Tata Altroz CNG Facelift Launch: మే 21న సందడే సందడి.. కొత్త కారును లాంచ్ చేయనున్న టాటా మోటర్స్‌.. అదేంటో తెలుసా..?

Tata Altroz CNG Facelift Launch: చాలా కాలంగా, టాటా మోటార్స్ అత్యంత ప్రీమియం హ్యాచ్‌బ్యాక్ కారు ఆల్ట్రోజ్ CNG మోడల్ గురించి సమాచారం బయటకు వస్తోంది. కానీ ఇప్పుడు చివరకు ఈ కొత్త మోడల్ మే 21న లాంచ్ అవుతుందని, దాని ధర కూడా అదే రోజున వెల్లడిస్తుందని తెలిసింది. ఆల్ట్రోజ్ CNG ఫేస్‌లిఫ్ట్ ఇటీవల కనిపించింది. ఇండస్ట్రీ సమాచారం ప్రకారం.. ఈసారి కొత్త మోడల్‌లో చాలా పెద్ద మార్పులు కనిపిస్తాయి. డిజైన్‌లో కొన్ని మార్పులు చేయవచ్చు. టెస్టింగ్ సమయంలో కనిపించిన ఈ వాహనం చాలా పార్ట్స్ కవర్ చేశారు. అందుబాటులో ఉన్న సమాచారం ప్రకారం కొత్త మోడల్‌లో అనేక ప్రధాన మార్పులు ఉంటాయి.

Tata Altroz CNG Facelift Price
ప్రస్తుత ఆల్ట్రోజ్ CNG ధర రూ. 7.60 లక్షల నుండి ప్రారంభమవుతుంది. కానీ కొత్త మోడల్ ధరలో స్వల్ప మార్పు ఉండవచ్చని నమ్ముతారు. ఆల్ట్రోజ్ CNG ఫేస్‌లిఫ్ట్ మారుతి సుజుకి బాలెనో CNG తో నేరుగా పోటీ పడనుంది, దీని ప్రారంభ ధర రూ. 8.44 లక్షలు.

Tata Altroz CNG Facelift Specifications
టాటా ఆల్ట్రోజ్ CNG ఫేస్‌లిఫ్ట్‌ను పూణేలో టెస్ట్ చేస్తున్నట్లు గుర్తించారు. రాబోయే టాటా ఆల్ట్రోజ్ CNG డిజైన్ ఇప్పటికే ఉన్న టాటా కార్ల మాదిరిగానే ఉంటుంది. ఆల్ట్రోజ్ అనేది ప్రీమియం హ్యాచ్‌బ్యాక్ కారు, ఇది చాలా మంచి ఫీచర్లతో వస్తుంది. మునుపటిలాగే దీనికి రెండు CNG ట్యాంకులు కూడా ఉంటాయి. దీని బూట్‌లో స్థలం కొరత ఉండదు. మీరు దానిలో చాలా సామానులు ఉంచచ్చు.

ఆల్ట్రోజ్ CNG ఫేస్‌లిఫ్ట్ లైటింగ్ సెటప్ చాలా షార్ప్‌గా ఉంది. దాని ముందు భాగంలో ఉన్న గ్రిల్, బంపర్ కూడా అప్‌డేట్ చేశారు. ఈ మార్పులు ఈ హ్యాచ్‌బ్యాక్‌కు స్పోర్టి అనుభూతిని ఇవ్వడంలో సహాయపడతాయి. వెనుక భాగంలో కొత్త LED టెయిల్‌లైట్లు, అప్‌డేట్ చేసిన బంపర్‌లను పొందుతుందని భావిస్తున్నారు. కొత్త మోడల్ స్టీల్ వీల్స్‌ను ఉపయోగిస్తుంది, ఇది కారు తక్కువ వేరియంట్ అని సూచిస్తుంది. అంతకుముందు, ఆల్ట్రోజ్ ఫేస్‌లిఫ్ట్ కొత్త అల్లాయ్ వీల్స్‌తో కనిపించింది.