PM Modi: 2 కోట్ల యూట్యూబ్ సబ్‌స్క్రైబర్లను కలిగి ఉన్న మొదటి ప్రపంచ నేతగా ప్రధాని మోదీ

ప్రధాని నరేంద్ర మోదీ తన యూట్యూబ్ ఛానెల్‌కు 2 కోట్ల మంది సబ్‌స్క్రైబర్లను కలిగివున్న తొలి ప్రపంచ నేతగా నిలిచారు. ప్రధానమంత్రి యూట్యూబ్ ఛానెల్‌కు మొత్తం 20 మిలియన్ల మంది సభ్యులు ఉన్నారు, అందులో 23,000 వీడియోలు అప్‌లోడ్ చేయబడ్డాయి.

PM Modi: ప్రధాని నరేంద్ర మోదీ తన యూట్యూబ్ ఛానెల్‌కు 2 కోట్ల మంది సబ్‌స్క్రైబర్లను కలిగివున్న తొలి ప్రపంచ నేతగా నిలిచారు. ప్రధానమంత్రి యూట్యూబ్ ఛానెల్‌కు మొత్తం 20 మిలియన్ల మంది సభ్యులు ఉన్నారు, అందులో 23,000 వీడియోలు అప్‌లోడ్ చేయబడ్డాయి.

గ్లోబర్ లీడర్లలో..(PM Modi)

బ్రెజిల్ మాజీ ప్రెసిడెంట్ జైర్ బోల్సోనారో తమ యూట్యూబ్ ఛానెల్లో అత్యధిక సంఖ్యలో సబ్‌స్క్రైబర్లను కలిగి ఉన్న గ్లోబల్ లీడర్లలో రెండవ స్థానంలో ఉన్నారు.బోల్సోనారో తన యూట్యూబ్ ఛానెల్‌లో 6.44 మిలియన్ల మంది సభ్యులను కలిగి ఉండగా, మెక్సికో అధ్యక్షుడు ఆండ్రెస్ మాన్యుయెల్ లోపెజ్ ఒబ్రాడోర్ 4.12 మిలియన్ల సభ్యులతో మూడవ స్థానంలో ఉన్నారు.ఇండోనేషియా అధ్యక్షుడు జోకో విడోడో 3.24 మిలియన్ల మంది చందాదారులతో జాబితాలో ఉన్నారు. వైట్ హౌస్ దాని యూట్యూబ్ ఛానెల్‌లో 2.06 మిలియన్ల మంది సభ్యులను కలిగి ఉండగా, అమెరికా అధ్యక్షుడు జో బైడెన్ 7,94,000 మంది సభ్యులను కలిగి ఉన్నారు. మొత్తంమీద ఇతర గ్లోబల్ లీడర్లతో పోల్చినపుడు యూట్యూబ్ సబ్‌స్క్రైబర్ చార్ట్‌లో ప్రధాని మోదీ గణనీయమైన తేడాతో అగ్రస్థానంలో నిలిచారు.

ఇండియా విషయానికి వస్తే కాంగ్రెస్ నేతలు రాహుల్ గాంధీకి 3.51 మిలియన్ల మంది, శశి థరూర్ కు 6,11,000 మంది, అరవింద్ కేజ్రీవాల్ 6,00,000 మంది, అసదుద్దీన్ ఒవైసీ 3,75,000 మంది,తమిళనాడు సీఎం ఎంకే స్టాలిన్ 2,35,000 మంది,ఢిల్లీ డిప్యూటీ సీఎం మనీష్ సిసోడియా 1,50,000 మంది సబ్‌స్క్రైబర్లను కలిగి ఉన్నారు.