Last Updated:

Telangana Government: ఖాళీ స్థలాలు, ఫ్లాట్ల విక్రయానికి సిద్దమయిన తెలంగాణ సర్కార్

ఆదాయ సమీకరణ మార్గాల్లో భాగంగా తెలంగాణ రాష్ట్ర ప్రభుత్వం మరికొన్ని ఆస్తులను విక్రయించేందుకు సిద్ధమైంది. ఇప్పటికే ఖాళీ స్థలాలు, రాజీవ్ స్వగృహ ఫ్లాట్లను విక్రయించిన ప్రభుత్వం. తాజాగా రాజీవ్ స్వగృహ సహా ఇతర ఆస్తుల అమ్మకం చేపట్టనుంది.

Telangana Government: ఖాళీ స్థలాలు, ఫ్లాట్ల విక్రయానికి సిద్దమయిన తెలంగాణ సర్కార్

Hyderabad: ఆదాయ సమీకరణ మార్గాల్లో భాగంగా తెలంగాణ రాష్ట్ర ప్రభుత్వం మరికొన్ని ఆస్తులను విక్రయించేందుకు సిద్ధమైంది. ఇప్పటికే ఖాళీ స్థలాలు, రాజీవ్ స్వగృహ ఫ్లాట్లను విక్రయించిన ప్రభుత్వం. తాజాగా రాజీవ్ స్వగృహ సహా ఇతర ఆస్తుల అమ్మకం చేపట్టనుంది. ఇందులో భాగంగా ఖాళీ ప్లాట్లు, ఇండ్లు, స్థలాలను విక్రయించనుంది. ఆస్తుల విక్రయానికి సంబంధించి పురపాలక శాఖ ప్రత్యేక ప్రధాన కార్యదర్శి అర్వింద్ కుమార్ అధికారులతో టెలీ కాన్ఫరెన్స్ నిర్వహించారు.

గృహనిర్మాణ శాఖ ప్రత్యేక ప్రధాన కార్యదర్శి సునీల్ శర్మ, ఆదిలాబాద్, కామారెడ్డి, కరీంనగర్, మహబూబ్ నగర్, నల్గొండ, నిజామాబాద్, రంగారెడ్డి, వికారాబాద్ జిల్లాల కలెక్టర్లు, ఖమ్మం కమిషనర్, హెచ్ఎండీఏ, రాజీవ్ స్వగృహ, టీఎస్ఐఐసీ అధికారులు పాల్గొన్నారు. పది జిల్లాల్లోని 19 ఆస్తుల విక్రయానికి ఈ నెల 11వ తేదీన నోటిఫికేషన్ జారీ చేయాలని నిర్ణయించారు. అమ్మకం కోసం నవంబర్ 14 నుంచి వేలం నిర్వహిస్తారు. మొత్తం 2 వేల 174 ఖాళీ ప్లాట్లు, 485 ఇండ్లు, 25 ఎకరాల స్థలాన్ని విక్రయించనున్నారు. ఆదిలాబాద్, మహబూబ్​నగర్, నిజామాబాద్, కామారెడ్డి, నల్గొండ, కరీంనగర్, మేడ్చల్ – మల్కాజ్​గిరి, రంగారెడ్డి జిల్లాల్లోని ప్లాట్లు అమ్మకానికి పెట్టనున్నారు. కామారెడ్డి, నల్గొండ జిల్లాల్లో ఇండ్లను.. వికారాబాద్, ఖమ్మం జిల్లాలో భూములను విక్రయించనున్నారు.

హైదరాబాద్ పరిసరాల్లోని భూములను హెచ్ఎండీఏ, టీఎస్ఐఐసీ ఆధ్వర్యంలో ఈ-వేలం ద్వారా విక్రయిస్తారు. జిల్లాల్లో మాత్రం ఈ-వేలంతో పాటు ప్రత్యక్ష వేలం కూడా నిర్వహిస్తారు. ఈ నెల 11వ తేదీన నోటిఫికేషన్ జారీ చేసేందుకు సిద్ధంగా ఉండాలని అధికారులను అర్వింద్ కుమార్ ఆదేశించారు. ఇందుకోసం పెండింగ్​లో ఉన్న అనుమతులు, అభివృద్ధి పనులను వేగవంతం చేయాలని చెప్పారు. ప్లాట్లు, లేఅవుట్లకు సంబంధించిన అన్ని వివరాలను వెబ్ సైట్లలో పొందుపర్చాలని, స్థానికంగా ప్రకటనలు ఇవ్వాలని అర్వింద్ కుమార్ సూచించారు.