OnePlus Nord 5 Launch: ఫోన్‌ అంటే ఇలా ఉండాలి.. వన్‌ప్లస్ నార్డ్ 5 స్మార్ట్‌ఫోన్‌ వచ్చేస్తోంది.. బ్యాటరీ, ఫీచర్స్ పూర్తి వివరాలు..!

OnePlus Nord 5 Launch: వన్‌ప్లస్ నార్డ్ 5 త్వరలో భారతదేశంలో లాంచ్ అయ్యే అవకాశం ఉంది. ఇటీవల ఒక టిప్‌స్టర్ కొత్త వన్‌ప్లస్ ఫోన్ లాంచ్ టైమ్‌లైన్, ధర, ఇతర ఫీచర్లను ఫేర్ చేశారు. టిప్‌స్టర్ ప్రకారం, ఈ ఫోన్‌లో మీడియాటెక్ డైమెన్సిటీ 9400 చిప్‌సెట్ బిన్డ్ వెర్షన్, అంటే డైమెన్సిటీ 9400e ప్రాసెసర్ ఉంటుంది. అలాగే, ఫోన్‌లో 7,000mAh పెద్ద బ్యాటరీని చూడవచ్చు. ఇది కాకుండా, అనేక శక్తివంతమైన ఫీచర్లు ఫోన్‌లో ఉంటాయి.

OnePlus Nord 5 Price
టిప్‌స్టర్ ప్రకారం.. వన్‌ప్లస్ నార్డ్ 5 దేశంలో దాదాపు రూ. 30,000 ఉంటుందని పేర్కొన్నారు. ఈ ఫోన్‌ను జూన్ లేదా జూలై 2025 మధ్య భారతదేశంలో లాంచ్ చేయవచ్చని కూడా ఆయన అన్నారు.

OnePlus Nord 5 Features
ఫోన్ ఫీచర్ల గురించి మాట్లాడుకుంటే.. వన్‌ప్లస్ నార్డ్ 5లో 1.5K రిజల్యూషన్‌తో ఫ్లాట్ OLED స్క్రీన్‌ ఉంటుంది, ఇది 120Hz రిఫ్రెష్ రేట్‌‌కు సపోర్ట్ ఇస్తుంది. ఈ స్మార్ట్‌ఫోన్ మీడియాటెక్ డైమెన్సిటీ 9400e ప్రాసెసర్‌పై రన్ అవుతుంది. ఇందులో 50-మెగాపిక్సెల్ ప్రైమరీ సెన్సార్ ,8-మెగాపిక్సెల్ అల్ట్రావైడ్ సెన్సార్ ఉంటాయి. ఇది సెల్ఫీ, వీడియో కాలింగ్ కోసం 16-మెగాపిక్సెల్ ఫ్రంట్ కెమెరా ఉంటుంది.

బ్యాటరీ విషయానికొస్తే, వన్‌ప్లస్ నార్డ్5లో దాదాపు 7,000mAh పెద్ద బ్యాటరీ అందించవచ్చు. ఇది 100W వైర్డు ఫాస్ట్ ఛార్జింగ్‌కు సపోర్ట్ ఇస్తుంది. దీనితో పాటు, డ్యూయల్ స్పీకర్లు, IR బ్లాస్టర్ , ఇన్-డిస్ప్లే ఫింగర్ ప్రింట్ సెన్సార్ వంటి ఫీచర్లు ఫోన్‌లో అందుబాటులో ఉంటాయని భావిస్తున్నారు. డిజైన్ పరంగా, దీనికి ప్లాస్టిక్ మిడిల్ ఫ్రేమ్, గ్లాస్ బ్యాక్ ప్యానెల్ అందించవచ్చు.