Tata Upcoming Cars 2025: న్యూ ఇయర్ బ్లాస్ట్.. టాటా నుంచి మూడు సరికొత్త కార్లు.. ఇవి చాలా స్పెషల్..!

Tata Upcoming Cars 2025: టాటా మోటార్స్ కార్లకు భారతీయ కస్టమర్లలో ఎప్పుడూ మంచి డిమాండ్ ఉంటుంది. వాస్తవానికి టాటా మోటార్స్ తన అనేక కొత్త మోడళ్లను వచ్చే ఏడాది అంటే 2025లో భారత మార్కెట్లో విడుదల చేయబోతోంది. ఇంటర్నెట్‌లో అందుబాటులో ఉన్న సమాచారం ప్రకారం.. టాటా రాబోయే కార్లలో ఎలక్ట్రిక్,  ఫేస్‌లిఫ్ట్ మోడల్‌లు కూడా ఉంటాయి. ఈ నేపథ్యంలో సంస్థ రాబోయే 3 అటువంటి కార్ల సాధ్యమైన ఫీచర్లు గురించి తెలుసుకుందాం.

Tata Tiago Facelift
టాటా టియాగో భారతీయ కస్టమర్లలో అత్యధికంగా అమ్ముడవుతున్న హ్యాచ్‌బ్యాక్ కార్లలో ఒకటి. ఇప్పుడు కంపెనీ టాటా టియాగో యొక్క అప్‌డేటెడ్ వెర్షన్‌ను ఇండియన్ మార్కెట్లో విడుదల చేయడానికి సన్నాహాలు చేస్తోంది. అప్‌గ్రేడ్ చేసిన టాటా టియాగోలో కస్టమర్‌లు కొత్త హెడ్‌ల్యాంప్, టెయిల్‌ల్యాంప్, బంపర్, మారిన ఇంటీరియర్‌లను కొత్త ఫీచర్లతో చూడవచ్చు. అయితే కారు పవర్‌ట్రెయిన్‌లో ఎలాంటి మార్పులు వచ్చే అవకాశం లేదు.

Tata Tigor Facelift
టాటా టిగోర్ భారతీయ మార్కెట్లో ప్రసిద్ధి చెందిన సెడాన్ కార్లలో ఒకటి. ఇప్పుడు కంపెనీ టాటా టిగోర్‌ను అప్‌డేట్ చేయబోతోంది. అప్‌డేట్ చేసిన టాటా టిగోర్ వచ్చే ఏడాది అంటే 2025లో భారత మార్కెట్లోకి ప్రవేశిస్తుంది. టాటా టిగోర్ ఫేస్‌లిఫ్ట్ ఇంటీరియర్, ఎక్ట్సీరియర్‌లో కస్టమర్లు పెద్ద మార్పులను చూస్తారని చాలా మీడియా నివేదికలు పేర్కొన్నాయి. అయితే కారు పవర్‌ట్రెయిన్‌లో మార్పులు అసంభవం.

Tata Harrier EV
టాటా హారియర్ భారతీయ మార్కెట్లో ప్రసిద్ధి చెందిన SUVలలో ఒకటి. ఇప్పుడు కంపెనీ టాటా హారియర్ ఎలక్ట్రిక్ వేరియంట్‌ను వచ్చే ఏడాది అంటే 2025లో విడుదల చేయడానికి సన్నాహాలు చేస్తోంది. టాటా హారియర్ EV టెస్టింగ్ సమయంలో భారతీయ రోడ్లపై కనిపించింది. టాటా హారియర్ EVలో కంపెనీ 60kWh బ్యాటరీని ఉపయోగించవచ్చని అనేక మీడియా నివేదికలలో పేర్కొంది. ఇది తన వినియోగదారులకు ఒక్కసారి ఛార్జ్‌పై దాదాపు 500 కిలోమీటర్ల రేంజ్ అందిస్తుంది.