iPhone SE 4: ఫ్యాన్స్ వెయిటింగ్.. చవకైన ఐఫోన్ ఆగయా.. రిలీజ్ ఎప్పుడంటే..?

iPhone SE 4: ఆపిల్ లవర్స్ చాలా కాలంగా బడ్జెట్ ఐఫోన్ కోసం ఎదురుచూస్తున్నారు. ఇటీవల ఒక నివేదిక వచ్చింది. దీనిలో రాబోయే ఐఫోన్ ధర మునుపటి మోడల్ లాంచ్ ధర కంటే ఎక్కువగా ఉండబోతోందని వెల్లడించింది. అయితే ఈసారి కంపెనీ ఈ డివైస్‌లో భారీ మార్పులు కూడా చేయబోతోంది. ఈ ఫోన్ డిజైన్ నుండి కెమెరా , ఫీచర్ల వరకు ప్రతి అంశంలోనూ అద్భుతంగా ఉండబోతోంది. ఈసారి ఫోన్ పేరు కూడా iPhone 16E అని చెబుతున్నారు. దాని గురించి పూర్తి వివరాలు తెలుసుకుందాం.

iPhone SE 4 Price
దక్షిణ కొరియా బ్లాగ్ పోస్ట్ ప్రకారం.. iPhone SE 4 ధర ఈసారి KRW 8,00,000 అంటే దాదాపు రూ. 46,000 కంటే కొంచెం ఎక్కువగా ఉంటుందని అంచనా. ప్రపంచవ్యాప్తంగా ఫోన్ ధర $500 కంటే తక్కువ అంటే దాదాపు రూ. 43,000 ఉండవచ్చని చెబుతున్నారు. మునుపటి లీక్‌ల ప్రకారం దీని ధర $499 అంటే సుమారు రూ. 43,000, $549 అంటే సుమారు రూ. 47,000 మధ్య ఉంటుంది. భారతదేశంలో $429 లేదా రూ. 43,900కి ప్రారంభించారు. iPhone SE 3 లాంచ్ ధర నుండి ఇది పెద్ద జంప్. అయితే, కేవలం కొన్ని నెలల తర్వాత, SE 3 భారతీయ ధర రూ.49,900కి పెరిగింది.

 iPhone SE 4 Specifications
ఐఫోన్ SE 4 గురించి దాని డిజైన్ ఐఫోన్ 14 మాదిరిగానే ఉంటుందని, ఇది దాని మునుపటి మోడల్‌కు భిన్నంగా ఉండే అవకాశం ఉంది. అంటే స్మార్ట్‌ఫోన్ అన్‌లాక్ చేయడానికి 6.1-అంగుళాల OLED డిస్‌ప్లే, నాచ్, ఫేస్ ID. ఇది నిజమైతేiPhone SE 3లో కనిపించే 4.7-అంగుళాల LCD స్క్రీన్, టచ్ ID నుండి ఇది పెద్ద అప్‌గ్రేడ్ అవుతుంది. ఆపిల్ A18 చిప్‌తో ఫోన్‌ను పరిచయం చేయనున్నారు. ఇదే ప్రాసెసర్ ఐఫోన్ 16 మోడల్‌లకు శక్తినిస్తుంది. అదనంగా, iPhone SE 4 కూడా 8GB RAMని కలిగి ఉండవచ్చు, ఇది దాని మునుపటి మోడల్ కంటే మెరుగైనది.

అంతే కాకుండా iPhone SE 4లో 5G కనెక్టివిటీ ఉంటుంది. ఇది ఆపిల్ మొదటి ఇంటర్నల్ 5G మోడెమ్‌తో వస్తుంది. ఇప్పటి వరకు, Apple దాని మోడెమ్ కోసం క్వాల్‌కమ్‌పై ఆధారపడుతుంది. ఇది ఆపిల్ సొంత 5G చిప్‌ను ఉపయోగించిన మొదటి ఫోన్‌గా iPhone SE 4ని చేస్తుంది. ఐఫోన్ SE 4 ధర రూ. 50,000 రేంజ్‌లో వస్తుందా అనేది భారతీయ కస్టమర్లకు పెద్ద ప్రశ్న. ఇది జరిగితే ఇది ఉత్తమ ఫీచర్లతో చౌకైన ఐఫోన్ అవుతుంది.