CBI Raids: యూకో బ్యాంకులో రూ.820 కోట్ల లావాదేవీలు.. 13 ప్రాంతాల్లో సీబీఐ దాడులు

రూ. 820 కోట్ల మేర జరిగిన తక్షణ చెల్లింపు సేవ ( ఐఎంపిఎస్) కుంభకోణంపై కొనసాగుతున్న దర్యాప్తులో భాగంగా సెంట్రల్ బ్యూరో ఆఫ్ ఇన్వెస్టిగేషన్ (CBI) పశ్చిమ బెంగాల్ మరియు కర్ణాటకతో సహా దాదాపు 13 ప్రదేశాలలో సోదాలు నిర్వహించింది.మొబైల్ ఫోన్లు, ల్యాప్‌టాప్‌లు, కంప్యూటర్ సిస్టమ్‌లు, ఇమెయిల్ ఆర్కైవ్‌లు మరియు డెబిట్/క్రెడిట్ కార్డులు వంటి ఎలక్ట్రానిక్ సాక్ష్యాలను రికవరీ చేయడం ద్వారా ప్రైవేట్ వ్యక్తులు మరియు బ్యాంక్ అధికారులతో సహా నిందితుల ప్రాంగణాల్లో ఈ సోదాలు జరుగుతున్నాయి.

CBI Raids:రూ. 820 కోట్ల మేర జరిగిన తక్షణ చెల్లింపు సేవ ( ఐఎంపిఎస్) కుంభకోణంపై కొనసాగుతున్న దర్యాప్తులో భాగంగా సెంట్రల్ బ్యూరో ఆఫ్ ఇన్వెస్టిగేషన్ (CBI) పశ్చిమ బెంగాల్ మరియు కర్ణాటకతో సహా దాదాపు 13 ప్రదేశాలలో సోదాలు నిర్వహించింది.మొబైల్ ఫోన్లు, ల్యాప్‌టాప్‌లు, కంప్యూటర్ సిస్టమ్‌లు, ఇమెయిల్ ఆర్కైవ్‌లు మరియు డెబిట్/క్రెడిట్ కార్డులు వంటి ఎలక్ట్రానిక్ సాక్ష్యాలను రికవరీ చేయడం ద్వారా ప్రైవేట్ వ్యక్తులు మరియు బ్యాంక్ అధికారులతో సహా నిందితుల ప్రాంగణాల్లో ఈ సోదాలు జరుగుతున్నాయి.

ప్రైవేట్ బ్యాంకులనుంచి ..(CBI Raids)

నవంబర్ 10 మరియు నవంబర్ 13, 2023 మధ్య అనుమానాస్పద ఐఎంపిఎస్ లావాదేవీలు జరిగినట్లు ఇద్దరు సపోర్ట్ ఇంజనీర్లు చేసిన ఆరోపణలపై యూకో బ్యాంక్ నుండి వచ్చిన ఫిర్యాదు ఆధారంగా కేసు ప్రారంభించబడింది.ఏడు ప్రైవేట్ బ్యాంకుల్లోని 14,000 మంది ఖాతాదారుల నుండి ఐఎంపిఎస్ అంతర్గత లావాదేవీలు యూకో బ్యాంక్‌లోని 41,000 ఖాతాదారులకు 8,53,049 లావాదేవీల సంక్లిష్ట నెట్‌వర్క్‌ను కలిగి ఉన్నాయని ఆరోపణలు వచ్చాయి. ఇలా వచ్యచినరూ. 820 కోట్లు, మూలాధార బ్యాంకుల ఖాతాదారుల నుండి సరైన డెబిట్‌లు లేకుండానే యూకో బ్యాంక్ ఖాతాల్లోకి చేరినట్లు ఆరోపణలు వచ్చాయి. అనేక మంది ఖాతాదారులు ఈ పరిస్థితిని ఉపయోగించుకున్నారని, వివిధ బ్యాంకింగ్ మార్గాల ద్వారా యూకో బ్యాంక్ నుండి అక్రమంగా నిధులను ఉపసంహరించుకున్నారని సమాచారం.గత ఏడాది డిసెంబర్‌లో అనేక ఖాతాల్లో పొరపాటున జమ అయిన రూ.820 కోట్లలో రూ.705.31 కోట్లను యూకో బ్యాంక్ రికవరీ చేసింది. ఈ విషయంపై విచారణ కొనసాగుతోంది.