛ ఉందని అన్నారుఆమె స్వయంగా అదే వర్గానికి చెందిన వ్యక్తి కావడం గమనార్హం. నేను వస్తాను, నేను నా పార్టీ వేదికపైకి వస్తాను, ఓట్లు అడుగుతాను. మీరు లోధీ అయితే బీజేపీకి ఓటేయండి అని నేను ఎప్పుడూ అనను. నేను నా పార్టీకి నమ్మకమైన సైనికురాలిని కాబట్టి బీజేపీకి ఓటు వేయమని అందరికీ చెబుతున్నాను. కానీ మీరు పార్టీకి నమ్మకమైన సైనికుడిగా ఉంటారని నేను ఆశిస్తున్నానని అన్నారు.

రాష్ట్ర కాంగ్రెస్ భారతి ప్రసంగానికి సంబంధించిన వీడియోను ట్వీట్ చేసి,లోధీ కమ్యూనిటీకి పెద్ద సందేశం. బీజేపీ సీనియర్ నాయకురాలు మరియు మాజీ ముఖ్యమంత్రి ఉమాభారతి ఇప్పుడు బీజేపీకి ఓటు వేయాల్సిన అవసరం లేదని లోధీ వర్గానికి సూచించారు. ఉమాభారతి జీ, మధ్యప్రదేశ్‌ను రక్షించే మహా ప్రచారానికి స్వాగతం అని రాసింది. ఆమె లోధి కమ్యూనిటీ వ్యాఖ్యపై వివాదం చెలరేగడంతో, భారతి గురువారం ట్విట్టర్‌లోకి వెళ్లి వరుస ట్వీట్లలో వివరణ ఇచ్చారు. ప్రజాస్వామ్యంలో ఏ రాజకీయ పార్టీకి లోధీ సమాజమే కాదు, ఏ కులం, సంఘం, సమాజం లేదా వ్యక్తి బందీగా ఉండకూడదు. విపక్షాలు బలంగా ఉండాలని మా అధినేత ప్రధాని మోదీ స్వయంగా చెప్పారని ట్వీట్ చేసారు.అంతేకాదు ‘పఠాన్‌’ సినిమాపై జరుగుతున్న దుమారంపై ఉమాభారతి నిరసనలు అవసరమా అని ప్రశ్నించారు. బీజేపీ ప్రభుత్వ సెన్సార్ బోర్డు అభ్యంతరకర సన్నివేశాలను వెంటనే తొలగించాలని, ఇందులో రాజకీయం అవసరం లేదని ఆమె అన్నారు.