live tv
HOT
NOWHOT
NOW
వైకాపా నేతలు, మంత్రులు సినీ నటుడు చిరంజీవిపై చేస్తున్న వ్యాఖ్యలపట్ల ఆయన సోదరుడు, జనసేన ప్రధాన కార్యదర్శి కొణిదెల నాగబాబు ట్విట్లర్‌లో తీవ్రంగా స్పందించారు. శ్రమని పెట్టుబడిగా పెట్టి, పన్నుని ప్రభుత్వానికి అణా పైసలతో సహా కట్టి, వినోదాన్ని విజ్ఞానాన్ని జనానికి పంచిపెట్టి, 24 క్రాఫ్ట్‌లకి అన్నం పెడుతున్న ఏకైక పరిశ్రమ చిత్రపరిశ్రమని నాగబాబు గుర్తు చేశారు.. అయితే నిజం మాట్లాడిన వ్యక్తి మీద ఆంధ్రా మంత్రులు విషం కక్కుతున్నారని నాగబాబు విమర్శించారు.
భీమవరంలోని శ్రీసోమేశ్వర స్వామి ఆలయంలో అర్చకుడిపై వైసీపీ నాయకుడు దాడికి చేయడాన్ని జనసేన అధినేత పవన్ కళ్యాణ్ ఖండించారు. ఆలయ సహాయ అర్చకుడు పండ్రంగి నాగేంద్ర పవన్ పై వైసీపీ నాయకుడైన ఆలయ బోర్డు ఛైర్మన్ భర్త యుగంధర్ చేసిన దాడిని ప్రతి ఒక్కరూ ఖండించాలని పవన్ పిలుపునిచ్చారు.
సినిమా పరిశ్రమ పిచ్చుక లాంటిదేనని మాజీ ఎంపీ ఉండవల్లి అరుణ్ కుమార్ అన్నారు. వాల్తేరు వీరయ్య సినిమా 200 రోజుల ఫంక్షన్ లో మెగాస్టార్ చేసిన వ్యాఖ్యలను ఆయన సమర్దించారు.చిరంజీవి వ్యాఖ్యలకు అర్థం వుంది. చిరంజీవి సామాన్య వ్యక్తి కాదని ఉండవల్లి అన్నారు.
పుంగనూరులో జరిగిన అల్లర్లకు సంబంధించి పోలీసులు టీడీపీ అధినేత చంద్రబాబుపై కేసు నమోదు చేసారు. ఈ కేసులో ఎ1 గా చంద్రబాబు, ఎ2గా దేవినేని ఉమ, ఎ3గా అమర్నాధరెడ్డిలపై ముదివేడు పోలీసు స్టేషన్లో ఎఫ్ ఐఆర్ నమోదు చేసారు. ఈ ఎఫ్ఐఆర్ లో 20 మందిపై కేసులు నమోదు చేసారు.
ఏపీ సీఎం జగన్ మంగళవారం కోనసీమ జిల్లాలో వరద ప్రభావిత ప్రాంతాలైన గురజాపులంక, కూనాలంక, రామాలయం పేటలోని బాధితులను పరామర్శించారు. గురజాపులంకలోని మెడికల్ కాంపు వద్ద ఆగి పాముకాటుకు గురైన మహిళ గురించి అడిగి తెలుసుకున్నారు. ఇళ్ల పట్టాలను అడిగిన మహిళలకు తప్పకుండా ఇస్తామని హామీ ఇచ్చారు. వరద ప్రభావిత ప్రాంత ప్రజల ఇబ్బందులను అడిగి తెలుసుకున్నారు.
ఏపీ ప్రభుత్వంపై వాల్తేరు వీరయ్యసినిమా 200 రోజుల వేడుకలో మెగాస్టార్ చిరంజీవి చేసిన వ్యాఖ్యలపట్ల గుడివాడ ఎమ్మెల్యే, మాజీ మంత్రి వైసీపీ కొడాలి నాని ఘాటుగా స్పందించారు. తమ ప్రభుత్వానికి ఇచ్చే ఉచిత సలహాలు సినీ పరిశ్రమలో ఉన్న పకోడిగాళ్లకి కూడా చెబితే బాగుంటుందని చిరంజీవికి సూచించారు.
జగన్ మూర్ఖత్వం వల్లే పోలవరం డయాఫ్రం వాల్ దెబ్బతిన్నదని టీడీపీ అధినేత చంద్రబాబు విమర్శించారు. సాగునీటి ప్రాజెక్టుల విధ్వంసంపై యుద్ధభేరి కార్యక్రమంలో భాగంగా నేడు ఉమ్మడి పశ్చిమగోదావరి జిల్లాలోని పోలవరం ప్రాజెక్టును చంద్రబాబు సందర్శించారు. పోలవరం వద్ద సెల్ఫీ తీసుకుని సీఎం జగన్ కు చాలెంజ్ విసిరారు. ప్రభుత్వ నిర్లక్ష్యం కారణంగానే పోలవరం గైడ్ బండ్ కుంగిపోయిందని ఆరోపించారు.
అల్లూరి సీతారామరాజు జిల్లా కూనవరంలో సీఎం జగన్ మోహన్ రెడ్డి పర్యటించారు.వరద బాధితులను సీఎం జగన్ పరామర్శించారు. వరద బాధితులకు నిత్యావసరాలు అందజేశామని అన్నారు. అధికారులు తప్పులు చేస్తే చర్యలు తప్పవని జగన్ హెచ్చరించారు.
తూర్పుగోదావరి జిల్లాలో శనివారం అర్ధరాత్రి రోడ్డు ప్రమాదం చోటు చేసుకుంది. కోరుకొండ మండలం బూరుగుపూడిలోని కాలువలోకి ఓ కారు దూసుకెళ్లింది. మారేడుమిల్లి నుంచి ఏలూరు వెళ్తుండగా.. కల్వర్టు పైకి ఎక్కబోయి అదుపుతప్పి కారు కాలువలోకి దూసుకెళ్లినట్లు తెలుస్తుంది. ఈ దుర్ఘటనలో ముగ్గురు మృతి చెందడం వారి కుటుంబాల్లో తీవ్ర విషాదాన్ని నింపింది.
మంగళగిరి జనసేన ఆఫీస్‌లో శనివారం గ్రామపంచాయతీల సర్పంచ్లు సమావేశమయ్యారు. పంచాయతీలను కాపాడుకుందామనే అంశంపై జనసేన అధినేత పవన్ కళ్యాణ్ సమక్షంలో చర్చా గోష్టి నిర్వహించారు. 30 నెలలు దాటినా నిధులు రావడం లేదని సర్పంచుల సంక్షేమ సంఘం అధ్యక్షుడు చిలకలపూడి పాపారావు చెప్పారు. పూర్తయిన పనులకి బిల్లులు చెల్లించడం లేదని ఆవేదన వ్యక్తం చేశారు.
Download app