Vivo S30-S30 Pro Mini: టైమ్ వచ్చేసింది.. వివో నుంచి రెండు కొత్త ఫోన్లు.. ఫీచర్స్ లీక్..!

Vivo S30-S30 Pro Mini: వివో తన రెండు కొత్త ఫోన్‌లను విడుదల చేయబోతోంది. కంపెనీ ఈ తాజా స్మార్ట్‌ఫోన్‌ల పేర్లు వివో ఎస్ 30, వివో ఎస్ 30 ప్రో మినీ. ఈ స్మార్ట్‌ఫోన్లు చైనాలో ప్రీ-ఆర్డర్‌లకు అందుబాటులోకి వచ్చాయి. ఈ ఫోన్‌లను మే 29న లాంచ్ చేయవచ్చని భావిస్తున్నారు. అయితే ఇప్పుడు లాంచ్‌కు ముందే గీక్‌బెంచ్‌లో కనిపించాయి. గీక్‌బెంచ్ జాబితా ఈ ఫోన్ చిప్‌సెట్, ఆపరేటింగ్ సిస్టమ్‌తో పాటు ర్యామ్‌ని వెల్లడిస్తుంది.

గీక్‌బెంచ్ జాబితా ప్రకారం.. ఈ ఫోన్‌ల మోడల్ నంబర్లు V2464A, V2465A. సోర్స్ కోడ్ ప్రకారం.. కంపెనీ V2464A (S30)లో అడ్రినో 722 GPUతో స్నాప్‌డ్రాగన్ 7 Gen 4ని అందించబోతోంది. అదే సమయంలో V2465A డైమెన్సిటీ 9400e చిప్‌సెట్‌తో వస్తుంది. ఈ చిప్‌సెట్‌లు గీక్‌బెంచ్ జాబితాలో ప్రస్తావించలేదు, కానీ వాటి సీపీయూ, జీపీయూ కాన్ఫిగరేషన్‌లను పరిశీలిస్తే, ఈ స్మార్ట్‌ఫోన్లు ఈ ప్రాసెసర్‌లతో వస్తాయని దాదాపు నిర్ధారించింది. గీక్‌బెంచ్ జాబితాలో పేర్కొన్న చిప్‌సెట్‌లు Vivo S30 సిరీస్ లీక్‌లలో పేర్కొన్న ప్రాసెసర్‌లకు సరిపోతాయి.

Vivo S30-S30 Pro Mini Processor
గీక్‌బెంచ్ ప్రకారం.. ఈ ఫోన్‌లు 16జీబీ ర్యామ్, ఆండ్రాయిడ్ 15 OS తో వస్తాయి. గీక్‌బెంచ్ సింగిల్-కోర్ పరీక్షలో S30 1251 పాయింట్లు, మల్టీ-కోర్ పరీక్షలో 3635 పాయింట్లు సాధించింది. అదే సమయంలో, S30 ప్రో మినీ గీక్‌బెంచ్ సింగిల్-కోర్ పరీక్షలో 2299 పాయింట్లు, మల్టీ-కోర్ పరీక్షలో 7348 పాయింట్లను పొందింది.

Vivo S30-S30 Pro Mini Features
లీకైన నివేదికల ప్రకారం.. కంపెనీ వివో ఎస్ 30 లో 6.55-అంగుళాల డిస్‌ప్లేని, ఎస్ 30 ప్రో మినీలో 6.31-అంగుళాల డిస్‌ప్లేని అందించగలదు. రెండు ఫోన్‌లలో అందించిన ఈ ఓఎల్ఈడీ డిస్‌ప్లేలు 1.5K రిజల్యూషన్, 120Hz రిఫ్రెష్ రేట్‌కు సపోర్ట్ ఇవ్వగలవు. బ్యాటరీ 6500mAh సామర్థ్యంతో రావచ్చు. నివేదికల ప్రకారం.. ఫోన్‌లో అందించే బ్యాటరీ 90W ఫాస్ట్ ఛార్జింగ్‌కు సపోర్ట్ ఇస్తుంది. ఫోటోగ్రఫీ కోసం, రెండు స్మార్ట్‌ఫోన్‌లలో ట్రిపుల్ రియర్ కెమెరా సెటప్ ఇవ్వవచ్చు. ఇది 8 మెగాపిక్సెల్ లెన్స్‌తో పాటు రెండు 50-మెగాపిక్సెల్ కెమెరాలను కలిగి ఉంటుంది.