Published On: May 29, 2025 / 11:26 AM IST

Gaddar Awards: గద్దర్ అవార్డుల ప్రకటన.. ఉత్తమ చిత్రంగా కల్కి

Written By: Mallikanti Veerabhadram

Telangana: తెలంగాణ ప్రభుత్వం ప్రతిష్టాత్మకంగా భావిస్తున్న గద్దర్ అవార్డులను నేడు ప్రకటించారు. జ్యూరీ చైర్ పర్సన్ జయసుధతో పాటు ఎఫ్డీసీ ఛైర్మన్ దిల్ రాజు పురస్కారాలను ప్రకటించారు. అయితే 2024 సంవత్సరానికి గాను ఉత్తమ చిత్రంగా కల్కి మూవీ ఎంపికైంది. రెండో ఉత్తమ చిత్రంగా పొట్టేల్, మూడో బెస్ట్ ఫిల్మ్ గా లక్కీ భాస్కర్ అవార్డును సొంతం చేసుకున్నాయి.

2014 జూన్ నుంచి 2023 డిసెంబర్ 31 వరకు మొత్తం 14 ఏళ్లకు గాను అవార్డులు వెల్లడించనున్నారు. ప్రతి ఏడాది ఒక్కో ఉత్తమ చిత్రానికి.. 2024కు సంబంధించి మొత్తం 11 కేటగిరీలో అవార్డులను అందించనున్నారు. ఎప్పుడూ లేని విధంగా ఈసారి ఉర్దూ చిత్రాలకు కూడా అవార్డులు ఇవ్వనున్నారు. ఉత్తమ దర్శకుడు, ఉత్తమ నటుడు, ఉత్తమ చిత్రం సహా 21 మందికి వ్యక్తిగతంగా అవార్డులు లభించనున్నాయి. వాటితో పాటు స్పెషల్ జ్యూరీ అవార్డులను కూడా ప్రకటించారు. సినీ ఇండస్ట్రీకి ఉత్తమ సేవలు అందించిన ఎన్టీఆర్, పైడి జయరాజ్, బీఎన్ రెడ్డి, నాగిరెడ్డి, చక్రపాణి, కాంతారావు, రఘుపతి వెంకయ్య పేర్లతో స్పెషల్ అవార్డులను ప్రదానం చేయనున్నారు.

ఉత్తమ చిత్రం- కల్కి

రెండో ఉత్తమ చిత్రం- పొట్టేల్

మూడో ఉత్తమ చిత్రం- లక్కీ భాస్కర్

ఉత్తమ దర్శకుడు- నాగ్ అశ్విన్ (కల్కి)

ఉత్తమ నటుడు- అల్లు అర్జున్ (పుష్ప2)

ఉత్తమ నటి- నివేదా థామస్ (35)

ఉత్తమ నేపథ్య గాయని- శ్రేయా ఘోషల్ (పుష్ప2)

ఉత్తమ సామాజిక చిత్రం- కమిటీ కుర్రోళ్లు

ఉత్తమ బాలల చిత్రం- 35 చిన్నకథ కాదు

ఉత్తమ హెరిటేజ్ చిత్రం- రజాకార్

ఉత్తమ నూతన దర్శకుడు- ఎదు వంశీ

హోల్ సమ్ ఎంటర్టైన్మెంట్- ఆయ్