Vivo Y300 Pro+ 5G: డిజైన్, కలర్స్ అదుర్స్.. వివో నుంచి సరికొత్త 5జీ ఫోన్.. మార్చి 31న లాంచ్..!

Vivo Y300 Pro+ 5G: Vivo కొత్త స్మార్ట్‌ఫోన్‌ను విడుదల చేయడానికి సిద్ధంగా ఉంది. దాని ‘Y300’ సిరీస్ కింద దీన్ని పరిచయం చేస్తోంది. Vivo Y300 Pro+ 5G మొబైల్‌ను మార్చి 31న లాంచ్ చేస్తున్నట్లు కంపెనీ ప్రకటించింది. ఈ ఫోన్ లాంచ్ తేదీ వెల్లడైంది. ఇప్పుడు రాబోయే Vivo ఫోన్ ధర,స్పెసిఫికేషన్‌లు లీక్ అయ్యాయి. ఈ ఫోన్ ధర, ఫీచర్లను తెలుసుకుందాం.

Vivo Y300 Pro Plus 5G ఫోన్ ధర ఆన్‌లైన్‌లో లీక్ అయింది. దీని ప్రకారం, ఫోన్ 8GB RAM + 256GB స్టోరేజ్ ధర 21,200. 12GB RAM + 256GB స్టోరేజ్ వేరియంట్ రూ. 25,900. 12GB RAM + 512GB స్టోరేజ్ ధర రూ. 29,400గా ఉంది. నివేదిక ప్రకారం ఈ Vivo ఫోన్ సింపుల్ బ్లాక్, స్టార్రి సిల్వర్,మైక్రో పింక్ రంగులలో కొనుగోలు చేయడానికి అందుబాటులో ఉంటుంది.

వివో Y300 ప్రో ప్లస్ 5G ఫోన్‌లో 6.77-అంగుళాల AMOLED డిస్‌ప్లే ఉంటుంది. ఇది క్వాడ్ కర్వ్డ్ స్క్రీన్‌ని కలిగి ఉంది. ఈ డిస్ప్లే 2392 x 1080 పిక్సెల్స్ రిజల్యూషన్, 120Hz రిఫ్రెష్ రేట్‌కు సపోర్ట్ ఇస్తుంది. ఈ మొబైల్‌లో ఇన్-డిస్‌ప్లే ఫింగర్‌ప్రింట్ సెన్సార్ టెక్నాలజీ కూడా ఉంటుంది. మొబైల్ క్వాల్‌కమ్ స్నాప్‌డ్రాగన్ 7Sజెన్ 3 ఆక్టాకోర్ ప్రాసెసర్‌తో పనిచేస్తుంది. ఈ ఫోన్ ఆండ్రాయిడ్ 15 ఆధారిత OriginOS 5 OSతో పని చేస్తుంది.

వివో Y300 Pro+ 5G స్మార్ట్‌ఫోన్‌లో డ్యూయల్ కెమెరా సెటప్ ఉంటుంది. ఈ ఫోన్‌లో 50 మెగాపిక్సెల్ మెయిన్ కెమెరా ఉంది. అలాగే, రెండవ కెమెరాలో 2 మెగాపిక్సెల్ లెన్స్ ఉంది. సెల్ఫీలు, వీడియో కాలింగ్ కోసం ఈ ఫోన్ 32-మెగాపిక్సెల్ సెల్ఫీ షూటర్‌తో అమర్చారు. ఫోన్ శక్తివంతమైన బ్యాటరీతో విడుదల కానుంది. ఈ ఫోన్ 7300mAh బ్యాటరీతో వస్తుంది. ఈ బ్యాటరీని ఛార్జ్ చేయడానికి, 90W ఫాస్ట్ ఛార్జింగ్ అందించారు. కనెక్టివిటీ ఎంపికలలో 5G, డ్యూయల్ 4G VoLTE, Wi-Fi, బ్లూటూత్, GPS, USB టైప్-C ఉన్నాయి.