Next Week Launching Mobiles: మొబైల్ మార్కెట్‌కు కొత్త కళ.. వచ్చే వారం కొత్త ఐఫోన్, వివో, రియల్‌మి స్మార్ట్‌ఫోన్లు లాంచ్ అవుతున్నాయి..!

Next Week Launching Mobiles: వచ్చే వారం స్మార్ట్‌ఫోన్ ప్రియులకు చాలా ప్రత్యేకం. ఈ సంవత్సరం మొదటి iPhone నుండి, అనేక అద్భుతమైన Android మొబైల్‌లు వచ్చే వారం ఇండియాలో లాంచ్ కానున్నాయి. ఈ ఫోన్‌ల కోసం టెక్ ప్రపంచం ఎదురుచూస్తోంది. మీరు కొత్త మొబైల్ కొనాలని ఆలోచిస్తున్నట్లయితే, ఇప్పుడు మీకు ఉత్తమ సమయం. రూ.20 వేల నుంచి రూ.50 వేల బడ్జెట్ లో ఈ స్మార్ట్ ఫోన్లు విడుదల కానున్నాయి. రండి వచ్చే వారం భారత్‌కు వచ్చే ఫోన్‌లు ఏమిటి? ధర ఎంత? స్పెసిఫికేషన్స్ తెలుసుకుందాం.

Vivo V50 5G
వివో V50 5జీ స్మార్ట్‌ఫోన్ ఫిబ్రవరి 17 దేశంలో లాంచ్ కానుంది. ఈ మొబైల్ మూడు స్టోరేజ్ వేరియంట్లలో అందుబాటులో ఉంటుంది. 8GB RAM తో 128GB స్టోరేజ్ ఆప్షన్ ధర రూ.34,999. 256GB స్టోరేజ్ వేరియంట్ ధర రూ.36,999 ఉంటుంది అయితే 12GB RAM + 256GB స్టోరేజ్ వేరియంట్ రూ. 40,999 వద్ద లాంచ్ అయ్యే అవకాశం ఉంది.

ఈ ఫోన్ క్వాల్‌కమ్ స్నాప్‌డ్రాగన్ 7s జెన్ 3 ప్రాసెసర్‌తో మార్కెట్లోకి ప్రవేశించనుంది. ఆండ్రాయిడ్ 15 ఆధారంగా Funtouch OS 15తో పని చేస్తుంది. ఈ మొబైల్‌లో డ్యూయల్ కెమెరా సెటప్ ఉంటుంది. ఫోన్ OISతో 50-మెగాపిక్సెల్ ప్రైమరీ కెమెరా, 50-మెగాపిక్సెల్ సెకండరీ అల్ట్రా-వైడ్ యాంగిల్ లెన్స్‌తో వస్తుంది. ఇందులో 50 మెగాపిక్సెల్ సెల్ఫీ కెమెరా కూడా ఉంటుంది. 6000mAh కెపాసిటీ గల బ్యాటరీతో ఈ మొబైల్ లాంచ్ కానుంది.

Realme P3x 5G
రియల్‌మి P3x 5జీ ఒక సరసమైన 5G ఫోన్. ఫిబ్రవరి 18న విడుదల కానుంది. ఈ మొబైల్ ప్రారంభ ధర రూ.20 వేలు. 8GB RAM + 128GB ఇంటర్నల్ స్టోరేజ్ ఉంటుంది. కంపెనీ ప్రకారం, ఈ మొబైల్ మీడియాటెక్ డైమెన్సిటీ 6400 ప్రాసెసర్‌తో భారతీయ మార్కెట్లో విడుదలవుతుంది.

ఈ స్మార్ట్‌ఫోన్ Icefield డిజైన్‌ను కలిగి ఉంది. ఇది వేగన్ లెదర్‌తో లూనార్ సిల్వర్ కలర్, మిడ్‌నైట్ బ్లూ,స్టెల్లార్ పింక్ కలర్‌లలో లాంచ్ అవుతుంది. ఈ Realme 5G ఫోన్ 6,000mAh కెపాసిటీ బ్యాటరీ ఉంటుంది. ఇందులో 50-మెగాపిక్సెల్ మెయిన్ కెమెరా కూడా ఉంది. వాటర్, డస్ట్ రెసిస్టెన్స్ కోసం స్మార్ట్‌ఫోన్లో IP69 రేటింగ్ ఉంది.

Realme P3 Pro 5G
రియల్‌మి P3 ప్రో 5జీ మొబైల్ ఫిబ్రవరి 18న భారతదేశంలో లాంచ్ కానుంది. ఈ ఫోన్ బేస్ వేరియంట్ 8GB RAM + 128GB స్టోరేజ్ ఆప్షన్‌తో వస్తుంది. అలాగే టాప్ వేరియంట్ 12GB RAM + 256GB స్టోరేజ్ వేరియంట్‌తో లాంచ్ అవుతుంది. ఈ స్మార్ట్‌ఫోన్ ధర 25 వేల నుంచి 30 వేల రూపాయల మధ్య ఉంటుంది. ఈ రియల్‌మి 5G ఫోన్ క్వాల్‌కమ్ స్నాప్‌డ్రాగన్ 7s జెన్ 3 ప్రాసెసర్‌తో లాంచ్ అయ్యే అవకాశం ఉంది.

ఈ స్మార్ట్‌ఫోన్ డిజైన్ చాలా ప్రత్యేకమైనది. ఈ మొబైల్ చీకట్లో మెరుస్తుంది. ఈ స్మార్ట్‌ఫోన్ 5,500mAh కెపాసిటీ బ్యాటరీని కలిగి ఉంటుంది. దీన్ని ఛార్జ్ చేయడానికి, 80W ఫాస్ట్ ఛార్జింగ్ ఫీచర్ అందించారు. ఈ ఫోన్‌లో 6.78 అంగుళాల AMOLED డిస్‌ప్లే ఉంది. ఈ మొబైల్‌లో 50 మెగాపిక్సెల్ మెయిన్ కెమెరా, 32 మెగాపిక్సెల్ సెల్ఫీ కెమెరా ఉన్నాయి.

iPhone SE 4
ఐఫోన్ SE 4 ఫిబ్రవరి 19న ప్రపంచ మార్కెట్‌లో విడుదల కానుంది. కంపెనీ ఈ ఐఫోన్‌ను భారత మార్కెట్‌లో కూడా విడుదల చేసే అవకాశం ఉంది. iPhone SE 4 ఫోన్ లుక్, డిజైన్ iPhone 16 ఫోన్‌కు భిన్నంగా ఉంటుంది. కానీ, పనితీరు పరంగా, రెండు ఐఫోన్‌లు ఒకేలా ఉన్నాయి. iPhone SE 4 స్మార్ట్‌ఫోన్ Bionic A18 ప్రాసెసర్‌తో పనిచేస్తుంది. ఇది 8GB ర్యామ్‌తో మార్కెట్లోకి విడుదల కానుంది.

ఈ స్మార్ట్‌ఫోన్‌లో Apple Intelligence టెక్నాలజీని అందించనున్నారు. ఈ చవకైన ఐఫోన్‌లో 6.1 అంగుళాల డిస్‌ప్లే ఉంది. ఇది సూపర్ రెటినా XDR OLED డిస్ప్లే. ఈ ఐఫోన్‌లో 48-మెగాపిక్సెల్ మెయిన్ కెమెరా, 12-మెగాపిక్సెల్ సెల్ఫీ కెమెరా ఉంది. ఈ ఐఫోన్ 8GB RAM + 128GB స్టోరేజ్ వేరియంట్ రూ. 49,999 వద్ద లాంచ్ అవుతుందని అంచనాలు చెబుతున్నాయి.