Motorola Edge 60s: మరో కొత్త ఫోన్.. మోటరోలా ఎడ్జ్ 60s.. ముఖ్యమైన ఫీచర్స్ లీక్..!

Motorola Edge 60s: మోటరోలా ఎడ్జ్ 60s త్వరలో చైనాలో లాంచ్ కానుంది. కంపెనీ రాబోయే హ్యాండ్‌సెట్, డిజైన్, కలర్ ఆప్షన్లను లాంచ్ తేదీతో పాటు వెల్లడించింది. గత నెలలో ఎంపిక చేసిన ప్రపంచ మార్కెట్లలో ఆవిష్కరించిన మోటరోలా ఎడ్జ్ 60 లైనప్, మోటరోలా Razr 60 క్లామ్‌షెల్-స్టైల్ ఫోల్డబుల్ సిరీస్‌లతో పాటు ‘Motorola Edge 60s’ దేశంలో విడుదల కానుంది. మోటరోలా ఎడ్జ్ 60s ర్యామ్, స్టోరేజ్ కాన్ఫిగరేషన్‌లు, కొన్ని బిల్డ్ వివరాలను కంపెనీ వెల్లడించింది. ఇది ఇప్పటికే ఉన్న ఎడ్జ్ 60 సిరీస్ మోడళ్ల మాదిరిగానే డిజైన్ లాగా కనిపిస్తుంది.

మోటరోలా ఎడ్జ్ 60s మే 8న చైనాలో లాంచ్ అవుతుందని కంపెనీ వీబో పోస్ట్‌లో తెలిపింది. ఈ హ్యాండ్‌సెట్ డస్ట్, వాటర్ రెసిస్టెన్స్ కోసం IP68+IP69 రేటింగ్‌లను కలిగి ఉందని కంపెనీ తెలిపింది. కంపెనీ ఇతర హ్యాండ్‌సెట్‌ల మాదిరిగానే, ఎడ్జ్ 60లు ఆర్టిఫిషియల్ ఇంటెలిజెన్స్ (AI) ఫీచర్లకు సపోర్ట్ ఇస్తాయని భావిస్తున్నారు.

మోటరోలా ఎడ్జ్ 60s అధికారిక జాబితా ప్రకారం.. ఈ హ్యాండ్‌సెట్ 12జీబీ ర్యామ్+256జీబీ,12జీబీ+512జీబీ ఇంటర్నల్ స్టోరేజ్ కాన్ఫిగరేషన్‌లలో వస్తుందని వెల్లడైంది. ఈ ఫోన్ గ్లేసియర్ మింట్, మిస్టీ ఐరిస్, పోలార్ రోజ్ కలర్ ఆప్షన్లలో అందుబాటులో ఉంటుంది.

మోటరోలా ఎడ్జ్ 60s డిజైన్ ప్రస్తుతం ఉన్న మోటరోలా ఎడ్జ్ 60,ఎడ్జ్ 60 ప్రో హ్యాండ్‌సెట్‌ల మాదిరిగానే ఉంటుంది. వెనుక ప్యానెల్‌లో కొద్దిగా రెక్టాంగులర్ కెమెరా మాడ్యూల్ ఉంది. కర్వ్డ్ డిస్‌ప్లే చాలా సన్నని యూనిఫాం బెజెల్స్, పైభాగంలో సెంటర్-అలైన్డ్ హోల్-పంచ్ కటౌట్‌ ఉంటుంది. మొబైల్ రైట్ ఎడ్జ్‌లో వాల్యూమ్ రాకర్, పవర్ బటన్ ఉన్నాయి. కింది అంచున సిమ్ కార్డ్ స్లాట్, USB టైప్-C పోర్ట్, మైక్, స్పీకర్ గ్రిల్స్ ఉన్నాయి.

మోటరోలా ఎడ్జ్ 60s తో పాటు స్టాండర్డ్ మోటరోలా ఎడ్జ్,ఎడ్జ్ 60 ప్రో వేరియంట్‌లు కూడా వస్తాయని మోటరోలా ధృవీకరించింది. ఎడ్జ్ 60 సిరీస్‌తో పాటు, మోటరోలా రజర్ 6, రజర్ 60 అల్ట్రా ఫోల్డబుల్ స్మార్ట్‌ఫోన్‌లు కూడా అదే తేదీన లాంచ్ అవుతాయి. మోటరోలా ఎడ్జ్ 60s 120Hz రిఫ్రెష్ రేట్‌తో 6.7-అంగుళాల 1.5K pOLED కర్వ్డ్-ఎడ్జ్ డిస్‌ప్లేను కలిగి ఉంటుంది.

ఇందులో OIS సపోర్ట్‌తో 50-మెగాపిక్సెల్ సోనీ LYT-700C ప్రైమరీ కెమెరా, 13-మెగాపిక్సెల్ అల్ట్రావైడ్ కెమెరా ఉంటాయి. ముందు భాగంలో 32 మెగాపిక్సెల్ సెల్ఫీ కెమెరాను చూడవచ్చు. ఎడ్జ్ 60s వేరియంట్‌లో మీడియాటెక్ డైమెన్సిటీ 7400 ప్రాసెసర్, 68W వైర్డు,15W వైర్‌లెస్ ఛార్జింగ్ సపోర్ట్‌తో 5,500mAh బ్యాటరీ ఉంటుంది. హ్యాండ్‌సెట్ మందం 8.2మిమీ, బరువు 190 గ్రాములు ఉంటుంది.