Bangladesh: బంగ్లాదేశ్‌లో రెండు రైళ్లు ఢీకొని 20 మంది మృతి.. 100 మందికి గాయాలు

బంగ్లాదేశ్‌లోని ఈశాన్య కిషోర్‌గంజ్ జిల్లాలో ప్యాసింజర్ రైలును గూడ్స్ రైలు ఢీకొనడంతో సోమవారం 20 మంది మరణించగా 100 మందికి పైగా గాయపడినట్లు అధికారులు తెలిపారు.రాజధాని ఢాకాకు 60 కిలోమీటర్ల దూరంలోని కిషోర్‌గంజ్ జిల్లాలోని భైరబ్ ప్రాంతంలో మధ్యాహ్నం 3.30 గంటలకు (స్థానిక కాలమానం ప్రకారం) ఢాకా వెళ్లే ఎగరోసిందూర్ గోధూలీ ఎక్స్‌ప్రెస్ వెనుక కోచ్‌లను ఛటోగ్రాం వైపు వెళ్తున్న గూడ్స్ ఢీకొట్టడంతో ఈ ప్రమాదం జరిగింది.

Bangladesh:  బంగ్లాదేశ్‌లోని ఈశాన్య కిషోర్‌గంజ్ జిల్లాలో ప్యాసింజర్ రైలును గూడ్స్ రైలు ఢీకొనడంతో  20 మంది మరణించగా 100 మందికి పైగా గాయపడినట్లు అధికారులు తెలిపారు.రాజధాని ఢాకాకు 60 కిలోమీటర్ల దూరంలోని కిషోర్‌గంజ్ జిల్లాలోని భైరబ్ ప్రాంతంలో మధ్యాహ్నం 3.30 గంటలకు (స్థానిక కాలమానం ప్రకారం) ఢాకా వెళ్లే ఎగరోసిందూర్ గోధూలీ ఎక్స్‌ప్రెస్ వెనుక కోచ్‌లను ఛటోగ్రాం వైపు వెళ్తున్న గూడ్స్ ఢీకొట్టడంతో ఈ ప్రమాదం జరిగింది.

కొనసాగుతున్న రెస్క్యూ ఆపరేషన్లు..(Bangladesh)

ఇప్పటి వరకు ఇరవై మృతదేహాలను వెలికితీశారు. మేము రెస్క్యూ ఆపరేషన్‌లకు మా అన్ని విధాలా సహాయాన్ని అందిస్తున్నాము అని ఎలైట్ యాంటీ క్రైమ్ ర్యాపిడ్ యాక్షన్ బెటాలియన్ అధికారి విలేకరులకు తెలిపారు. అగ్నిమాపక సేవ అధికారులు మూడు ప్యాసింజర్ క్యారేజీలు పైకి లేచాయని, చాలా మంది శిథిలమైన వ్యాగన్ల క్రింద చిక్కుకున్నారని చెబుతున్నారు.సుమారు 100 మంది ప్రయాణికులను గాయాలతో రక్షించి వివిధ ఆరోగ్య కేంద్రాలకు తరలించారు.రెస్క్యూ ప్రక్రియలో మరిన్ని మృతదేహాలు మరియు గాయపడిన ప్రయాణీకులు ఉంటారని భావిస్తున్నామని వారు పేర్కొన్నారు. క్రేన్లతో కూడిన రెస్క్యూ రైలు ప్రమాద స్థలానికి బయలుదేరింది.బంగ్లాదేశ్ ఫైర్ సర్వీస్ మరియు సివిల్ డిఫెన్స్ మీడియా చీఫ్ షాజహాన్ సిక్దర్ మాట్లాడుతూ  డజనుకు పైగా యూనిట్లు రెస్క్యూ ఆపరేషన్లను నిర్వహిస్తున్నాయని చెప్పారు.