Google Pay Diwali Offer: గూగుల్ పే దీపావళి ఆఫర్.. ఈజీగా రూ.1000 గెలుచుకోవచ్చు!

Google Pay Diwali Offer: భారత్‌లో నేటి నుంచి పండుగల సీజన్‌ ప్రారంభమైంది. ధన త్రయోదశి, దీపావళి కాకుండా ఈ పండుగ సీజన్‌లో అనేక వేడుకలు కూడా జరుపుకుంటారు. ఈరోజు దేశవ్యాప్తంగా ధన త్రయోదశి జరుపుకుంటారు. ఈ నేపథ్యంలో పలు కంపెనీలు వినియోగదారుల కోసం బంపర్ ఆఫర్లను తీసుకొచ్చాయి. గూగుల్ పే కూడా వినియోగదారులకు శుభవార్త అందించింది.

మీ దీపావళిని మరింత అద్భుతంగా చేయడానికి Google Pay ఒక స్కీమ్‌తో ముందుకు వచ్చింది. Google Pay వినియోగదారులకు రూ. 1001 వరకు క్యాష్‌బ్యాక్‌ను గెలుచుకునే అవకాశాన్ని కల్పిస్తోంది. దీని కోసం మీరు Google Pay  “లడ్డూస్” ప్రచారంలో పాల్గొనవలసి ఉంటుంది.

“లడ్డూస్” ప్రచారం కోసం Google Pay వినియోగదారులు నవంబర్ 7 లోపు ప్రత్యేకమైన Laddoos కార్డ్‌లను సేకరించాలి. మీరు ఇలా చేస్తే రూ. 1001 వరకు క్యాష్‌బ్యాక్‌ను గెలుచుకునే అవకాశం ఉంటుంది.

Google Pay క్యాంపెయిన్‌లో పాల్గొనడానికి మీరు ముందుగా మీ ఫోన్‌లో ఈ యాప్‌ని ఓపెన్ చేయాలి. యాప్‌ను ఓపెన్ చేసిన తర్వాత, మీరు రివార్డ్స్ ట్యాబ్‌కు వెళ్లాలి. అప్పుడు క్రిందికి స్క్రోల్ చేయండి. లడ్డూస్ సెక్షన్‌కు వెళ్లండి. పైన పేర్కొన్న విధంగా, వినియోగదారులు Laddoos కార్డ్‌ని గెలుచుకోవడానికి అనేక లావాదేవీలను పూర్తి చేయాల్సి ఉంటుంది.

దీని కోసం మీరు ఏదైనా దుకాణదారునికి స్కాన్ చేసి కనీసం రూ.100 చెల్లించాలి. ఇది కాకుండా మీరు మొబైల్ రీఛార్జ్ లేదా కనీసం 100 రూపాయల బిల్లు చెల్లింపు కూడా చేయవచ్చు. వీటన్నింటితో పాటు మీరు కనీసం రూ. 200 విలువైన గిఫ్ట్ కార్డ్‌ను కొనుగోలు చేసే అవకాశం కూడా ఉంది. మీరు UPI ద్వారా క్రెడిట్ కార్డ్ బిల్లును కూడా చెల్లించవచ్చు.

ఈ లావాదేవీలన్నింటి నుండి మీరు లడ్డూలను పొందుతారు. ప్రత్యేకమైన లడ్డూలను కలిగి ఉన్నవారు క్యాష్‌బ్యాక్ ప్రయోజనాన్ని పొందగలరు. మీ కోసం కార్డ్‌ని పంపమని మీరు స్నేహితుడిని కూడా రిక్వెస్ట్ చేయచ్చు.

మొత్తం 6 ప్రత్యేక Google Pay లడ్డూస్ కార్డ్‌లను సేకరించిన తర్వాత మీరు గిఫ్ట్ క్లెయిమ్ చేయచ్చు. దీని కోసం మీరు Google Pay యాప్‌కి వెళ్లి ఆఫర్‌లు, రివార్డ్‌ల సెక్షన్‌కి వెళ్లాలి. దీని తర్వాత లడ్డూస్ విభాగంలో నొక్కండి. ఆపై “ఫైనల్ రివార్డ్‌ను క్లెయిమ్ చేయండి”పై నొక్కండి. దీని తర్వాత మీరురూ. 51 నుండి ₹1,001 వరకు క్యాష్‌బ్యాక్ మొత్తంతో స్క్రాచ్ కార్డ్‌ని పొందుతారు. దీన్ని స్క్రాచ్ చేయడం ద్వారా మీరు ఎంత క్యాష్‌బ్యాక్ గెలుచుకున్నారో తెలుసుకోవచ్చు.