Bengaluru Hotels Association: అమూల్ వద్దు.. నందిని ముద్దు అంటున్న బెంగళూరు హోటల్స్ అసోసియేషన్

బృహత్ బెంగళూరు హోటల్స్ అసోసియేషన్  రాష్ట్ర రైతులకు మద్దతుగా నందిని పాలను మాత్రమే కొనుగోలు చేయాలని నిర్ణయించుకుంది. గుజరాత్‌కు చెందిన డెయిరీ దిగ్గజం అమూల్‌కు బెంగళూరు డెయిరీ ప్రొడక్ట్‌లోకి ప్రవేశిస్తున్న నేపధ్యంలో బీజేపీ మరియు ప్రతిపక్ష కాంగ్రెస్ మరియు జెడి(ఎస్) మాటల యుద్ధానికి దిగాయి.

Bengaluru Hotels Association:బృహత్ బెంగళూరు హోటల్స్ అసోసియేషన్  రాష్ట్ర రైతులకు మద్దతుగా నందిని పాలను మాత్రమే కొనుగోలు చేయాలని నిర్ణయించుకుంది. గుజరాత్‌కు చెందిన డెయిరీ దిగ్గజం అమూల్‌కు బెంగళూరు డెయిరీ ప్రొడక్ట్‌లోకి ప్రవేశిస్తున్న నేపధ్యంలో బీజేపీ మరియు ప్రతిపక్ష కాంగ్రెస్ మరియు జెడి(ఎస్) మాటల యుద్ధానికి దిగాయి.

నందిని పాలు మాత్రమే కొంటాము..(Bengaluru Hotels Association)

బృహత్ బెంగళూరు హోటల్స్ అసోసియేషన్ ఒక ప్రకటనలో, కన్నడిగులు నందిని పాల ఉత్పత్తులను మాత్రమే ప్రోత్సహించాలని పేర్కొంది. మన రైతులు ఉత్పత్తి చేసే కర్ణాటక నందిని పాలను చూసి మనమందరం గర్విస్తున్నాము. దానిని ప్రోత్సహించాలి. మన నగరంలో, పరిశుభ్రమైన మరియు రుచికరమైన కాఫీ, చిరుతిళ్లకు అది వెన్నెముకగా నిలుస్తుంది. మేము దానిని చాలా గర్వంగా ప్రోత్సహిస్తున్నాము. ఇతర రాష్ట్రాల నుండి పాలు ఇటీవల కర్ణాటకకు రవాణా చేయబడుతున్నాయి. మేమంతా నందిని” అని బృహత్ బెంగళూరు హోటల్స్ అసోసియేషన్ ఒక ప్రకటన విడుదల చేసింది.

అమూల్ ఉత్పత్తులను కొనవద్దు..

మరోవైపు రాష్ట్రంలోని రైతుల సంక్షేమం కోసం ఏర్పాటైన కేఎంఎఫ్‌ను కన్నడిగులందరూ కాపాడుకోవాలి. అమూల్ ఉత్పత్తులను కొనబోమని కన్నడిగులందరూ ప్రతిజ్ఞ చేయాలి అని సిద్ధరామయ్య అన్నారు.హిందీ ప్రయోగించడం ద్వారా భాషా ద్రోహం, రాష్ట్ర సరిహద్దుల్లోకి చొరబడి భూ ద్రోహంతో పాటు ఇప్పుడు బీజేపీ ప్రభుత్వం రైతులకు ద్రోహం చేయబోతోందని అన్నారు. కర్ణాటక మిల్క్ ఫెడరేషన్ (KMF)లక్షలాది పాడి కుటుంబాలకు జీవనాధారం. దీనిని మూసివేయాలని బీజేపీ ప్రభుత్వం భావిస్తోందని ఆయన ఆరోపించారు. ముఖ్యమంత్రి బసవరాజ బొమ్మై ఈ విషయంలో వెంటనే జోక్యం చేసుకుని, అమూల్‌ను వెనుక ద్వారం గుండా ప్రవేశించకుండా ఆపాలని సిద్ధరామయ్య డిమాండ్ చేసారు.

బుధవారం, అమూల్ బెంగళూరుకు కెంగేరి నుండి వైట్‌ఫీల్డ్ వరకు.. నగరం యొక్క పశ్చిమ చివర నుండి తూర్పు వరకు.. తాజాదనం యొక్క తరంగం వస్తోందని “లాంచ్అలర్ట్” అనే హ్యాష్‌ట్యాగ్‌తో ట్వీట్ చేసింది. పాలు మరియు పెరుగు డెలివరీని సులభతరం చేయడానికి శీఘ్ర వాణిజ్య ప్లాట్‌ఫారమ్‌లను ఉపయోగిస్తామని ట్వీట్‌లో తెలిపింది.