live tv
HOT
NOWHOT
NOW
మోదీ సర్కార్ రెండవసారి పరిపాలనలో చివరి బడ్జెట్ సమావేశాలు ఈ నెల 31నుంచి ప్రారంభం కానున్నాయి. ఫిబ్రవరి 9 వరకు మొత్తం 10 రోజులపాటు బడ్జెట్ సమావేశాలను నిర్వహించనున్నారు. సమావేశాల మొదటి రోజు రాష్ట్రపతి ద్రౌపది ముర్ము ఉభయ సభలను ఉద్దేశించి ప్రసంగించనున్నారు.
అసెంబ్లీ, పార్లమెంట్‌ నియోజకవర్గాల సమన్వయకర్తల మార్పులో భాగంగా మూడో జాబితాను వైసీపీ విడుదల చేసింది. ఆరు పార్లమెంట్‌ స్థానాలకు.. 15 అసెంబ్లీ స్థానాలకు మొత్తం 21 మంది ఇన్‌ఛార్జిల పేర్లను ప్రకటించింది. తాడేపల్లిలో గురువారం పార్టీ సీనియర్ నేత బొత్స సత్యనారాయణ, వైసీపీ రాష్ట్ర కార్యదర్శి సజ్జల రామకృష్ణారెడ్డి ఆ వివరాలను వెల్లడించారు.
జనసేన అధ్యక్షులు పవన్ కళ్యాణ్ తో సీనియర్ నేత మాజీ హోమ్ శాఖ మంత్రి, కాపు సంక్షేమ సేన అధ్యక్షులు శ్రీ చేగొండి హరిరామజోగయ్య సమావేశమయ్యారు. వర్తమాన రాజకీయ అంశాలు, రాష్ట్రంలో నెలకొన్న పరిస్థితులపై సుదీర్ఘంగా చర్చించారు. రానున్న సార్వత్రిక ఎన్నికల్లో విజయం సాధించాలని శ్రీ హరిరామజోగయ్య అభిలషించారు.
దేశంలోనే అత్యంత పరిశుభ్ర నగరంగా మధ్యప్రదేశ్‌లోని ఇండోర్ మరోసారి నెంబర్‌ వన్‌గా నిలిచింది. స్వచ్ఛ సర్వేక్షణ్‌ 2023 అవార్డుల్లో వరుసగా ఏడోసారి తొలి స్థానాన్ని దక్కించుకుంది . ఇండోర్‌తోపాటు గుజరాత్‌లోని సూరత్‌ కూడా క్లీనెస్ట్‌ సిటీ తొలి ర్యాంక్‌ను సంయుక్తంగా గెలుచుకుంది.ఈ జాబితాలో మహారాష్ట్రలోని నవీ ముంబై మూడో స్థానంలో నిలిచింది.
పపువా న్యూ గినియా (PNG) దేశంలో వేతనాల కోసం పోలీసులు సమ్మె చేయడంతో అల్లర్లు చెలరేగాయి. రాజధాని పోర్ట్ మోర్స్బీలోని ఆస్తులపై అల్లరిమూకలు దాడి చేసి నిప్పంటించారు. పోలీసులు గత ఏడాదిగా పెరుగుతున్న నేరాలతో పోరాడుతున్నారు. ఈ నేపధ్యంలో తమ వేతనాల్లో తగ్గింపును గుర్తించిన పోలీసులు బుధవారం ఉదయం సమ్మె ప్రారంభించారు.
నేపాల్ పోలీసులు లైంగిక వేధింపులు, కిడ్నాప్ ఆరోపణలపై 'బుద్ధ బాయ్'గా ప్రసిద్ధి చెందిన వివాదాస్పద ఆధ్యాత్మిక నాయకుడు రామ్ బహదూర్ బొమ్‌జన్‌ను అరెస్టు చేశారు. 2020లో అతనిపై అరెస్ట్ వారెంట్ జారీ అయిన తర్వాత బొమ్‌జన్‌ను మైనర్‌పై లైంగిక దోపిడీ కేసులో పరారీలో ఉన్నప్పుడు అరెస్టు చేసినట్లు పోలీసులు బుధవారం తెలిపారు.
2024 సంవత్సరానికి హెన్లీ పాస్‌పోర్టు ఇండెక్స్‌ ర్యాంకింగ్‌ను బుధవారం నాడు విడుదల చేసింది. వీటిలో జపాన్‌, సింగపూర్‌, ఫ్రాన్స్‌, జర్మనీ, ఇటలీ, స్పెయిన్‌ దేశాలకు చెందిన పాస్‌పోర్టులు ప్రపంచంలోనే అత్యంత శక్తివంతమైన పాస్‌పోర్టులుగా గుర్తించింది. ఈ దేశానికి సంబంధించిన పాస్‌పోర్టులు ఉన్న వారు ప్రపంచంలోని 227 దేశాలకు గాను 194 దేశాలకు ఎలాంటి వీసాలు లేకుండా రాకపోకలు కొనసాగించవచ్చు
కాంగ్రెస్ నేత వైఎస్ షర్మిలకు ఏపీ కాంగ్రెస్ బాధ్యతలు అప్పగించవద్దని మాజీ ఎంపీ హర్షకుమార్ అన్నారు. షర్మిలకు పీసీసీ చీఫ్ ఇస్తే బూడిదలో పోసిన పన్నీరు అవుతుందని.. కావాలంటే జాతీయ స్థాయిలో పదవి ఇచ్చుకోండని ఆయన సూచించారు. తెలంగాణ బిడ్డ అని చెప్పుకున్న షర్మిల ఏపీలో ఎలా చెల్లుబాటు అవుతుందని ప్రశ్నించారు.
పొలిటికల్ రీ ఎంట్రీకి కాపు ఉద్యమ నేత ముద్రగడ పద్మనాభం రెడీ అయిపోయారు. ముద్రగడతోపాటుగా ఆయన కుమారుడు కూడా పోటీకి సిద్ధమయ్యారు. ఇప్పటికే గ్రౌండ్ వర్క్ కూడా తండ్రీ కొడుకులు మొదలు పెట్టేశారు. నిన్న జనసేన నేతలు, ఇవాళ టిడిపి నేతలు ముద్రగడని కలవడంతో ఉభయగోదావరి జిల్లాల్లో పొలిటికల్ హీట్ పెరిగింది.
మణిపూర్‌లోని ఇంఫాల్ వెస్ట్ జిల్లాలో పవర్ స్టేషన్ నుంచి భారీ ఇంధనం లీకై దాని పక్కనే ప్రవహించే వాగుల్లో కలిసింది. కొన్ని చోట్ల వాగుల్లో మంటలు రేగడంతో స్దానికులు ఆందోళనకు గురయ్యారు. కాంటో సబల్, సెక్మాయి వంటి గ్రామాల మీదుగా వెళ్లే వాగుల్లో ఇంధనం కలిసిందని వారు తెలిపారు. దీనితో ప్రభుత్వం అప్రమత్తం అయింది.
Download app