Last Updated: January 10, 2023 / 04:23 PM IST

Constable Leave Letter: సార్ నా భార్య అలిగింది.. బుజ్జగించడానికి లీవ్ ఇవ్వండి

Written By: Prime9News

Constable Leave Letter: భార్య అలిగింది సార్.. ఓ వారం రోజులు లీవ్ ఇవ్వండి అంటూ ఓ కానిస్టేబుల్ రాసిన లేఖ ఇప్పుడు సోషల్ మీడియాలో వైరల్ అవుతోంది. మీకు నవ్వొస్తుంది కదా.. ఇది నిజమేనండి.. భార్య కోసం ఓ కానిస్టేబుల్ పోలీస్ అధికారులకు రాసిన లేఖ ట్రెండింగ్ లో నడుస్తుంది. భార్య అలిగిందని ఏకంగా ఓ కానిస్టేబుల్ ఏఎస్పీకి లేఖ రాయడం వైరల్ అయింది. యూపీ లోని మహరాజ్ గంజ్ కి చెందిన కానిస్టేబుల్ గౌరవ్ చౌదరికి డిసెంబర్ లో వివాహమైంది.

ఎందుకు లీవ్ అడిగాడంటే?

కాగా.. భార్యను ఇంటి దగ్గరే వదిలి భర్త విధుల కోసం వెళ్లాడు. కొద్ది రోజులు బాగానే ఉన్నా.. భర్త ఇంటికి తిరిగి రాకపోవడంతో విసుగు చెందిన భార్య గౌరవ్ చౌదరి ఫోన్ చేసినా స్పందించలేదు. ఎన్నిసార్లు కాల్ చేసిన కట్ చేస్తుందని.. కానిస్టేబుల్ వాపోయాడు. వెంటనే తన భార్యను బుజ్జగించేందుకు వెళ్లాలని కోరాడు. అందుకోసం తనకు వారం సెలవులు మంజూరు చేయాలని ఆ కానిస్టేబుల్ ఏఎస్పీకి లేఖ రాశాడు. కానిస్టేబుల్ బాధను అర్ధం చేసుకున్న పోలీసులు అతడికి ఐదు రోజుల సెలవుకు అనుమతినిచ్చారు.

బాధను అర్ధం చేసుకున్న పోలీసులు

ఇక్కడ మరో విశేషం ఏంటంటే.. ఏకంగా ఐదు రోజులు లీవ్ ఇవ్వడం. ఇంట్లో భార్య అలిగితే ఎలా ఉంటుందో పాపం ఆ పోలీసులకు కూడా అర్ధం అయింది. అందుకే ఐదు రోజులు సెలవు ఇచ్చారని సోషల్ మీడియాలో నెటిజన్లు సెటైర్లు వేస్తున్నారు. మరో వైపు భార్య అలకను తీర్చేందుకు కానిస్టేబుల్ లీవ్ అడగడం కూడా.. తనకు భార్యపై ఎంత ప్రేమ ఎంతుందో తెలుస్తుందని పలువురు అంటున్నారు. ఈ లెటర్ మాత్రం కొందరికి నవ్వు తెప్పిస్తుంటే.. మరి కొందరికి భార్యపై ప్రేమ ఎలా ఉండాలో చూపిస్తుందని కామెంట్ చేస్తున్నారు.