Vivo X Fold 5 Launch: ఈ స్మార్ట్‌ఫోన్‌ను మడిచి జేబులో పెట్టుకోవచ్చు.. రేటు ఎంతంటే..?

Vivo X Fold 5 Launch: వివో తన శక్తివంతమైన ఫోల్డబుల్ ఫోన్లు వివో ఎక్స్ ఫోల్డ్ 3, ఎక్స్ ఫోల్డ్ 3 ప్రోలను గత సంవత్సరం మార్కెట్లో విడుదల చేసింది. ఈరోజు కంపెనీ తన తదుపరి తరాన్ని ముందుకు తీసుకురావడం ద్వారా త్వరలో Vivo X ఫోల్డ్ 5ని విడుదల చేయవచ్చని వార్తలు వచ్చాయి. నివేదికల ప్రకారం చైనాలో ‘4’ నంబర్ అశుభకరమైనదిగా పరిగణించబడుతుంది. అందువల్ల XFold3 తర్వాత XFold5 నేరుగా విడుదల కానుంది. తాజా లీక్‌లో ఈ Vivo ఫోల్డబుల్ ఫోన్ స్పెసిఫికేషన్లు కూడా లీక్ అయ్యాయి. దాని గురించి పూర్తి వివరాలు తెలుసుకుందాం.

Vivo X Fold 5 Disply

ఫోల్డబుల్ ఫోన్ Vivo XFold 5 లో రెండు స్క్రీన్లు ఉంటాయి. లీక్ ప్రకారం, ఫోన్‌ను మడతపెట్టిన తర్వాత బయటి నుండి కనిపించే డిస్‌ప్లే పరిమాణం 6.53-అంగుళాలు ఉంటుంది. ఇది 120Hz రిఫ్రెష్ రేట్ కలిగి ఉండే LTPO ప్యానెల్‌తో కూడిన కలర్ డిస్‌ప్లే. ఫోన్ 8.03-అంగుళాల ప్రైమరీ స్క్రీన్‌ను కలిగి ఉంటుందని లీక్ వెల్లడించింది. నివేదిక ప్రకారం, ఇది 2K ప్లస్ రిజల్యూషన్ కలిగిన స్క్రీన్ అవుతుంది, దీని కోసం అమోలెడ్ ప్యానెల్ అందించారు. దీనిపై 120Hz రిఫ్రెష్ రేట్ కూడా అందుబాటులో ఉంటుంది.

Vivo X Fold 5 Processor

వివో ఎక్స్ ఫోల్డ్ 5 స్మార్ట్‌ఫోన్ ఆండ్రాయిడ్ 15 పై రన్ అవుతుంది. లీకైన నివేదిక ప్రకారం.. ఈ స్మార్ట్‌ఫోన్‌ క్వాల్‌కమ్ 4 నానోమీటర్ ఫాబ్రికేషన్స్ స్నాప్‌డ్రాగన్ 8 జెన్ 3 ఆక్టా-కోర్ ప్రాసెసర్‌పై లాంచ్ అవుతుంది, ఇది 2.27GHz నుండి 3.3GHz క్లాక్ స్పీడ్‌తో రన్ చేయగల సామర్థ్యాన్ని కలిగి ఉంటుంది. నివేదిక ప్రకారం, ఈ వివో ఫోల్డబుల్ మొబైల్ ఫోన్‌ను 16 జీబీ ర్యామ్‌తో 512 జీబీ ఇంటర్నల్ స్టోరేజ్‌తో లాంచ్ చేయచ్చు.

Vivo X Fold 5 Battery

వివో ఎక్స్ ఫోల్డ్ 5 పెద్ద హైలైట్ ఈ మొబైల్ బ్యాటరీ. లీక్‌ల ప్రకారం, ఈ వివో ఫోన్‌ను శక్తివంతమైన 6,000 mAh బ్యాటరీతో లాంచ్ చేయవచ్చు. ఇంత పెద్ద బ్యాటరీ ఇప్పటివరకు ఏ ఫోల్డబుల్ స్మార్ట్‌ఫోన్‌లోనూ అందించకపోవడం గమనార్హం.ఈ పెద్ద బ్యాటరీని వేగంగా ఛార్జ్ చేయడానికి ఫోల్డ్ 5 లో 90W ఫాస్ట్ ఛార్జింగ్ టెక్నాలజీని ఇవ్వచ్చు. ఇది మాత్రమే కాదు, వినియోగదారులు ఈ మొబైల్‌లో 30W వైర్‌లెస్ ఫాస్ట్ ఛార్జింగ్ టెక్నాలజీ సపోర్ట్ కూడా పొందవచ్చు.

Vivo X Fold 5 Camera

ఫోటోగ్రఫీ కోసం ఈ ఫోన్‌లో ట్రిపుల్ రియర్ కెమెరాను చూడచ్చు. లీక్ ప్రకారం, దాని వెనుక ప్యానెల్ 50-మెగాపిక్సెల్ మెయిన్ సోనీ IMX921 సెన్సార్‌ ఉంటుంది, దానితో పాటు 3x ఆప్టికల్ జూమ్ కెపాసిటీతో 50-మెగాపిక్సెల్ అల్ట్రా-వైడ్, 50-మెగాపిక్సెల్ IMX882 పెరిస్కోప్ టెలిఫోటో లెన్స్ కూడా ఉంటుంది.

సెల్ఫీ, వీడియో కాలింగ్ కోసం, ఈ మొబైల్ మెయిన్ స్క్రీన్, కవర్ స్క్రీన్ రెండింటిలోనూ కెమెరా లెన్స్ అందుబాటులో ఉంటుంది. దీని అర్థం ఫోన్ మడతపెట్టినా, విప్పినా సెల్ఫీలు తీసుకోవచ్చు. నివేదిక ప్రకారం, కంపెనీ రెండు డిస్‌ప్లేలలో 32 మెగాపిక్సెల్ కెమెరాను అందిస్తుంది.