live tv
HOT
NOWHOT
NOW
న్యూఢిల్లీలోని ఇజ్రాయెల్ రాయబార కార్యాలయానికి సమీపంలో పేలుడు సంభవించింది. అయితే ఈ సంఘటనలో ఎటువంటి ప్రాణనష్టం లేదా గాయాలు నివేదించబడలేదు.పేలుడు జరిగిన ప్రాంతానికి సమీపంలోని సీసీటీవీలో ఇద్దరు నిందితుల కదలికలను గుర్తించామని వారిని పట్టుకునేందుకు ప్రయత్నాలు జరుగుతున్నాయని పోలీసు వర్గాలు తెలిపాయి.
సీఎం రేవంత్ రెడ్డి అభయ హస్తం లోగోను విడుదల చేశారు. ఆరు గ్యారెంటీలకు దరఖాస్తు పత్రాన్ని ముఖ్యమంత్రి రేవంత్ రెడ్డి, డిప్యూటీ సీఎం భట్టి విక్రమార్క, ఇతర మంత్రులు ఆవిష్కరించారు.ఆరు పథకాలకు ఒకే దరఖాస్తు ఉంటుందని తెలిపారు. రేషన్ కార్డులు లేని వారికి కార్డులు ఇస్తామని హామీ ఇచ్చారు.
ఢిల్లీలోని ఇందిరాగాంధీ అంతర్జాతీయ విమానాశ్రయం (ఐజీఐ)లో బుధవారం 100కు పైగా దేశీయ మరియు అంతర్జాతీయ విమానాలు ఆలస్యం అయ్యాయి.దట్టమైన పొగమంచు కారణంగా ఢిల్లీ విమానాశ్రయం దాదాపు 110 విమానాలు (దేశీయ మరియు అంతర్జాతీయ) రాకపోకలు మరియు నిష్క్రమణలను ప్రభావితం చేస్తూ ఆలస్యాన్ని ఎదుర్కొంటోంది అని ఢిల్లీ ఎయిర్‌పోర్ట్ FIDS (ఫ్లైట్ ఇన్ఫర్మేషన్ డిస్‌ప్లే సిస్టమ్) తెలిపింది.
ఆదిలాబాద్, ఖమ్మం, వరంగల్, కరీంనగర్ జిల్లాల్లోని 11 అసెంబ్లీ నియోజకవర్గాల్లో విస్తరించి ఉన్న సింగరేణి కాలరీస్ కంపెనీ లిమిటెడ్ (SCCL)లో ట్రేడ్ యూనియన్ ఎన్నికల పోలింగ్ కొనసాగుతోంది. ఉదయం 7 గంటలకు ప్రారంభమైన పోలింగ్ సాయంత్రం 5 గంటల వరకు కొనసాగనుంది.
ఏఐసీసీ అగ్రనేత రాహుల్ గాంధీ వచ్చే జనవరి 14నుంచి మరోసారి పాదయాత్ర నిర్వహించనున్నారు. భారత్ న్యాయ యాత్ర పేరిట జనవరి 14నుంచి మార్చి 20 వరకూ ఈ కార్యక్రమాన్ని నిర్వహించాలని కాంగ్రెస్ నిర్ణయించింది. ఈ నెల 21న సమావేశమైన కాంగ్రెస్ వర్కింగ్ కమిటీ మరోసారి రాహుల్ గాంధీ యాత్ర చేయాలన్న అభిప్రాయాన్ని వ్యక్తం చేసింది.
బేగంపేటలోని ప్రజాభవన్‌ వద్ద అర్ధరాత్రి కారు బీభత్సం సృష్టించిన ఘటన కలకలం రేపింది. అతి వేగంతో దూసుకొచ్చిన కారు ప్రజాభవన్‌ ఎదుట ట్రాఫిక్‌ బారికేడ్లను ఢీకొట్టి దూసుకెళ్లింది. ఈ ప్రమాదంలో నిర్లక్ష్యంగా కారు నడిపిన అబ్దుల్‌ ఆసిఫ్‌‌పై కేసు నమోదు చేశారు. కానీ బోధన్‌ మాజీ ఎమ్మెల్యే షకీల్ కొడుకు కారు నడిపినట్టు ఆరోపణలు వినిపిస్తున్నాయి.
జనసేన తరపున 70 నియోజకవర్గాల్లో అభ్యర్థులని గుర్తించే ప్రయత్నాలు జరుగుతున్నాయని కాపు సంక్షేమ సేన అధ్యక్షుడు చేగొండి హరిరామ జోగయ్య వెల్లడించారు. సుమారు 70 నియోజకవర్గాలలో జనసేన పార్టీ తరపున ఆర్థికంగా, పలుకుబడి పరంగా, సామాజిక పరంగా బలమైన అభ్యర్థులను గుర్తించే దిశగా జనసేనాని పవన్ కళ్యాణ్ మంగళగిరిలో రెండురోజులపాటు కసరత్తు చేశారని జోగయ్య వివరించారు.
ఎమ్మెల్సీ వంశీకృష్ణ యాదవ్ వైసీపీని వీడి జనసేనలో చేరేందుకు సిద్ధమైనట్లుగా తెలుస్తోంది. జనసేన పార్టీ నుంచి స్పష్టమైన హామీ వచ్చిన వెంటనే వంశీకృష్ణ జనసేన అధినేత పవన్ కళ్యాణ్ సమక్షంలో జనసేనలో చేరే అవకాశం ఉంది.
ప్రధాని మోదీని మంగళవారం తెలంగాణ సీఎం రేవంత్‌రెడ్డి, డిప్యూటీ సీఎం భట్టి కలిశారు. తెలంగాణలో కాంగ్రెస్ పార్టీ అధికారంలోకి వచ్చాక ప్రధానితో వారు మొదటిసారిగా సమావేశమయ్యారు. ఈ సందర్బంగా రాష్ట్రానికి రావాల్సిన నిధులు, కొత్త ప్రాజెక్టులపై చర్చించారు.
మామూలుగా అయితే ప్రేమకి, ఆపై పెళ్ళికి నిరాకరించిందని ప్రియురాలిపై పగ తీర్చుకునే ప్రియుళ్ళని చూస్తుంటాం. కానీ ఇక్కడ సీన్ రివర్స్ అయింది. మాజీ ప్రేమికుడి మీద పగ సాధించేందుకు ఓ యువతి అతడిని తప్పుడు కేసులో ఇరికించాలనుకుంది. హైదరాబాద్ లో జరిగిన ఈ సంఘటనకు సంబంధించి వివరాలివి.
Download app