GAMA Awards 2025: గ్రాండ్‌గా ‘గామా’ అవార్డ్స్ 2025 5వ ఎడిషన్ గ్రాండ్ రివీల్ ఈవెంట్

GAMA Awards 2025 grand reveal event: ‘గామా’ అవార్డ్స్ 2025 – 5వ ఎడిషన్ గ్రాండ్ రివీల్ ఈవెంట్ విజయవంతమైంది. ఫిబ్రవరి 16న GAMA (Gulf Academy Movie Awards) అవార్డ్స్ 2025, 5వ ఎడిషన్ గ్రాండ్ రివీల్ ఈవెంట్ అజ్మాన్, దుబాయ్‌లోని మైత్రి ఫార్మ్‌లో ఘనంగా నిర్వహించారు. ఈ ప్రత్యేకమైన వేడుకకు దుబాయ్‌లోని 500 మందికి పైగా తెలుగువారు హాజరయ్యారు. వీరితో పాటు తెలుగు కళా, సంగీత ప్రపంచానికి చెందిన పలువురు ప్రముఖులు ఈ వేడుకలో పాల్గొని, గామా ప్రాముఖ్యతను ఉద్ఘాటించారు. అయితే మొట్టమొదటి సరిగా, సరికొత్తగా, వినూత్నంగా ఈ గ్రాండ్ రెవీల్ ఈవెంట్ నిర్వహించారు.

ప్రత్యేక హైలైట్స్
ఈ వేడుకలో గామా ఆర్గనైజింగ్ కమిటీ, ప్రముఖ గాయకుడు శ్రీ రఘు కుంచె సమక్షంలో ఈవెంట్ డేట్ & వెన్యూ, జ్యూరీ కమిటీని అధికారికంగా ప్రకటించారు. గామా అవార్డ్స్ 2025, 5వ ఎడిషన్ తేదీ (జూన్ 7, 2025) దుబాయ్ షార్జా ఎక్స్పో సెంటర్‌లో నిర్వహించనున్నారు. జ్యూరీ చైర్ పర్సన్స్ ప్రముఖ సినీ దర్శకులు ఏ. కొదండ రామిరెడ్డి, ప్రముఖ సంగీత దర్శకులు కోటి, ప్రముఖ సినీ దర్శకులు బి. గోపాల్ ఆధ్వర్యంలో వివిధ రంగాలకు ఎంపిక అయిన టాలీవుడ్ కళాకారులకు, సినిమాలకు గామా అవార్ద్స్ బహుకరించనున్నారు.

ఈ ప్రత్యేకమైన వినూత్న రీతిలో సృజనాత్మకమైన ప్రెజెంటేషన్ ద్వారా ప్రేక్షకులను మంత్రముగ్ధులను చేస్తూ అందరికీ అద్భుత అనుభూతిని కలిగించేలా అనౌన్స్‌మెంట్‌ను చేశారు. గామా అవార్డ్స్ చైర్మన్, ప్రముఖ పారిశ్రామికవేత్త కేసరి త్రిమూర్తులు మాట్లాడుతూ.. గత నాలుగు ఎడిషన్లు ఘనంగా పూర్తి చేసుకున్న గామా, ఇప్పుడు జూన్ 7న జరగనున్న 5వ ఎడిషన్ కు ప్రముఖ సినీ పెద్దలను, కళాకారులను విశిష్ట అతిథులుగా ఆహ్వానించామని, యూఏఈలోని తెలుగు ప్రజలకు ప్రత్యేక వినోదాన్ని అందించే విధంగా ఏర్పాట్లు చేస్తున్నామని తెలియజేశారు. ఈ కార్యక్రమానికి సహకరిస్తున్న తెలుగు సినీ ప్రముఖులకు ప్రత్యేక ధన్యవాదములు తెలియజేశారు. అలాగే ఈ కార్యక్రమానికి సహకరిస్తున్న ప్రతితెలుగు వారికి ధన్యవాదములు తెలియజేశారు.

గామా అవార్డ్స్ సీఈఓ సౌరభ్ కేసరి మాట్లాడుతూ.. గామా అవార్ద్స్‌లకు వినూత్నంగా అత్యంత వినోదభరితంగా నిర్వహిస్తున్నట్లు తెలియజేశారు. వివిధ రంగాలకు చెందిన ప్రముఖులను గుర్తించి వారికి THE GAMA EXCELLENCE AWARDS ఇచ్చి సత్కరించనున్నారని తెలియజేశారు. ఇప్పటికే సినీ ప్రముఖులను ఆహ్వానించినట్లు తెలియజేశారు. నామినేటెడ్ అయిన విభాగాలకు, పబ్లిక్ ఓటిండింగ్ ప్రక్రియ కూడా నిర్వహిస్తామని చెప్పారు. ఇతర ప్రముఖులు కూడా ఈ కార్యక్రమంలో మాట్లాడి ప్రపంచవ్యాప్తంగా ఉన్న ప్రతిభావంతులను గుర్తించేందుకు గామా అవార్డ్స్ ఎంత ముఖ్యమైన వేదికగా నిలుస్తుందో వివరించారు. ఈ కార్యక్రమానికి వచ్చిన తెలుగు వారందరు GAMA అవార్డ్స్ 2025, విజవంతంగా నిర్వహించాలని కోరారు.

ఈ కార్యక్రమానికి జ్యూరీ సభ్యులుగా ఉన్న ఏ. కొదండ రామిరెడ్డి (దర్శకుడు), కోటి (సంగీత దర్శకుడు), బి. గోపాల్ (దర్శకుడు) ప్రత్యేకంగా వీడియో సందేశాలు పంపించారు. ప్రతి ఒక్కరూ గామా గొప్పతనాన్ని, కళాకారుల ప్రతిభకు అందించే ప్రోత్సాహాన్ని గురించి వెల్లడించారు. కుంచె రఘు మాట్లాడుతూ.. తెలుగు ఇండస్ట్రీలో నాలాంటి కళాకారులు ఎందరో ఆసక్తిగా ఎదురు చూసే ఈవెంట్ ఇదే అని అన్నారు. గామా తో మాకు చాలా మంచి అనుబంధం ఉందని, మా కళా కారుల అందరిని మంచి వసతులు ఇచ్చి చాలా బాగా చూసుకుంటారని చెప్పారు.

వినోదాన్ని పంచిన సంగీత వేదిక ..
ఈ వేడుకలో యాంకర్ అండ్ సింగర్ తిరు, శరణ్య తమ చక్కటి ప్రదర్శనలతో వచ్చిన అతిథులను ఆకట్టుకున్నారు. సంగీత ప్రదర్శనలతో పాటు ప్రత్యేకమైన వినోద కార్యక్రమాలు కూడా ఏర్పాటు చేయడంతో, హాజరైన ప్రతి ఒక్కరూ ఈ ఈవెంట్‌ను ఎంతో ఉత్సాహంచేయడం ప్రత్యేక ఆకర్షణగా నిలిచింది.

భారీ ఈవెంట్!
గామా అవార్డ్స్ 2025 మెయిన్ ఈవెంట్ జూన్ 7న అత్యంత ప్రతిష్టాత్మకంగా నిర్వహించేందుకు ఏర్పాట్లు చేశారు. ప్రపంచ వ్యాప్తంగా ఉన్న సంగీత, కళా రంగ ప్రముఖులు, ప్రతిభావంతులు, సినీ పరిశ్రమకు చెందిన లెజెండ్స్ ఈ గామా అవార్డ్స్ 2025 లో పాల్గొననున్నారు. అవార్డ్స్, సంగీత ప్రదర్శనలు, అంతర్జాతీయ స్థాయి వినోద కార్యక్రమాలతో గామా 2025 తెలుగు ప్రేక్షకులకు మరపురాని అనుభూతిని అందించేందుకు సిద్ధమవుతోంది.