Actress Sri Satya: ఆయన కోసమే ఇండస్ట్రీకి వచ్చాను – రామ్‌ పోతినేనిపై శ్రీ సత్య ఆసక్తికర వ్యాఖ్యలు

Sri Satya Comments on Ram Pothineni: బిగ్‌బాస్‌ షోతో ఒక్కసారిగా పాపులర్‌ అయ్యింది శ్రీ సత్య. బిగ్‌బాస్‌ 7 సీజన్‌లో కంటెస్టెంట్‌గా వచ్చిన ఆమె తన అందం, అభినయంతో పాటు, తనదైన ఆటతీరుతో ఆడియన్స్‌ని ఆకట్టుకుంది. ఈ షో తర్వాత డ్యాన్స్‌ షోస్‌, స్పెషల్‌ సాంగ్స్‌తో అలరించింది. అయితే మొదట సినిమాల్లో చిన్న చిన్న పాత్రలతో ఇండస్ట్రీకి వచ్చిన ఆమె ఆ తర్వాత సీరియల్స్‌ నటించింది. టీవీ సీరియల్స్‌లో అలరించిన ఆమె ఆ తర్వాత బిగ్‌బాస్‌ షో ఓవర్ నైట్‌ స్టార్‌ అయిపోయింది. బిగ్‌బాస్‌ షో తర్వాత వరుస డ్యాన్స్‌ షోలో అలరించిన ఆమె బిగ్‌బాస్‌ మహెబూబ్‌తో జతకట్టింది.

దాంతో ప్రస్తుతం వీరిద్దరు కలిసి స్పెషల్‌ సాంగ్‌ నటిస్తూ అలరిస్తున్నారు. తాజాగా నువ్వే కావాలి అనే అల్బమ్‌ సాంగ్‌ చేశారు. ఈ పాట లాంచ్‌ ఈవెంట్‌లో శ్రీ సత్య మాట్లాడుతూ తను ఇండస్ట్రీకి రావడానికి కారణం అతడే అంటూ ఆసక్తికర వ్యాఖ్యలు చేసింది. శ్రీసత్య రామ్‌ పోతినేనికి వీరాభిమాని అనే విషయం తెలిసిందే. ఈ విషయాన్ని ఆమె చాలా సందర్భాల్లో చెప్పింది. తనకు హీరో రామ్‌ అంటే చాలా ఇష్టమని, తన కోసమే ఇండస్ట్రీకి వచ్చానని పలు షోలలో, ఇంటర్య్వూలో చెప్పింది. అయితే తాజాగా తాను ఇండస్ట్రీకి వచ్చిందే ఆయన కోసం అంది.

రామ్‌ సినిమాతోనే ఇండస్ట్రీకి వచ్చారు.. మరి మళ్లీ ఆయనతో ఎప్పుడు కనిపించబోతున్నారని యాంకర్‌ అడిగారు.  దీనికి ఆమె స్పందిస్తూ.. ఆ అదృష్టం కోసం తాను కూడా వెయిట్‌ చేస్తున్నా అంది. “నేను కూడా ఆ సమయంలో కోసమే వెయిట్‌ చేస్తున్నా. నేను ఇండస్ట్రీకి వచ్చిందే ఆయన కోసం. నా చదువు అన్ని ఆపేసి ఇండస్ట్రీకి రావడానికి గల కారణాల్లో ఆయన ఒకరు. ఆయన సినిమాతో ఇండస్ట్రికి వచ్చాను. మళ్లీ ఆయనతో ఎప్పుడు నటించడానికి ఆసక్తి ఎదురుచూస్తున్నా. ఎప్పుడు అవకాశం వస్తుందో తెలియదు. కానీ తొందర్లోనే ఆ అవకాశం రావాలిన కోరుకుంటున్నా” అని సమాధానం ఇచ్చింది. ప్రస్తుతం ఆమె కామెంట్స్‌ వైరల్‌ అవుతున్నాయి.