Last Updated: January 11, 2023 / 05:13 PM IST

Chiranjeevi: మొగల్తూరు స్థలంపై చిరంజీవి ఆసక్తికర వ్యాఖ్యలు

Written By: Prime9News

Chiranjeevi: సంక్రాంతి వచ్చిందంటే చాలు.. పెద్ద సినిమాలు బాక్స్ ఆఫిస్ వద్ద హంగామా చేస్తాయి. ఇక ప్రస్తుత కాలంలో తమ సినిమాకు మరింత ఊపు తెచ్చేందుకు చిత్ర బృందం వివిధ రకాలుగా ప్రమోషన్స్ చేస్తున్నాయి. అందులో భాగంగానే వాల్తేరు వీరయ్య ప్రమోషన్స్ లో భాగంగా చిరంజీవి (Chiranjeevi) పలు ఆసక్తికర వ్యాఖ్యలు చేశారు. అవి ఏంటో ఇపుడు చుద్దాం.

ఏంటీ ఈ స్థల వివాదం

చిరంజీవి గురించి తెలుగు రాష్ట్రాల్లో పెద్దగా చెప్పనక్కర్లేదు. సామాజిక సేవతో పాటు.. ఎన్నో కార్యక్రమాలకు చిరంజీవి శ్రీకారం చుట్టారు. బ్లడ్ బ్యాంక్, ఐ బ్యాంక్ వంటి సేవా కార్యక్రమాలతో ఎంతో మందికి ప్రత్యక్షంగా.. పరోక్షంగా సాయపడ్డారు. చిరంజీవి చేసే సాయం ఎలాంటిది అది పొందిన వారికే తెలుసని ఇండస్ట్రీలో చాలా మంది అంటుంటారు. అలాగే కొన్ని సందర్భాలలో చిరంజీవి విమర్శలు సైతం ఎదుర్కొన్నారు. అందులో మెుదటిది మెుగల్తురులో ని ఓ స్థలం.

చిరంజీవి ఏమన్నారంటే?

ఈ స్థలాన్ని లైబ్రరీకి ఇవ్వాల్సిందిగా అక్కడివారు అడిగారట. కానీ చిరంజీవి ఆ స్థలాని అమ్ముకున్నారని విమర్శలు వచ్చాయి. ఈ స్ధలం గురించి ఓ ఇంటర్య్వూలో అడిగిన ఈ ప్రశ్నకు చిరంజీవి సమాధానం ఇచ్చారు. ఆ స్థలం పై విమర్శలు ఎందుకొచ్చాయి. వాటిపై చిరంజీవి ఏమన్నారో తెలుసా?. తనపై వ్యక్తిగతంగా బురద చల్లేందుకే అలాంటి ప్రచారం చేశారని.. అందులో ఎలాంటి వాస్తవం లేదని ఆయన అన్నారు.

అది ఎవరి ఆస్తి మరి

నిజానికి అది తన ఆస్తి కాదని.. తన మామయ్య ఆస్తి అని ఆయన చెప్పుకొచ్చారు. అక్కడి ఉండి చదువుకున్నానే తప్పా.. అది తమ స్వంత ఆస్తి కాదని అన్నారు. ఈ ఇంటి స్థలం అమ్మకం
విషయం తన వరకు రాలేదని చిరంజీవి తెలిపారు. తన స్వంత డబ్బుతో మెుగల్తురూలోనే లైబ్రరీ నిర్మించినట్లు మెగాస్టార్ తెలిపారు.

మెుగల్తురూలో ఇప్పుడు ఆ ఇల్లు లేదని.. తన మామయ్య ఆ ఇంటిని అమ్మేశారని తెలిపారు. కేరీర్ ప్రారంభంలోనే తన వాళ్లతో చెన్నై వచ్చేసినట్లు చిరంజీవి తెలిపారు.