Last Updated:

Kerala government: కేరళ యూనివర్సిటీల ఛాన్సలర్‌గా గవర్నర్‌ను తొలగించేందుకు ఆర్డినెన్స్

విశ్వవిద్యాలయాల ఛాన్సలర్ పదవి నుండి గవర్నర్‌ను తొలగించడానికి రాష్ట్ర అసెంబ్లీలో ఆర్డినెన్స్‌ను ప్రవేశపెట్టాలని కేరళ మంత్రివర్గం నిర్ణయించింది. రాష్ట్ర ప్రభుత్వం ఛాన్సలర్ స్థానంలో నిపుణుడిని తీసుకురావాలని ఆలోచిస్తోంది.

Kerala government: కేరళ యూనివర్సిటీల ఛాన్సలర్‌గా గవర్నర్‌ను తొలగించేందుకు ఆర్డినెన్స్

Thiruvananthapuram: విశ్వవిద్యాలయాల ఛాన్సలర్ పదవి నుండి గవర్నర్‌ను తొలగించడానికి రాష్ట్ర అసెంబ్లీలో ఆర్డినెన్స్‌ను ప్రవేశపెట్టాలని కేరళ మంత్రివర్గం నిర్ణయించింది. రాష్ట్ర ప్రభుత్వం ఛాన్సలర్ స్థానంలో నిపుణుడిని తీసుకురావాలని ఆలోచిస్తోంది. ముఖ్యమంత్రి పినరయి విజయన్‌ నేతృత్వంలోని లెఫ్ట్‌ ప్రభుత్వం, గవర్నర్‌ ఆరిఫ్‌ మహ్మద్‌ ఖాన్‌ మధ్య గత కొద్దిరోజులుగా ఘర్షణ వాతావరణం ఏర్పటింది. రాష్ట్రంలోని తొమ్మిది యూనివర్శిటీల వైస్ ఛాన్సలర్లను పదవి నుంచి వైదొలగాలని గవర్నర్ ఖాన్ కోరిన కొద్ది రోజుల తర్వాత ఈ నిర్ణయం తీసుకోవడం విశేషం.

కేరళ గవర్నర్ ఆదేశాల మేరకు కేరళ యూనివర్సిటీ, మహాత్మా గాంధీ యూనివర్సిటీ, కొచ్చిన్ యూనివర్సిటీ ఆఫ్ సైన్స్ అండ్ టెక్నాలజీ, కేరళ యూనివర్సిటీ ఆఫ్ ఫిషరీస్ అండ్ ఓషన్ స్టడీస్, కాలికట్ యూనివర్సిటీ , శ్రీ శంకరాచార్య యూనివర్శిటీ ఆఫ్ సంస్కృతం, మరియు తునాచత్ ఎజుతచ్చన్ మలయాళ విశ్వవిద్యాలయాల వైస్ ఛాన్సలర్లు తమ పదవులకు రాజీనామా చేయాలని కోరారు. అనంతరం గవర్నర్ ఆదేశాలను వ్యతిరేకిస్తూ తొమ్మిది యూనివర్సిటీల వీసీలు హైకోర్టులో వ్యాజ్యం వేశారు. మరోవైపు తిరువనంతపురంలోని ఏపీజే అబ్దుల్ కలాం టెక్నలాజికల్ యూనివర్శిటీ (కేటీయూ) ఇన్‌చార్జి వైస్ ఛాన్సలర్‌గా సీజా థామస్‌ను గవర్నర్ నియమించారు.

గవర్నర్ ఖాన్ ఉత్తర్వును రాష్ట్ర ప్రభుత్వం సవాలు చేసింది. ఇది నియామకాన్ని నిలిపివేయాలని హైకోర్టును కోరింది. అయితే కోర్టు నియామకంపై స్టే ఇవ్వడానికి నిరాకరించింది. కేరళ ప్రభుత్వ నిర్ణయం పై కాంగ్రెస్ నేత, తిరువనంతపురం ఎంపీ శశిథరూర్ కూడా స్పందించారు. “గవర్నర్ సంతకం చేసినప్పుడే ఆర్డినెన్స్ చెల్లుబాటు అవుతుంది. కాబట్టి రాష్ట్ర మంత్రివర్గం గవర్నర్‌ను కోరుతూ తీర్మానాన్ని ఆమోదించడం కొంచెం తేడాగా ఉంది. అతను దానిని చేయాలనుకుంటున్నాడో లేదో చూద్దాం” అని ఆయన పేర్కొన్నారు.