MG Windsor EV Record Sales: పెంచు.. పెంచు.. MG విండ్సర్ EV రికార్డ్ సేల్స్.. కంపెనీకి కాసుల పండగే..!

MG Windsor EV Record Sales: భారతదేశంలో ఎలక్ట్రిక్ కార్లకు డిమాండ్ వేగంగా పెరుగుతోంది. బ్రిటిష్ కార్ల తయారీ సంస్థ MG మోటార్స్ గత నెల విక్రయాల నివేదికను విడుదల చేసింది. MGకి నవంబర్ నెల ఎలా ఉందో ? ఈ కాలంలో కంపెనీ ఎన్ని వాహనాలను విక్రయించిందో చూద్దాం. MG ఇటీవలే తన కొత్త ఎలక్ట్రిక్ కారు విండ్సర్‌ని పరిచయం చేసింది.

MG గత నెలలో భారతదేశంలో మొత్తం 6019 యూనిట్లను విక్రయించింది. ఏడాది ప్రాతిపదికన అమ్మకాలు 20 శాతం పెరిగాయి. కొత్త మోడల్స్ ఈ సేల్‌కు ఎక్కువగా సహకరించాయి. గత నెలలో కంపెనీ ఈ విభాగంలో 70 శాతం వాహనాలను విక్రయించింది. MG మోటార్స్ ఇచ్చిన సమాచారం ప్రకారం, గత నెలలో కొత్త విండ్సర్ EV మరోసారి అత్యధిక డిమాండ్‌లో ఉంది. ఈ ఎలక్ట్రిక్ వాహనాన్ని కంపెనీ మొత్తం 3144 యూనిట్లను విక్రయించింది. ఇది మొత్తం అమ్మకాలలో 50 శాతం కంటే ఎక్కువ. MG ప్రస్తుతం భారతదేశంలో కామెట్ EV, విండ్సర్ EV, ZS EVలతో సహా ఆస్టర్, హెక్టర్, గ్లోస్టర్ వంటి SUVలను విక్రయిస్తోంది.

MG విండ్సర్ EV కొంతకాలం క్రితం భారతదేశంలో ప్రారంభించారు. ఈ వాహనం దాని డిజైన్, రేంజ్, స్పేస్, ధర ఆధారంగా వినియోగదారుల హృదయాల్లో తన స్థానాన్ని సంపాదించుకుంది. వినియోగదారులు ఈ కారును తమ మొదటి ఎంపికగా మారింది. అమ్మకాల గురించి మాట్లాడితే ఈ ఏడాది అక్టోబర్‌లో కూడా దేశవ్యాప్తంగా 3116 యూనిట్లు అమ్ముడయ్యాయి.

విండ్సర్ EV ఎక్స్-షోరూమ్ ధర రూ.9.99 లక్షల నుండి ప్రారంభమవుతుంది. కానీ, ఈ ధరలో బ్యాటరీ ప్రైస్ ఉండదు. MG దాని EV శ్రేణి కోసం BaaS ప్రోగ్రామ్‌తో ముందుకు వచ్చింది. దీని ద్వారా, వినియోగదారులు విడిగా బ్యాటరీలను అద్దెకు తీసుకోవచ్చు. దీని కోసం కిలోమీటరుకు రూ.3.50 చెల్లించాల్సి ఉంటుంది.

విండ్సర్ EV ఫుల్ ఛార్జ్‌పై 332 కిమీల రేంజ్ అందిస్తుంది. ఇది 38kWh బ్యాటరీ ప్యాక్‌ను కలిగి ఉంది. దీనితో, 45kW DC ఛార్జర్,  ఫాస్ట్ ఛార్జింగ్ సిస్టమ్ అందించారు. దీని సహాయంతో, బ్యాటరీ కేవలం 55 నిమిషాల్లో 10 శాతం నుండి 80 శాతం వరకు ఛార్జ్ అవుతుంది. ఇది భారతదేశంలోని మొట్టమొదటి EV, ఇది అత్యుత్తమ సీట్లు కలిగి ఉంది. ఈ కారులో 15.6-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ అందుబాటులో ఉంది. దానితో పాటు, ఫుల్-డిజిటల్ ఇన్‌స్ట్రుమెంట్ క్లస్టర్, కీలెస్ ఎంట్రీ, ఆటోమేటిక్ క్లైమేట్ కంట్రోల్, వైర్‌లెస్ ఫోన్ ఛార్జింగ్ పోర్ట్ వంటి ఫీచర్లు కూడా ఇందులో అందించారు.