Nikhat Zareen: జాతీయ బాక్సింగ్​ ఛాంపియన్‌షిప్‌ విజేతగా నిఖత్‌ జరీన్‌

తెలంగాణ బాక్సర్‌ నిఖత్‌ జరీన్‌ జాతీయ మహిళల బాక్సింగ్‌ ఛాంపియన్‌షిప్‌ను కైవసం చేసుకుంది.

Nikhat Zareen: తెలంగాణ బాక్సర్‌ నిఖత్‌ జరీన్‌ జాతీయ మహిళల బాక్సింగ్‌ ఛాంపియన్‌షిప్‌ను కైవసం చేసుకుంది. మధ్యప్రదేశ్‌ రాజధాని భోపాల్‌లో జరుగుతున్నబాక్సింగ్‌ ఛాంపియన్‌షిప్‌ ఫైనల్‌లో తన ప్రత్యర్థి అనామికపై 4-1 తేడాతో నిఖత్‌ జరీన్‌ విజయం సాధించి విజేతగా నిలిచింది. దీనితో ఈఏడాది ఆడిన అన్ని టోర్నమెంట్లలోనూ నిఖత్ గెలిచినట్లయింది.

అంతకుముందు ఆదివారం 50 కేజీల విభాగం సెమీస్‌లో ఆలిండియా పోలీస్‌ (ఏజీపీ) జట్టు బాక్సర్‌ శివిందర్‌ కౌర్‌పై నిఖత్ 5-0 తేడాతో ఘన విజయం సాధించింది. అదే జోరుతో నేడు జరిగిన ఫైనల్లో రైల్వేస్‌ బాక్సర్‌ అనామికపై ఘన విజయం సాధించింది. కామన్వెల్త్ క్రీడల్లోనూ పసిడి పతకం సొంతం చేసుకున్న నిఖత్ ఇప్పుడు జాతీయ చాంపియన్ షిప్ కూడా గెలిచింది.