Redmi Turbo 4: అదరగొట్టావ్.. రెడ్‌మి నుంచి అచ్చం ఐఫోన్ లాంటి ఫోన్.. ధర ఎంతంటే..?

Redmi Turbo 4: టెక్ కంపెనీ షియోమి Redmi Turbo 4 లాంచ్ తేదీని ధృవీకరించింది. ఇది టర్బో సిరీస్ తాజా స్మార్ట్‌ఫోన్. ఇది జనవరి2, 2025న మార్కెట్లోకి రానుంది. డైమన్సిటీ 8400 అల్ట్రా చిప్‌సెట్‌తో వస్తున్న ప్రపంచంలోనే మొదటి ఫోన్ ఇదే. స్మార్ట్‌ఫోన్ విడుదలకు ముందు కంపెనీ దీని డిజైన్, కలర్ వేరియంట్లను వెల్లడించింది. టర్బో 4 మొత్తం లుక్ ఐఫోన్ 16ని పోలి ఉంటుంది. ఈ ఫోన్ చైనాలో లాంచ్ కానుంది. దీని గురించి పూర్తి వివరాలు తెలుసుకుందాం.

ఇంటర్నెట్‌లోని సమాచారం ప్రకారం.. రెడ్‌మి టర్బో 4 మూడు కలర్ వేరియంట్‌లలో అందుబాటులో ఉంటుందని సూచిస్తుంది. ఫోన్ బ్లాక్, వైట్,బ్లూ కలర్స్‌లో రాబోతుంది. ఈ ఫోన్‌ను ప్రపంచవ్యాప్తంగా Poco X7 ప్రోగా విడుదల చేయవచ్చని భావిస్తున్నారు.

Redmi Turbo 4 Design
రెడ్‌మి టర్బో 4 వెనుక కెమెరా మాడ్యూల్ రెడ్ కలర్‌తో కూడిన నిలువు 50-మెగాపిక్సెల్ డ్యూయల్ కెమెరా సెటప్‌తో వస్తుంది. వెనుక కవర్‌లో గడ్డకట్టిన మాట్టే గ్లాస్‌తో పై నుండి క్రిందికి వెళ్లే లైన్ ఉంది, ఇది డ్యూయల్-టోన్ ఫినిషింగ్ ఇస్తుంది. టర్బో 4 మొత్తం లుక్ కొంతవరకు iPhone 16ని గుర్తుకు తెస్తుంది.

బ్రాండ్ ఫోన్ ఫ్రంట్ డిజైన్‌ను వెల్లడించనప్పటికీ, ఇది ఫ్లాట్ డిస్‌ప్లేను కలిగి ఉంటుందని లీక్స్ సూచిస్తున్నాయి. మొబైల్ ఎగువ అంచు స్పీకర్, మైక్రోఫోన్, IR బ్లాస్టర్ కోసం పోర్ట్‌లను కలిగి ఉన్నట్లు కనిపిస్తోంది. ఫోన్ కుడి అంచులో వాల్యూమ్ రాకర్, పవర్ కీ ఉన్నాయి. ఫోన్‌లో SIM స్లాట్, మైక్రోఫోన్, USB-C పోర్ట్, దిగువ అంచున స్పీకర్ ఉన్నాయి.

Redmi Turbo 4 Features
రెడ్‌మి టర్బో 4 6.67-అంగుళాల AMOLED స్క్రీన్‌తో వస్తుంది, ఇది 1.5K రిజల్యూషన్, 120Hz రిఫ్రెష్ రేట్‌ను అందిస్తుంది. అలానే  20-మెగాపిక్సెల్ ఫ్రంట్ కెమెరా , 50-మెగాపిక్సెల్ + 8-మెగాపిక్సెల్ డ్యూయల్-కెమెరా యూనిట్‌ను కలిగి ఉంటుంది. టర్బో 4 డైమన్సిటీ 8400-అల్ట్రా గరిష్టంగా 16GB RAM, 512GB వరకు ఇంటర్నల్ స్టోరేజ్, 90W ఫాస్ట్ ఛార్జింగ్ సపోర్ట్‌తో 6,550mAh బ్యాటరీతో వస్తుంది.