LRS Scheme Duration: ప్రభుత్వం గుడ్ న్యూస్.. మరోసారి ఎల్ఆర్ఎస్ గడువు పెంపు!

Telangana Govt extended LRS Scheme Duration: తెలంగాణ ప్రభుత్వం గుడ్ న్యూస్ చెప్పింది. మరోసారి ఎల్ఆర్ఎస్ గడువును పెంచింది. తాజాగా ఈ నెల 30 వరకు ఎల్ఆర్ఎస్ గడువును పెంచుతూ నిర్ణయం తీసుకుంది. దీంతో ల్యాండ్ క్రమబద్దీకరణకు మార్గం సుగమం కానుంది. అలాగే గడువు పెంపుతో పాటు 25 రాయితీ కూడా ఈ నెలాఖరు వరకు వర్తించనుంది. కాగా ఇప్పటికే రాష్ట్రవ్యాప్తంగా 25 లక్షల ఎల్ఆర్ఎస్ అప్లికేషన్లు పెండింగ్ లో ఉన్నాయి.

వీటిలో 7 లక్షల మంది మాత్రమే ఫీజు చెల్లింపులు చేశారు. దీంతో ఈ ప్రక్రియ ద్వారా ప్రభుత్వానికి ఇప్పటివరకు రూ. 2 వేల కోట్ల ఆదాయం లభించింది. తాజాగా ప్రభుత్వం మరోసారి ఎల్ఆర్ఎస్ గడువు పెంచడంతో ప్రభుత్వానికి మరింత ఆదాయం రానుంది.