My South Diva Calendar 2025: 12 మంది అందాల భామలతో ‘మై సౌత్‌ దివా’ క్యాలెండర్‌

My South Diva Calendar 2025: పన్నెండు మంది అందాల భామలతో ‘మై సౌత్‌ దివా’ క్యాలెండర్‌ రిలీజ్‌ చేశారు ప్రముఖ ఫోటోగ్రాఫర్‌ మనోజ్‌ కుమార్‌ కటోకర్‌. మనోజ్‌ కుమార్‌ ప్రతి ఏడాది మై సౌత్‌ దివా పేరుతో అందాల భామల ఫోటోలతో క్యాలెండర్‌ రిలీజ్ చేస్తూ వస్తున్నాడు. ఈ ఏడాది 2025కి గానూ రీసెంట్‌గా క్యాలెండర్‌ని శుక్రవారం గ్రాండ్‌గా లాంచ్‌ చేశరు.

హీరోయిన్స్ శ్రియా శరన్‌, కేథరిన్‌ థెరిస్సా, కాజల్‌ అగర్వాల్‌, మళవికా శర్మ, తాన్య హోప్‌, ఐశ్వర్య కృష్ణ, కుషిత కొల్లాపు, వినాలి భట్నాగర్‌, రియా సచ్‌దేవ్, కనిక మాన్‌, పలక్‌ అగర్వాల్‌తో ఈ క్యాలెండర్‌ను హైదరాబాద్‌లో ఆవిష్కరించారు. క్యాలెండర్‌ ఫౌండర్‌ మనోజ్‌ కుమార్‌ కటొకర్‌, భారతి సిమెంట్స్ మార్కెటింగ్‌ డైరెక్టర్‌ రవీందర్‌ రెడ్డితో పాటు ప్రముఖ సినిమాట్రో గ్రాఫర్‌ జ్ఞానశేఖర్‌ దర్శకులు కరుణ కుమార్‌, సుజనా రావు ముఖ్య అతిథులుగా హాజరై క్యాలెండర్‌ ఆవిష్కరించారు.

ఈ సందర్భంగా మై సౌత్ దివా క్యాలెండర్ ఫౌండర్, ఫోటో గ్రాఫర్‌ మనోజ్‌ కుమార్‌ కటొకర్‌ మాట్లాడుతూ.. తమ క్యాలెండర్‌ను తొమ్మిది ఏళ్లుగా సపోర్టు చేస్తున్న ప్రతి ఒక్కరికి ధన్యవాదాలు తెలిపారు. 12 మంది హీరోయిన్స్‌తో కూడిన ఈ క్యాలెండర్‌ అందరికి నచ్చుతుందని భావిస్తున్న అన్నారు. తమ క్యాలెండర్ ద్వారా ఇప్పటికే కొత్తవారిని మోడల్స్‌గా పరిచయం చేశామన్నారు. అలాగే కొంతమంది హీరోయిన్స్‌గా మంచి గుర్తింపు పొందారన్నారు. ఈ ఏడాది తమ క్యాలెండర్‌ ద్వారా మరో ఐదుగురిని కొత్తగా పరిచయం చేశామని చెప్పారు.