Karnataka: కర్ణాటకలో టోల్ ప్లాజా వద్ద బోల్తా కొట్టిన అంబులెన్స్ నలుగురు మృతి, మరో నలుగురికి గాయాలు

కర్నాటకలో ఘోర రోడ్డు ప్రమాదం జరిగింది. అతి వేగంగా వస్తున్న ఓ అంబులెన్స్ టోల్ ప్లాజా వద్ద అదుపుతప్పి బోల్తా కొట్టింది. ఈ ప్రమాదంలో నలుగురు మృతి చెందారు. ఈ ఘటన ఉడుపి జిల్లాలో చోటు చేసుకుంది. రోగిని త్వరిత‌గ‌తిన ఆసుప‌త్రికి త‌ర‌లించే క్రమంలో మితిమీరిన వేగంతో వ‌చ్చిన స‌ద‌రు అంబులెన్స్ ఓ టోల్ ప్లాజా వ‌ద్ద అదుపు త‌ప్పింది.

Karnataka: కర్నాటకలో ఘోర రోడ్డు ప్రమాదం జరిగింది. అతి వేగంగా వస్తున్న ఓ అంబులెన్స్ టోల్ ప్లాజా వద్ద అదుపుతప్పి బోల్తా కొట్టింది. ఈ ప్రమాదంలో నలుగురు మృతి చెందారు. ఈ ఘటన ఉడుపి జిల్లాలో చోటు చేసుకుంది. రోగిని త్వరిత‌గ‌తిన ఆసుప‌త్రికి త‌ర‌లించే క్రమంలో మితిమీరిన వేగంతో వ‌చ్చిన స‌ద‌రు అంబులెన్స్ ఓ టోల్ ప్లాజా వ‌ద్ద అదుపు త‌ప్పింది. టోల్ ప్లాజాలో ప‌నిచేసే సిబ్బందిని ఢీకొట్టిన అంబులెన్స్ ఆపై మరింత దూరం దూసుకెల్లి బోల్తా ప‌డింది.

ఈ ఘ‌ట‌న‌లో అంబులెన్స్ డ్రైవ‌ర్ స‌హా న‌లుగురు చ‌నిపోగా… మ‌రో న‌లుగురికి తీవ్ర గాయాల‌య్యాయి. అంబులెన్స్ టోల్ ప్లాజాకు స‌మీపిస్తున్న స‌మ‌యంలో వాహ‌నాల దారిలో ప‌డిపోయిన ఓ డివైడ‌ర్‌ను తీసేందుకు వెళ్లిన టోల్ ప్లాజా ఉద్యోగి, అంబులెన్స్ వేగంగా దూసుకురావ‌డంతో బిత్తర‌పోయాడు. అంబులెన్స్ నుంచి త‌ప్పించుకునేందుకు అత‌డు చేసిన య‌త్నాలు స‌ఫ‌లం కాలేదు. వేగంగా వ‌చ్చి అడ్డంగా తిరిగిన అంబులెన్స్ తొలుత ఆ టోల్ ప్లాజా ఉద్యోగినే ఢీకొట్టింది. ఆపై నేల‌పై జారుకుంటూ వెళ్లి ప‌ల్టీ కొట్టింది. దీంతో డ్రైవ‌ర్ కేబిన్‌లోని వారంతా ఎగిరి ప‌డ్డారు. ఘటన పై కేసు నమోదు చేసుకున్న పోలీసులు దర్యాప్తు చేపట్టారు. మృతదేహాలను పోస్టు మార్టం నిమిత్తం ఆస్పత్రికి తరలించారు.