Sony Big Comeback: బిక్ కమ్ బ్యాక్.. సోనీ నుంచి ప్రీమియం స్మార్ట్ ఫోన్‌.. మునుపెన్నడూ చూడని స్టన్నింగ్ ఫీచర్స్‌..!

Sony Big Comeback: ఒకప్పుడు సోనీ ఫోన్లు ప్రీమియం స్మార్ట్‌ఫోన్ విభాగంలో ఆధిపత్యం చెలాయించేవి. కాలక్రమేణా, సోనీ స్మార్ట్‌ఫోన్‌లు మార్కెట్ నుండి కనుమరుగవుతున్నాయి. కానీ ఇప్పుడు మరోసారి సోనీ స్మార్ట్‌ఫోన్ మార్కెట్‌లో పెద్ద సంచలనం సృష్టించేందుకు సిద్ధమవుతోంది. సోనీ తన కొత్త స్మార్ట్‌ఫోన్‌ను త్వరలో మార్కెట్లోకి విడుదల చేయబోతోంది, అది సోనీ ఎక్స్‌పీరియా 1 VII. సోనీ ఈ స్మార్ట్‌ఫోన్‌ను ప్రీమియం విభాగంలో పరిచయం చేయనుంది, దీనిలో అనేక అద్భుతమైన ఫీచర్లు కనిపిస్తాయి.

సోనీ రాబోయే స్మార్ట్‌ఫోన్ యాపిల్, సామ్‌సంగ్, గూగుల్ ప్రీమియం సెగ్మెంట్ స్మార్ట్‌ఫోన్‌లతో నేరుగా పోటీ పడబోతోంది. గత సంవత్సరం ప్రారంభించిన సోనీ ఎక్స్‌పీరియా 1 VI స్థానంలో సోనీ ఎక్స్‌పీరియా 1 VII రానుంది. లాంచ్ కాకముందే, ఈ స్మార్ట్‌ఫోన్ హాట్ టాపిక్‌గా మారింది. దీనికి సంబంధించిన లీక్‌లు నిరంతరం బయటకు వస్తున్నాయి. లీకైన నివేదికలు దాని ఫీచర్లు, స్పెసిఫికేషన్లను వెల్లడించింది.

సోనీ ఎక్స్‌పీరియా 1 VII ఫోటో తైవాన్ నేషనల్ కమ్యూనికేషన్స్ కమిషన్ వెబ్‌సైట్‌లో జాబితా చేయబడిందని గిజ్మోచినా నివేదిక వెల్లడించింది. దీని ద్వారా కంపెనీ ఎక్స్‌పీరియా 1 VII ని బ్లాక్, నేవీ గ్రీన్, పర్పుల్ రంగులలో మార్కెట్లో విడుదల చేయనున్నట్లు తెలిపింది. రాబోయే స్మార్ట్‌ఫోన్ డిజైన్ పాత స్మార్ట్‌ఫోన్‌ను పోలి ఉంటుంది.

సోనీ ఎక్స్‌పీరియా 1 VII వెనుక ప్యానెల్‌లో ట్రిపుల్ కెమెరా సెన్సార్లు కనిపించనున్నాయి. కంపెనీ దీనిని బాక్సీ డిజైన్‌తో తీసుకురానుంది. లీక్‌లను నమ్ముకుంటే, ఈ స్మార్ట్‌ఫోన్‌లో 6.5-అంగుళాల పెద్ద డిస్‌ప్లే ఉంటుంది, దీనిలో OLED ప్యానెల్ అందించారు. దీనితో పాటు, డిస్‌ప్లేకి 120Hz రిఫ్రెష్ రేట్‌ ఉంటుంది. ఈ స్మార్ట్‌ఫోన్‌లో క్వాల్‌కమ్ స్నాప్‌డ్రాగన్ 8 జెన్ 3 చిప్‌సెట్ ఇవ్వచ్చు. ఈ స్మార్ట్‌ఫోన్‌లో గరిష్టంగా 12GB RAM+ 256GB వరకు స్టోరేజ్ అందించవచ్చు.

ప్రస్తుతం, సోనీ ఎక్స్‌పీరియా 1 VII లాంచ్‌కు సంబంధించి సోనీ ఎటువంటి అధికారిక సమాచారం ఇవ్వలేదు. అయితే, లీక్‌ల ప్రకారం, కంపెనీ దీనిని జూన్ 2025లో ప్రారంభించవచ్చు. మీరు ప్రీమియం స్మార్ట్‌ఫోన్‌ను కొనుగోలు చేయాలని ప్లాన్ చేస్తుంటే, ఇది ఉత్తమ ఎంపిక కావచ్చు.