Brown Rice Vs White Rice: బ్రౌన్ రైస్ vs వైట్ రైస్.. షుగర్ పేషెంట్లకు ఏది మంచిది ?

Brown Rice Vs White Rice: డయాబెటిస్ ఉన్న వారు తినే ఆహారం విషయంలో చాలా జాగ్రత్తగా ఉండాలి. డయాబెటిక్ పేషెంట్లు చేసే ఒక చిన్న పొరపాటు కూడా రక్తంలో చక్కెర స్థాయిని పెంచుతుంది. అంతే కాకుండా ఇది ఆరోగ్య సమస్యలను పెంచుతుంది. బియ్యం మన ఆహారంలో ప్రధానమైనది. కానీ బ్రౌన్ రైస్, వైట్ రైస్ వీటిలో ఏది డయాబెటిస్ రోగులకు మంచిదో చాలా మందికి తెలియదు. బ్రౌన్ రైస్ , వైట్ రైస్‌లో ఏది రక్తంలో చెక్కర స్థాయిని పెంచకుండా ఉంటుందో తెలుసుకుందామా.

ఇది ఒక సాధారణ ప్రశ్న.. ఎందుకంటే రెండు రకాల బియ్యం వేర్వేరు లక్షణాలను కలిగి ఉంటాయి. డయాబెటిక్ రోగులు ఆహారంలోని గ్లైసెమిక్ ఇండెక్స్, ఫైబర్ కంటెంట్‌పై ప్రత్యేక శ్రద్ధ వహిస్తారు. ఇలాంటి పరిస్థితిలో.. సరైన బియ్యాన్ని ఎంచుకోవడం రక్తంలో చక్కెరను నియంత్రించడంలో సహాయపడటమే కాకుండా, మీకు పోషకాలను కూడా అందిస్తుంది.

బ్రౌన్ రైస్ అంటే ఏమిటి ?
ముందుగా బ్రౌన్ రైస్ అంటే ఏమిటో తెలుసుకుందాం. వాస్తవానికి, వరి నుండి పసుపు రంగు బియ్యం పొరను తీసివేసినప్పుడు, మనకు బ్రౌన్ రైస్ వస్తుంది . ఈ ప్రక్రియలో.. బియ్యం యొక్క బయటి తొక్క (పొట్టు) తొలగించబడుతుంది. కానీ దాని ఊక, విత్తనం లోపలి భాగం చెక్కుచెదరకుండా ఉంటాయి. ఈ పొట్టు, జెర్మ్ పొరలు బియ్యానికి విలక్షణమైన గోధుమ రంగును ఇస్తాయి. ఇవి పోషకాలతో సమృద్ధిగా ఉంటాయి. దీనిని బ్రౌన్ రైస్ అంటారు.

బ్రౌన్ రైస్:
బ్రౌన్ రైస్ అనేది తృణధాన్యం. దీనిలో ఊక , పొట్టు తొలగించబడదు. ఇందులో ఫైబర్, మెగ్నీషియం, విటమిన్ బి ,యాంటీఆక్సిడెంట్లు పుష్కలంగా ఉంటాయి. దీని గ్లైసెమిక్ ఇండెక్స్ (GI) 50-55 మధ్య ఉంటుంది. ఇది తెల్ల బియ్యం కంటే తక్కువ. తక్కువ GI అంటే ఇది చక్కెర స్థాయిలను నెమ్మదిగా పెంచుతుంది. అంతే కాకుండా ఇది డయాబెటిక్ రోగులకు ప్రయోజనకరంగా ఉంటుంది. ఇందులో అధిక ఫైబర్ కంటెంట్ కారణంగా.. ఇది జీర్ణక్రియను మెరుగుపరుస్తుంది. ఆకలిని నియంత్రిస్తుంది. అంతే కాకుండా కొలెస్ట్రాల్‌ను తగ్గిస్తుంది. డయాబెటిక్ రోగులకు… బ్రౌన్ రైస్ బరువు తగ్గడానికి, గుండె ఆరోగ్యానికి కూడా ప్రయోజనకరంగా ఉంటుంది.

తెల్ల బియ్యం:
తెల్ల బియ్యాన్ని ప్రాసెస్ చేసేటప్పుడు పాలిష్ చేస్తారు. ఇది దాని ఊక, పొట్టును తొలగిస్తుంది. ఈ ప్రక్రియలో.. ఫైబర్, విటమిన్లు , ఖనిజాలు పోతాయి. దీని గ్లైసెమిక్ సూచిక 70-89 మధ్య ఉంటుంది. ఇది రక్తంలో చక్కెరను వేగంగా పెంచుతుంది. ఇది ఇన్సులిన్ స్థాయిలను ప్రభావితం చేస్తుంది. కాబట్టి ఇది డయాబెటిక్ రోగులకు హానికరం. తెల్ల బియ్యం సులభంగా జీర్ణమవుతుంది . ఇది తేలికగా ఉన్నప్పటికీ.. పోషకాహార పరంగా దీని కంటే బ్రౌన్ రైస్ బెటర్.

ఏ బియ్యం తినాలి ?
నిపుణుల అభిప్రాయం ప్రకారం.. బ్రౌన్ రైస్ డయాబెటిస్ రోగులకు మంచిది. ఎందుకంటే దాని తక్కువ GI,అధిక ఫైబర్ చక్కెర స్థాయిని ఇది నియంత్రణలో ఉంచుతుంది. మీరు తెల్ల బియ్యం తినవలసి వస్తే.. దానిని తక్కువ పరిమాణంలో , కూరగాయలు, ప్రోటీన్లతో కలిపి తినండి.