YS Sharmila Comments: మీ పార్టీలో వైఎస్సార్ లేరు.. అది నియంత పార్టీ.. ఏపీ పీసీసీ చీఫ్ వైఎస్ షర్మిల

తాను దేన్నయినా ఎదుర్కొనేందుకుసిద్ధంగా ఉన్నానని, బీజేపీతో కుమ్మక్కైన వైఎస్సార్సీపీ, టీడీపీపై పోరాడేందుకు కాంగ్రెస్ పార్టీ కార్యకర్తలు కూడా సిద్ధంగా ఉన్నారా అంటూ ఏపీ పీసీసీ చీఫ్ షర్మిల ప్రశ్నించారు.శనివారంఒంగోలులోప్రకాశంజిల్లా కాంగ్రెస్ పార్టీ నేతలతో సమీక్షా సమావేశంలోపాల్గొన్నారు. ఈ సమావేశంలో ఆమె మాట్లాడుతూ యువత, ప్రజల బంగారు భవిష్యత్తు కోసమే తాను ఆంధ్రప్రదేశ్‌కి వచ్చానన్నారు.

YS Sharmila Comments: తాను దేన్నయినా ఎదుర్కొనేందుకుసిద్ధంగా ఉన్నానని, బీజేపీతో కుమ్మక్కైన వైఎస్సార్సీపీ, టీడీపీపై పోరాడేందుకు కాంగ్రెస్ పార్టీ కార్యకర్తలు కూడా సిద్ధంగా ఉన్నారా అంటూ ఏపీ పీసీసీ చీఫ్ షర్మిల ప్రశ్నించారు.శనివారంఒంగోలులోప్రకాశంజిల్లా కాంగ్రెస్ పార్టీ నేతలతో సమీక్షా సమావేశంలోపాల్గొన్నారు. ఈ సమావేశంలో ఆమె మాట్లాడుతూ యువత, ప్రజల బంగారు భవిష్యత్తు కోసమే తాను ఆంధ్రప్రదేశ్‌కి వచ్చానన్నారు.

రూ.8 లక్షల కోట్లు రుణాలు ఏం చేసారు?(YS Sharmila Comments)

వైఎస్ఆర్ కాంగ్రెస్ పార్టీ కోసం తన చెమట, రక్తాన్ని ధారబోసి అధికారంలోకి తీసుకు వచ్చానని ఆమె అన్నారు.కొంతమంది వ్యక్తులు తనపై అన్నివైపులనుంచి దాడికి ప్రయత్నిస్తున్నారని, అయితే తాను దేనికైనా సిద్ధంగా ఉన్నానని చెప్పారు. కాంగ్రెస్ పార్టీని బలోపేతం చేసి అధికారంలోకి తీసుకు రావడానికి మీరు కూడా సిద్దంగా ఉన్నారా అంటూ ఆమె కార్యకర్తలను ప్రశ్నించారు. వైఎస్ రాజశేఖరరెడ్డి వారసుడినని చెప్పుకోవడం సరికాదని, దివంగత ముఖ్యమంత్రి సిద్ధాంతాలను నిలబెట్టేందుకు కృషి చేయాలని ఆమె సూచించారు.జగన్మోహన్ రెడ్డి అధికారంలోకి రాకముందు హామీ ఇచ్చిన వెలిగొండ ప్రాజెక్టు, కనిగిరిలో జాతీయ వసతులు, తయారీ జోన్, పోలవరం ప్రాజెక్టు, జాబ్ క్యాలెండర్లు, రైతులకు రాయితీలు తదితర వాటిని పూర్తి చేయడంలో ప్రభుత్వం విఫలమైందన్నారు.గంగవరం ఓడరేవులో ప్రభుత్వ వాటాను కేవలం రూ.600 కోట్లకే కట్టబెట్టి, ఆ సొమ్మును ఇతర పోర్టుల అప్‌గ్రేడ్‌కు వినియోగిస్తున్నారని చెప్పడం ఎంతవరకు సమంజసమని ఆమె వైఎస్సార్‌సీపీ ప్రభుత్వాన్ని ప్రశ్నించారు. రాష్ట్రానికి తెచ్చిన రూ.8 లక్షల కోట్లు రుణాలుగా ఎలా ఖర్చు చేశారని ఆమె ప్రశ్నించారు. కాంగ్రెస్ పార్టీ కార్యకర్తలు ప్రతి ఒక్కరు సైన్యంగా మారాలని ఆమె సూచించారు. ప్రతి ఇంటికీ వెళ్లి ప్రతి వ్యక్తిని వీలైనంతగా కలవాలని, టీడీపీ, వైఎస్సార్‌సీపీ లేదా జనసేన పార్టీలకు ఓటు వేయడం బీజేపీకి ఓటేయడం తప్ప మరొకటి కాదని, వారంతా బీజేపీ నేతల చేతిలో కీలుబొమ్మలని వివరించాలని ఆమె కోరారు. వైఎస్సార్సీపీ బీజేపీకి బానిసగా మారిందని, ప్రజలను కూడా బానిసలుగా మార్చే ప్రయత్నం చేస్తోందన్నారు. రాష్ట్ర సంక్షేమం కోసం పాటుపడే ఏకైక పార్టీ కాంగ్రెస్‌ పార్టీ అని రాహుల్‌ గాంధీని ప్రధాని చేయడంలో భాగస్వాములు కావాలని ఆమె కోరారు. పోలవరం ప్రాజెక్టు, వెలిగొండ ప్రాజెక్టు, వైజాగ్‌ స్టీల్‌ ప్లాంట్‌ను ప్రైవేటీకరణ నుంచి రక్షించడం, యువతకు ఉపాధి కల్పించడం, రుణమాఫీ చేసి రాష్ట్రాన్ని అభివృద్ధి చేయడం కాంగ్రెస్‌ పార్టీకే సాధ్యమన్నారు.

ఇప్పుడున్నది YSR కాంగ్రెస్ పార్టీ కాదని షర్మిల అన్నారు.Y అంటే YV సుబ్బారెడ్డి.S అంటే సాయిరెడ్డి.R అంటే రామకృష్ణా రెడ్డి.మీ పార్టీలో వైఎస్సార్ లేరు. అది జగన్ రెడ్డి పార్టీ… నియంత పార్టీ.. ప్రజలను పట్టించుకోని పార్టీ ..తాకట్టుపెట్టే పార్టీ అంటూ షర్మిల మండిపడ్డారు. షర్మిల ప్రకాశం జిల్లా ఒంగోలులోని గుండ్లకమ్మ ప్రాజెక్ట్‌ను సందర్శించారు. ఈ సందర్బంగా రైతుల సమస్యలను అడిగి తెలుసుకున్నారు. ఐదు సంవత్సరాలుగా ప్రాజెక్టును పట్టించుకుని ఉంటే ఈ పరిస్దితి వచ్చి ఉండేది కాదని అన్నారు. 750 కోట్లుపెట్టి గుండ్లకమ్మ ప్రాజెక్టును కడితే మెయింటెనెన్స్ లేక ప్రాజెక్టు గేట్లు కొట్టుకుపోయాయని విమర్శించారు. వైఎస్ కట్టిన ప్రాజెక్టును పట్టించుకోని వాళ్లు వారసులు ఎలా అవుతారని షర్మిల ప్రశ్నించారు. మంత్రి సంక్రాంతి డ్యాన్సులు చేశారు తప్ప… ప్రాజెక్టు గురించి పట్టించుకోలేదని ఎద్దేవా చేశారు.