Affordable CNG Cars: ఎక్కువ మైలేజ్ కోసం.. ఇవిగో బెస్ట్ సీఎన్‌జీ కార్లు.. డబ్బులు ఫుల్ సేవ్..!

Affordable CNG Cars: దేశంలో ఈవీల క్రేజ్ రోజు రోజుకు పెరుగుతుంది. అయితే ఇది ఇప్పటికీ ప్రజల మొదటి ఎంపికగా మారేంతగా అభివృద్ధి చెందలేదు.  ప్రతిరోజూ 50 కిలోమీటర్లు లేదా అంతకంటే ఎక్కువ దూరం ప్రయాణించే వారికి, ఇప్పటికీ CNG కారు మాత్రమే మిగిలి ఉంది. ప్రస్తుతం భారతదేశంలో CNG కార్ల ఎంపికలు చాలా ఉన్నాయి. బడ్జెట్ సెగ్మెంట్ నుండి ప్రీమియం సెగ్మెంట్ వరకు మీరు మీ అవసరానికి అనుగుణంగా కారును ఎంచుకోవచ్చు. మీ బడ్జెట్ తక్కువగా ఉంటే మీరు రోజువారీ ఉపయోగం కోసం ఒక బడ్జెట్ సిఎన్‌జి కార్ కొనాలని చూస్తున్నట్లయితే  మార్కెట్లో అటువంటివి మూడు కార్లు ఉన్నాయ. వాటి గురించి పూర్తి వివరాలు తెలుసుకుందాం.

TATA Tiago iCNG
టాటా టియాగో సిఎన్‌జి మీకు మంచి ఆప్షన్. ఇంజన్ గురించి చెప్పాలంటే.. కారులో 1.2 లీటర్ ఇంజన్ ఉంది, ఇది CNG మోడ్‌లో 73హెచ్‌పి  పవర్, 95ఎన్ఎమ్ టార్క్ ఉత్పత్తి చేస్తుంది. ఈ ఇంజన్‌లో 5-స్పీడ్ మ్యాన్యువల్ ట్రాన్స్‌మిషన్ గేర్‌బాక్స్ ఉంటుంది. ఈ కారు కిలోకి 27కిమీ మైలేజీని అందిస్తుంది. కారు ధర రూ.5.65 లక్షల నుంచి ప్రారంభమవుతుంది. మారుతి CNG కార్లతో పోలిస్తే ఇది తక్కువ మైలేజీని అందిస్తుంది.

Maruti Celerio CNG
మారుతి సెలెరియో CNG ఒక గొప్ప కారు. మీరు దాని కాంపాక్ట్ డిజైన్, మంచి స్థలాన్ని ఇష్టపడవచ్చు. ఈ కారులో 1.0లీటర్ పెట్రోల్ ఇంజన్ ఉంది. దీని ఇంజన్ కూడా మంచి పనితీరును అందిస్తుంది. ఈ కారు CNG మోడ్‌లో 34.43 km/kg మైలేజీని అందిస్తుంది. 5 మంది వ్యక్తులు కారులో సులభంగా కూర్చోవచ్చు. భద్రత కోసం ఈ కారులో యాంటీ-లాక్ బ్రేకింగ్ సిస్టమ్‌తో పాటు EBD,  ఎయిర్‌బ్యాగ్‌ల సౌకర్యం ఉంది. సెలెరియో CNG ఎక్స్-షో రూమ్ ధర రూ. 5.64 లక్షల నుండి ప్రారంభమవుతుంది. .

Maruti Suzuki Wagon -R CNG
వాగన్-ఆర్ సిఎన్‌జి నేడు ప్రతి ఇంటి ఎంపిక. ఈ కారులో అందుబాటులో ఉన్న స్థలం మరే ఇతర కారులోనూ లేదు. 5 మంది చాలా సౌకర్యవంతంగా కూర్చోవచ్చు. వ్యాగన్-R 1.0L పెట్రోల్ ఇంజన్ కలిగి ఉంది, ఈ కారు CNGలో కూడా అందుబాటులో ఉంది. దీని మైలేజ్ 34 km/kg. భద్రత కోసం, కారులో యాంటీ-లాక్ బ్రేకింగ్ సిస్టమ్‌తో పాటు EBD,  ఎయిర్‌బ్యాగ్స్ ఉన్నాయి. వ్యాగన్-ఆర్ రోజువారీ ఉపయోగం కోసం ఉపయోగించవచ్చు. వ్యాగన్ ఆర్ ధర రూ.6.54 లక్షల నుంచి ప్రారంభమవుతుంది.