Last Updated:

DJ Tillu Sequel: DJ టిల్లు 2 నుంచి బయటకు వచ్చేసిన డైరక్టర్

యంగ్ హీరో సిద్ధు జొన్నలగడ్డ క్రైమ్ కామెడీ, DJ టిల్లు. ఈ సంవత్సరం ప్రారంభంలో ప్రపంచవ్యాప్తంగా రూ. 30 కోట్లకు పైగా వసూలు చేసి బాక్సాఫీస్ వద్ద సంచలన విజయాన్ని నమోదు చేసింది. దీనితో జూన్ చివరి వారంలో ఈ సినిమా సీక్వెల్‌ను ప్రారంభించారు. దర్శకుడు విమల్

DJ Tillu Sequel: DJ టిల్లు 2 నుంచి బయటకు వచ్చేసిన డైరక్టర్

Tollywood: యంగ్ హీరో సిద్ధు జొన్నలగడ్డ క్రైమ్ కామెడీ, DJ టిల్లు. ఈ సంవత్సరం ప్రారంభంలో ప్రపంచవ్యాప్తంగా రూ. 30 కోట్లకు పైగా వసూలు చేసి బాక్సాఫీస్ వద్ద సంచలన విజయాన్ని నమోదు చేసింది. దీనితో జూన్ చివరి వారంలో ఈ సినిమా సీక్వెల్‌ను ప్రారంభించారు. దర్శకుడు విమల్ కృష్ణతో కలిసి DJ టిల్లు స్క్రిప్ట్‌కు సహ రచయిత అయిన సిద్ధూ అతనితో చేతులు కలిపాడు.

అయితే, షూటింగ్ ఆగస్ట్‌లో ప్రారంభం కానున్న తరుణంలో సిద్ధు జొన్నలగడ్డతో కోలుకోలేని సృజనాత్మక విభేదాల కారణంగా దర్శకుడు విమల్ సీక్వెల్ నుండి నిష్క్రమించారు. సిద్ధు మరియు విమల్ మధ్య ఒక రకమైన ప్రచ్ఛన్న యుద్ధం జరిగిందని, దాని కారణంగా దర్శకుడు చివరికి ప్రాజెక్ట్ నుండి తప్పుకోవాల్సి వచ్చిందని సమాచారం. సిద్ధు స్క్రిప్ట్‌తో పాటు, హీరో సీక్వెల్ కోసం దర్శకత్వ అంశాలను కూడా పర్యవేక్షిస్తున్నాడు. తన ప్రతిభతో తనదైన ముద్ర వేయాలనే పట్టుదలతో ఉన్న విమల్ కృష్ణకు ఇది అంతగా మింగుడు పడలేదని తెలుస్తోంది.

తాజాగా విమల్ స్థానంలో కొత్త దర్శకుడు ఈ ప్రాజెక్ట్‌లో చేరి ఆ బాధ్యతను భుజానికెత్తుకున్నట్లు సమాచారం. దీనికి సంబంధించి అధికారిక ప్రకటన వచ్చే అవకాశం ఉందని మేకర్స్ భావిస్తున్నారు. సీక్వెల్‌లో నేహాశెట్టి, ప్రిన్స్ మరియు బ్రహ్మాజీ ప్రధాన పాత్రలు పోషిస్తుండగా, సితార ఎంటర్‌టైన్‌మెంట్స్ బ్యానర్‌పై నాగ వంశీ నిర్మిస్తున్నారు.

follow us

సంబంధిత వార్తలు