Nothing Phone 3: నథింగ్ ఫోన్ క్రేజే వేరబ్బా.. AI ఫీచర్లు, కెమెరా అదిరిపోయింది.. మీ బడ్జెట్‌ ధరలో కిర్రాక్..!

Nothing Phone 3: UKకి చెందిన టెక్నాలజీ సంస్థ నథింగ్ వ్యవస్థాపకుడు, సిఈఓ అయిన కార్ల్ పీ, రాబోయే నెలల్లో నథింగ్ ఫోన్ 3 లాంచ్ అవుతుందని ధృవీకరించారు. 2023 నథింగ్ ఫోన్ 2 ఈ సక్సెసర్‌గా గత సంవత్సరం లాంచ్ అవుతుందని భావించారు, కానీ కంపెనీ ఈ సమయంలో మిడ్ రేంజ్ ఫోన్ 2a, ఫోన్ 2a ప్లస్ మోడళ్లను విడుదల చేసింది. దాని మునుపటి మోడళ్ల మాదిరిగానే, కంపెనీ తదుపరి హై-ఎండ్ ఫోన్ ట్రాన్స్‌పాంట్ వెనుక ప్యానెల్, గ్లిఫ్ లైటింగ్‌ను కలిగి ఉంటుందని భావిస్తున్నారు. రాబోయే ఫోన్‌లో కొన్ని AI-ఆధారిత ఫీచర్లు కూడా ఉండే అవకాశం ఉంది.

Nothing Phone 3 Launch Date
శుక్రవారం నాడు X (గతంలో ట్విట్టర్)లో 10 నిమిషాల ఆస్క్ మీ ఎనీథింగ్ (AMA) సెషన్‌లో వినియోగదారు ప్రశ్నకు సమాధానంగా నథింగ్ ఫోన్ 3 లాంచ్ టైమ్‌లైన్‌ను కార్ల్ పీ ప్రకటించారు. 2025 మూడవ త్రైమాసికంలో (Q3) ఫోన్ 3 విడుదల కావచ్చు. అంటే జూలై- సెప్టెంబర్ మధ్య రావచ్చు.

ఈ లాంచ్ విండో కంపెనీ మునుపటి స్మార్ట్‌ఫోన్‌ల విడుదలతో సమానంగా ఉంటుంది. నథింగ్ ఫోన్ 2 జూలై 11, 2023న లాంచ్ అయింది, మొదటి తరం నథింగ్ ఫోన్ 1 జూలై 21, 2022న సేల్‌కి వచ్చింది. UK సంస్థ గత సంవత్సరం నథింగ్ ఫోన్ 3ని లాంచ్ చేస్తుందని పుకార్లు వచ్చాయి, అయితే కంపెనీ పర్సనైల్జ్ AIపై దృష్టి సారించిందని, అందుకే ఆలస్యం జరిగిందని పీ చెప్పారు.

Nothing Phone 3 Specifications
స్మార్ట్‌ఫోన్ స్పెసిఫికేషన్‌లు ఆన్‌లైన్‌లో కనిపించకపోవడంతో, నథింగ్ ఫోన్ 3 గురించి ప్రస్తుతం పెద్దగా సమాచారం అందుబాటులో లేదు. దీని మునుపటి మోడల్, నథింగ్ ఫోన్ 2, స్నాప్‌డ్రాగన్ 8+ Gen 1 ప్రాసెసర్‌తో 12జీబీ వరకు ర్యామ్, 512జీవీ వరకు స్టోరేజ్‌తో వస్తుంది. ఈ హ్యాండ్‌సెట్‌లో 6.7-అంగుళాల LTPO అమోలెడ్ డిస్‌ప్లే ఉంది, ఇది 120Hz రిఫ్రెష్ రేట్‌తో వస్తుంది.

నథింగ్ ఫోన్ 2‌లో డ్యూయల్ రియర్ కెమెరా సెటప్‌ ఉంది, ఇందులో 50-మెగాపిక్సెల్ ప్రైమరీ కెమెరా, 50-మెగాపిక్సెల్ అల్ట్రావైడ్ కెమెరా ఉన్నాయి. దీనికి 32 మెగాపిక్సెల్ సెల్ఫీ కెమెరా కూడా ఉంది. ఈ హ్యాండ్‌సెట్ 4,700mAh బ్యాటరీని ప్యాక్ చేస్తుంది, ఇది 47W వైర్డు, 15W వైర్‌లెస్ ఛార్జింగ్‌కు సపోర్ట్ ఇస్తుంది.

నథింగ్ ఫోన్ 3 గురించిన సమాచారం లీక్‌ల ద్వారా తెరపైకి వచ్చింది. ఈ ఫోన్ AI-ఆధారిత ఫీచర్స్‌పై దృష్టి పెడుతుంది, ఇందులో నథింగ్ OSలో లోతైన AI ఇంటిగ్రేషన్ ఉండవచ్చు. ఐఫోన్-ప్రేరేపిత యాక్షన్ బటన్, 6.5-అంగుళాల డిస్ప్లేను పొందడం గురించి కూడా చర్చ జరుగుతోంది. అదనంగా, ప్రో వేరియంట్, నథింగ్ ఫోన్ 3 ప్రో, 6.7-అంగుళాల స్క్రీన్‌తో లాంచ్ కావచ్చు. ఈ ఫోన్‌లో స్నాప్‌డ్రాగన్ 8s జెన్ 3 లేదా మీడియాటెక్ డైమెన్సిటీ 9200+ వంటి మిడ్-రేంజ్ ప్రాసెసర్‌లు ఉంటాయని భావిస్తున్నారు, ఇది ధరను మరింత సరసమైనదిగా చేస్తుంది.

Nothing Phone 3 Price
భారతదేశంలో నథింగ్ ఫోన్ 1 ప్రారంభ ధర రూ.32,999 కాగా, ఫోన్ 2 రూ.44,999కి లాంచ్ అయింది. నథింగ్ ఫోన్ 3 ధర గురించి అధికారిక వివరాలు లేవు. కానీ లీక్‌ల ప్రకారం, ఇది మిడ్ రేంజ్ విభాగంలో ఉండవచ్చు. బహుశా దీని ధర రూ. 50,000 కంటే తక్కువగా ఉండవచ్చు. అదే సమయంలో, ప్రో వేరియంట్ ధర రూ. 55,000 కంటే ఎక్కువగా ఉండవచ్చు.