Brahmanandam: నా లెగసి కంటిన్యూ చేసే వారసుల్లో వెన్నెల కిషోర్ ఒకడు – బ్రహ్మానందం కామెంట్స్ వైరల్

Brahmanandam About Vennela Kishore: కామెడీ కింగ్ బ్రహ్మానందం, ఆయన కొడుకు రాజా గౌతమ్‌ ప్రధాన పాత్రల్లో వెన్నెల కిషోర్ కీలక పాత్రలో నటిస్తున్న చిత్రం ‘బ్రహ్మా ఆనందం’. తండ్రికొడుకులైన వీరిద్దరు తెరపై తాత మనవడిగా నటిస్తుండటం విశేషం. కామెడీ ఎంటర్టైనర్ గా తెరకెక్కుతున్న ఈ సినిమాకు ఆర్వీఎస్ నిఖిల్ దర్శకత్వం వహిస్తున్నారు. స్వధర్మ్ ఎంటర్టైన్మెంట్స్ పతాకంపై రాహుల్ యాదవ్ నక్కా నిర్మిస్తున్న ఈ చిత్రంలో ప్రియ వడ్లమాని, ఐశ్వర్య హోలక్కల్ హీరోయిన్లుగా నటిస్తున్నారు.

ఫిబ్రవరి 14న ఈ సినిమా రిలీజ్ కానున్న నేపథ్యంలో మూవీ ప్రమోషన్స్ వేగవంతం చేసింది టీం. ఈ నేపథ్యంలో తాజాగా మూవీ టీజర్ ను రిలీజ్ చేశారు. ఈ సందర్భంగా నిర్వహించిన టీజర్ లాంచ్ ఈవెంట్ లో బ్రహ్మానందం మాట్లాడుతూ నటుడు వెన్నెల కిషోర్ పై ఆసక్తికర వ్యాఖ్యలు చేశారు. ‘బ్రహ్మానందం చిత్రంలో అందరు చాలా బాగా నటించారు. ప్రతి ఒక్కరిలో ఏదోక హిడెన్ టాలెంట్ ఉంటుంది. ముఖ్యంగా వెన్నెల కిషోర్ నటన చాలా అద్భుతంగా ఉంది. తన నటన చూసి సెట్లో నేను నవ్వుతూనే ఉన్నారు. ఒక సీన్ లో వెన్నెల కిషోర్ చచ్చిపోతాను నేను.. చచ్చిపోవడానికి వెళ్తున్నాను నేను అంటాడు.

వెళ్లు అన్నట్టు మేం చూస్తాం. లేదులే హాయిగా రూంకి వెళ్లి పడుకుంటాను అంటాడు. అక్కడ ఆ సీన్ కి మేము ఆరు టేకులు తీసుకున్నాం. ఎందుకంటే ప్రతి షాట్ లో నేను నవ్వుతూనే ఉన్నాను. అంత బాగా యాక్ట్ చేశాడు. నా తర్వాత నా లెగసిని కంటిన్యూ చేసే వారసుల్లో వెన్నెల కిషోర్ ఒకడు’ అని అన్నారు. ఆ తర్వాత మాట్లాడుతూ ఇలా కిషోర్ గురించి మాట్లాడటం తనకు చాలా గర్వంగా ఉందని, ఎందుకంటే ఒకప్పుడు కిషోర్ తన డైరెక్టర్ అని వ్యాఖ్యానించారు. ప్రస్తుతం బ్రహ్మనందం కామెంట్స్ సోషల్ మీడియాలో వైరల్ అవుతున్నాయి. తన కామెడీ లెగసి కంటిన్యూ చేసే నటుల్లో వెన్నెల కిషోర్ ఖచ్చింతంగా ముందు వరసులో ఉంటాడంటూ నెటిజన్స్ కామెంట్స్ చేస్తున్నారు.